I Ахия 4:7 - Сыйлы Инжил бла Забур

⁷ Сюйюлюннгенле! Бир-бирибизни сюейик; нек десегиз сюймеклик Аллахданды, сюймеклиги болгъан хар адам Аллахдан туугъанды эм Аллахны таныйды.

I Ахия 4:7 Iomraidhean Croise

Ахия 13:34

Сизге жангы фарыз береме: бир-биригизни сюйюгюз. Мен сизни сюйгеним кибик, сиз да бир-биригизни сюйюгюз.

Ахия 17:3

Ёмюрлюк жашау а буду, Сени – бир хакъ керти Аллахны – эм Сен ийген Масих Иссаны танысынла;

I Коринфлилеге 8:3

Алай а Аллахны сюйген адамны Аллах биледи.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Галатиялылагъа 4:9

Энди уа, сиз Аллахны билесиз неда тюзюн айтханда, Аллах сизни биледи. Алай эсе дагъыда ол къарыусуз эм файдасыз башланнгыч жорукълагъа не ючюн къайтасыз? Кесигизни энтда жангыдан алагъа къул этергеми сюесиз?

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

II Тимотейге 1:7

Нек десенг Аллах бизге къоркъакълыкъны нюрюн тюйюл, алай а къудуретни эм сюймекликни эмда тыйгъылылыкъны нюрюн бергенди.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Ахия 2:10

Къарындашын сюйген адам жарыкъда турады эм башхаланы абындырмайды.

I Ахия 2:29

Сиз Аны тюзлюклю болгъанын биле эсегиз, тюзлюк этген хар ким Андан туугъанын да билигиз.

I Ахия 2:3

Биз Аны таныгъаныбызны уа Аны фарызларын тутханыбыздан билебиз.

I Ахия 2:4

«Мен Аны таныйма», – деп, алай а Аны фарызларын тутмагъан адам, ол ётюрюкчюдю эм анда хакъ керти жокъду;

I Ахия 2:7

Сюйюлюннгенле! Сизге жангы фарыз жазмайма, алай а ауалдан сизде болгъан буруннгу фарызны жазама; буруннгу фарыз а ол сиз алгъындан эшитген сёздю.

I Ахия 3:9

Аллахдан туугъан адам гюнях этмейди, нек десегиз Аны урлугъу ол адамда болуп турады; Аллахдан туугъаны себепли ол гюнях этерге болаллыкъ тюйюлдю.

I Ахия 4:11

Сюйюлюннгенле! Аллах бизни алай сюйген эсе, сора биз да бир-бирибизни сюерге керекбиз.

I Ахия 4:12

Аллахны бир киши бир заманда кёрмегенди. Биз бир-бирибизни сюе эсег’а, сора Аллах бизде жашайды, Аны сюймеклиги да бизде толу барды.

I Ахия 4:16

Биз да Аллахны бизге болгъан сюймеклигин билгенбиз эм ол сюймекликге ийнаннганбыз. Аллах сюймекликди, сюймекликде жашагъан адам Аллахда жашайды, Аллах да ол адамда жашайды.

I Ахия 4:20

«Мен Аллахны сюеме», – деп кесини къарындашын а кёрюп болмагъан адам ётюрюкчюдю. Нек десегиз кесини кёре тургъан къарындашын сюймеген ол кеси кёрмеген Аллахны уа къалай сюяллыкъды?

I Ахия 4:8

Сюймеген адам, Аллахны танымайды, нек десегиз Аллах сюймекликди.

I Ахия 5:1

Иссаны Масих болгъанына ийнаннган хар адам Аллахдан туугъанды. Туудургъанны сюйген хар адам Андан туугъанны да сюеди.

II Ахия 1:5

Бийче, энди уа сенден тилейме, бирбирибизни сюейик. Бу мен санга жазгъан жангы фарыз тюйюлдю, алай а биз алгъындан алгъан фарызды.