I Ахия 2:8 - Сыйлы Инжил бла Забур

⁸ Алай а аны юсюне жангы фарыз да жазама сизге. Муну хакъ керти болгъаны Масихде да, сизде да кёрюнеди. Нек десегиз къарангылыкъ кетеди, керти жарыгъ’а энди жарыйды.

I Ахия 2:8 Iomraidhean Croise

Забур 27:1

Раббий, Сенден тилек этеме, мени къаям! Манга жууапсыз болма, алайсыз, Сен жууап этмесенг, мен къабыргъа тюшгенлеча болуп къаллыкъма.

Забур 36:9

Нек десенг аманлыкъ этиучюле жоюллукъдула, Раббийге ышаннганла уа жерге ие боллукъдула.

Забур 84:11

Мархамат бла хакъ керти тюбеширикдиле, тюзлюк бла ырахатлыкъ уппа этиширикдиле.

Маттай 4:16

Къарангыда олтургъан халкъ уллу жарыкъ кёрдю, ёлюм ауана басып тургъан къыралда олтургъанлагъа да жарыкъ жарыды».

Лука 1:79

Къарангыда, ёлюмню ауанасында олтургъанланы жарытыр ючюн, бизни аякъларыбызны ырахатлыкъны жолуна бурур ючюн, бизге болушургъа келгенди», – деп айтды.

Ахия 1:9

Дуниягъа келген хар адамны жарыкъландыргъан керти Жарыкъ бар эди.

Ахия 12:35

Ол заманда Исса алагъа: «Энтда бир аз заманнга сизни бла жарыкъ барды; сизни къарангылыкъ басмаз ючюн, жарыкъ болгъан заманда жюрюгюз, къарангыда жюрюген а къайры баргъанын билмейди.

Ахия 12:46

Манга ийнаннган бир адам да къарангылыкъда къалмаз ючюн, Мен дуниягъа келген жарыкъма.

Ахия 13:34

Сизге жангы фарыз береме: бир-биригизни сюйюгюз. Мен сизни сюйгеним кибик, сиз да бир-биригизни сюйюгюз.

Ахия 8:12

Исса дагъыда халкъгъа сёлешди эм: «Мен дунияны жарыгъыма; Мени ызымдан келген адам, къарангыда жюрюрюк тюйюлдю, алай а анда жашауну жарыгъы боллукъду», – деди.

Ишлери 17:30

Алай бла Аллах билмей туруу заманлада этген терсликлерибизни боюнубузгъа салмай, энди хар жерде да битеу адамлагъа тобагъа къайтышыргъа буйрукъ этеди.

Ишлери 26:18

Сен аланы кёзлерин ачар ючюн, ала къарангылыкъдан жарыкъгъа, шайтанны оноуундан Аллахха къайтышыр ючюн, Манга ийнаныу бла гюняхларындан кечгинлик алыр ючюн эм сыйлы болгъанла бла бирге юлюшлю болур ючюн сени энди алагъа иеме“ деп айтханды.

Римлилеге 13:12

Кече озгъанды, кюн а жууукълашханды: алай бла, къарангылыкъны ишлерин атып, жарыкъны сауутларын юсюбюзге киейик.

II Коринфлилеге 8:9

Раббийибиз Масих Иссаны шафауатын сиз билесиз: сиз Аны жарлылыгъы бла бай болур ючюн, Ол, бай болгъанынлай, сизни ючюн жарлы болгъанды.

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

II Тимотейге 1:10

Алай а энди Аны келгени бла ачыкъ этилгенди. Бизни Къутхарыучубуз Масих Исса ёлюмню жокъ этгенди. Ол, Хайыр Хапарны юсю бла, жашауну эм ёлюмсюзлюкню кёргюзтгенди.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Ахия 3:23

Аны фарызы уа буду: биз Аны Уланы Масих Иссаны атына ийнаныргъа эм, Ол бизге фарыз этгени кибик, бир-бирибизни сюергеди.

I Ахия 4:11

Сюйюлюннгенле! Аллах бизни алай сюйген эсе, сора биз да бир-бирибизни сюерге керекбиз.

I Ахия 4:21

«Аллахны сюйген кесини къарындашын да сюйсюн» деген фарызны биз Масихден алгъанбыз.