I Ахия 3:5 - Сыйлы Инжил бла Забур

⁵ Масих бизни гюняхларыбызны Кесини боюнуна алыр ючюн келгенин эм Анда гюнях болмагъанын сиз билесиз.

I Ахия 3:5 Iomraidhean Croise

Маттай 1:21

Ол Улан табарыкъды, сен Анга Исса атны атарыкъса, нек десенг Ол Кесини халкъын гюняхларындан къутхарлыкъды», – деди.

Лука 23:41

Бизге тюз сюд этилгенди, биз этген ишлерибизге тийишлисин алгъанбыз. Ол а бир аман иш этмегенди», – деп, аны тыя эди.

Лука 23:47

Жюзбашчы уа, болуннган ишни кёргенинде, Аллахха махтау салып: «Кертиси да бу Адам тюзлюклю Киши эди», – деди.

Ахия 1:29

Экинчи кюн Ахия Иссаны анга келе тургъанын кёрюп: «Ма Аллахны Къозусу, Ол, дунияны гюняхын Кесини боюнуна алады.

Ахия 1:31

Мен Аны танымай эдим; алай а, Аны Израильге кёргюзтюр ючюн, адамланы сууда кёмюлдюрюрге келгенме», – деди.

Ахия 14:30

Энди Мен сизни бла кёп сёлеширик тюйюлме; нек десегиз бу дунияны бийи келеди, аны уа Манга кючю жокъду.

Ахия 8:46

Менде гюнях табып, сизден ким ачыкъларыкъды Мени? Мен хакъ кертини айта эсем а, сиз Манга нек ийнанмайсыз?

II Коринфлилеге 5:21

Нек десегиз биз Масихни юсю бла Аллахны аллында тюзлюклю болур ючюн, Аллах гюнях не болгъанын билмеген Масихни бизни гюняхларыбыз ючюн къурман этгенди.

I Тимотейге 1:15

«Масих Исса дуниягъа гюняхлыланы къутхарыр ючюн келгенди», – деген сёз ышаннгылыды эм хар жаны бла да къабыл этилирге тийишлиди. Аланы барындан да эм аман а менме.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 4:15

Нек десегиз бизни Баш Дин Къуллукъчубуз къарыусузлукъларыбызда бизге жазыкъсыналмазча аллай тюйюлдю. Ол хар не жаны бла да бизни кибик сыналгъанды, алай а гюнях этмегенди.

Чюйютлелеге 7:26

Аллай Баш Дин Къуллукъчу бизни кереклибизге болушаллыкъды. Ол сыйлыды, аманлыкъгъа къатышмагъанды, таза айыпсызды, гюняхлыладан айырылгъанды эм кёкледен да бийикде турады.

Чюйютлелеге 9:26

Алайсыз Анга дунияны башланнганындан берисинде кёп кере азап чегерге керек боллукъ эди. Ол а бир кере, ёмюрлени ахырында, Кесини къурманы бла гюняхны жокъ этерге келгенди.

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

I Петер 1:18

Аталарыгъыздан сизге берилген фана жашаудан, сиз, кюмюш неда алтын кибик чиририк затла бла угъай,

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.

I Петер 2:22

Ол бир тюрлю гюнях этмегенди эм Аны ауузунда жалгъан сёз болмагъанды;

I Петер 2:24

Биз, гюняхларыбыздан къутулуп, тюзлюк амалтын жашар ючюн, Ол Кеси бизни гюняхларыбызны Кесини чархы бла къачха кётюргенди. Сиз Аны жаралары бла сау этилгенсиз.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Ахия 1:2

Жашау ачыкъ кёрюннгенди, биз аны кёрдюк эмда анга шагъатлыкъ этебиз. Атада болуп бизге кёрюннген ёмюрлюк Жашауну сизге билдиребиз.

I Ахия 1:7

Аны жарыкъда болгъаны кибик, жарыкъда жюрюй эсег’а, бир-бирибиз бла бирикмеклигибиз барды эм Аны Уланы Масих Иссаны къаны бизни хар гюняхдан тазалайды.

I Ахия 2:1

Сабийлерим! Быланы сизге сиз гюнях этмез ючюн жазама; гюнях этген адам бар эсе уа, тюзлюклю Масих Исса Атаны аллында бизни Ёкюлюбюздю.

I Ахия 2:2

Ол бизни гюняхларыбызны эм жаланда бизни гюняхларыбызны тюйюл, алай а битеу дунияны гюняхларын да кечдирген къурманды.

I Ахия 2:29

Сиз Аны тюзлюклю болгъанын биле эсегиз, тюзлюк этген хар ким Андан туугъанын да билигиз.

I Ахия 3:8

Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.

Билим Ачханы 1:5

Эм тюз шагъат болгъан, ёлгенледен биринчи болуп тиргизилген, дунияны патчахларыны Бийи Масих Иссадан сизге шафауат эм ырахатлыкъ болсун. Бизни сюйген, Кесини къаны бла гюняхларыбыздан бизни азат этген