Ишлери 8:12 - Сыйлы Инжил бла Забур

¹² Аллахны Патчахлыгъыны эм Масих Иссаны атыны юсюнден Хайыр Хапарны жайгъан Филипге ийнаннганларында уа, эр кишиле да, тиширыула да сууда кёмюлдюрюлген эдиле.

Ишлери 8:12 Iomraidhean Croise

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Лука 9:2

Аланы Аллахны Патчахлыгъын билдирирге эм ауругъанланы сау этерге ийди.

Лука 9:60

Исса уа анга: «Ёлюклеге кеслерини ёлюлерин асыраргъа къой, сен а, барып, Аллахны Патчахлыгъыны хайыр хапарын билдир», – деди.

Ишлери 1:3

Азап чегип ёлгенинден сора, абустоллагъа кёп керти патауала бла Кесини тиргизилгенин кёргюзтюп, къыркъ кюнню ичинде алагъа кёрюне эм Аллахны Патчахлыгъыны юсюнден айта тургъанды.

Ишлери 11:20

Аладан бир къауум Кипрлиле бла Киринейлиле уа, Антиохиягъа келип, греклилеге айтып, Раббий Иссаны юсюнден Хайыр Хапарны билдире эдиле.

Ишлери 18:8

Синагоганы таматасы Крисп а битеу юйюрю бла Раббийге ийнанды, кёп Коринфлиле да Пауулгъа тынгылап, ийнандыла эмда сууда кёмюлдюрюлдюле.

Ишлери 19:5

Муну эшитгенде, ала Раббий Иссаны атына сууда кёмюлдюрюлдюле.

Ишлери 2:38

Петер а алагъа: «Гюняхларыгъыз кечилир ючюн, тобагъа къайтышыгъыз эм хар биригиз Масих Иссаны аты бла сууда кёмюлдюрюлсюн, сора саугъагъа Сыйлы Нюрню алырсыз.

Ишлери 2:41

Алай бла аны сёзюн сюйюп алгъанла, сууда кёмюлдюрюлдюле. Ол кюн жамауатха юч минг чакълы адам къошулду.

Ишлери 20:21

Иудейлилени да, греклилени да Аллахны аллында тобагъа къайтышыргъа эмда Раббийибиз Масих Иссагъа ийнаныргъа чакъыргъанма.

Ишлери 20:25

Энди уа мен билеме: мындан арысында сизден биригиз да мени бетими кёрлюк тюйюлсюз, сизни арагъызда Аллахны Патчахлыгъын билдирип айланнганны.

Ишлери 28:31

Уллу таукеллик бла чырмаусуз Аллахны Патчахлыгъын билдирип эмда Раббий Масих Иссаны юсюнден юйретип турду.

Ишлери 5:14

Алай болсада, Раббийге ийнанып, жамауатха къошулгъан эр кишиле да, тиширыула да кёпден-кёп бола эдиле.

Ишлери 8:4

Ол заманда чачылгъан ийнаннганла, хар жерде айланып, Хайыр Хапарны жая эдиле.

Римлилеге 10:10

Нек десенг адам жюреги бла ийнанып ариуланады, ийнаннганына уа ауузу бла шагъатлыкъ этип къутхарылады.

I Коринфлилеге 11:11

Алай а Раббийни жолунда не эр къатындан, не къатын эрден эркин тюйюлдю.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.