Ишлери 8:7 - Сыйлы Инжил бла Забур

⁷ Нек десегиз харам нюрлери болгъан адамланы кёбюсюнден, харам нюрле ачы къычырыкъ этип чыгъа эдиле, саны къурушхан эм ахсакъ болгъан кёп адамла да сау бола эдиле.

Ишлери 8:7 Iomraidhean Croise

Маттай 10:1

Сора Исса, онеки сохтасын чакъырып, алагъа харам нюрлени къыстаргъа, хар тюрлю аурууну бла хар къарыусузлукъну сау этерге эркинлик бергенди.

Маттай 11:5

Сокъурла кёрюп, акъсакъла да жюрюп башлайдыла, келепенле тазаланадыла, сангыраула эшитедиле, ёлгенле тиргизиледиле, жарлылагъа да Хайыр Хапар бериледи.

Маттай 4:24

Аны юсюнден хапар битеу Сириягъа жайылды; Анга битеу къарыусузланы, тюрлю ауруулары эм тутхан ауруулары болгъанланы, жинлилени, аймёлеклени эм санлары къурушханланы келтире эдиле, Ол аланы сау эте эди.

Марк 9:26

Нюр къычырыкъ этип эм жашны бек къалтыратып чыкъды; жаш да ёлгенча болду, алай бла кёпле: «Ёлгенди ол», – дей эдиле.

Лука 10:17

Жетмиш сохта къууанч бла къайтып келип: «Раббий! Сени атынгы айтханыбызда бизге жинле да бойсунадыла!» – дедиле.

Ахия 14:12

Кертисин, кертисин айтама сизге: Манга ийнаннган, Мен этген ишлени кеси да этерикди эм аладан да уллусун этерикди; нек десегиз Мен Атама барама.

Ишлери 5:16

Иерусалимни тёгерегиндеги шахарладан да кёп адамла келип жыйылып, ауругъанланы эм харам нюрледен къыйналгъанланы келтире эдиле; быланы барысы да сау этиле эдиле.

Ишлери 8:6

Филипни этген илишанларын эшитип эм кёрюп, битеу халкъ, аны айтханларына сагъайып тынгылай эди.

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.