I Ахия 3:8 - Сыйлы Инжил бла Забур

⁸ Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.

I Ахия 3:8 Iomraidhean Croise

Маттай 12:28

Мен жинлени Аллахны Нюрю бла къыстай эсем а, ишексиз сизге Аллахны Патчахлыгъы жетгенди.

Маттай 13:38

Сабан – дунияды. Иги урлукъ – Кёклени Патчахлыгъыны уланларыдыла, аман хансла уа – хыйлачыны уланларыдыла.

Маттай 4:3

Сора терилтиучю, Анга жууукълашып: «Сен Аллахны Уланы эсенг, бу ташлагъа ётмекле болургъа буюр», – деди.

Марк 1:24

«Къой бизни, Назаретли Исса! Сени бизни бла не ишинг барды? Сен бизни жояргъа келгенсе! Сени ким болгъанынгы билеме, Аллахны Сыйлысыса!» – деди.

Лука 10:18

Ол а алагъа: «Шайтанны шыбылача кёкден тюшгенин Мен кёргенме.

Ахия 12:31

Энди бу дуниягъа сюд этиледи; энди бу дунияны бийи тышына къысталлыкъды;

Ахия 16:11

Сюдню юсюнден да – нек десегиз бу дунияны бийине сюд этилгенди.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Римлилеге 16:20

Ырахатлыкъ бериучю Аллах а, шайтанны къысха заманда сизни аякъ тюбюгюзде ууатырыкъды. Раббийибиз Масих Иссаны шафауаты сизни бла болсун! Амин.

Эфеслилеге 2:2

Бир заманлада сиз бу гюняхлада жашагъансыз, бу дунияны адети бла, хауада бийлик этген башчыны – Аллахха бойсунмаучу адамлада энди ишин этген нюрню – ызындан баргъансыз.

Колослулагъа 2:15

Башчыланы бла властьланы кючлерин сыйырып, аланы къачны юсюнде хорлап, барыны да аллында аланы бедишлик этгенди.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

Чюйютлелеге 2:14

Сабийле уа чархдан бла къандан юлюшлю болгъанлары ючюн, Исса да, ёлюмню бийин – ибилисни, ёлюмню юсю бла къоратыр ючюн, адам табийгъатны Кесине алгъанды.

Чюйютлелеге 9:26

Алайсыз Анга дунияны башланнганындан берисинде кёп кере азап чегерге керек боллукъ эди. Ол а бир кере, ёмюрлени ахырында, Кесини къурманы бла гюняхны жокъ этерге келгенди.

II Петер 2:4

Нек десегиз Аллах, гюнях этген мёлеклени да аямай, алай а, жаханимге атып, къарангылыкъда бугъоула бла байлагъан эмда, азап чекдирир ючюн, сюд кюннге сакъларгъа берген эсе,

I Ахия 1:2

Жашау ачыкъ кёрюннгенди, биз аны кёрдюк эмда анга шагъатлыкъ этебиз. Атада болуп бизге кёрюннген ёмюрлюк Жашауну сизге билдиребиз.

I Ахия 3:10

Аллахны сабийлери эм ибилисни сабийлери былай таныладыла: тюзлюк этмеген эм кесини къарындашын сюймеген ким болсада Аллахдан тюйюлдю.

I Ахия 3:5

Масих бизни гюняхларыбызны Кесини боюнуна алыр ючюн келгенин эм Анда гюнях болмагъанын сиз билесиз.

I Ахия 5:19

Биз Аллахдан болгъаныбызны эм битеу дуния ибилисни оноуунда тургъанын билебиз.

Яхуда 1:6

Даражаларында къалмай, алай а кеслерини мекямларын къойгъан мёлеклени да, Раббий ачылмазлыкъ бугъоула бла бугъоулап, къарангылыкъны тюбюнде къыяматны уллу кюнюне сакълайды.

Билим Ачханы 20:10

Аланы терилтген ибилис а, от бла кукурт кёлге атыллыкъды; жаныуар бла жалгъан файгъамбар да андадыла. Ала кече да, кюн да ёмюрледен ёмюрлеге азап чегерикдиле.

Билим Ачханы 20:15

Сора жашау китабында аты жазылмагъан хар адам от кёлге атылды.