Ишлери 7:51 - Сыйлы Инжил бла Забур

⁵¹ Къаты боюнлула! Жюреклерине бла къулакъларына сюннет этилмеген адамла! Сиз хар заманда да Сыйлы Нюрге къажау кюрешесиз, аталарыгъыз къалай этген эселе да, сиз да алай этесиз.

Ишлери 7:51 Iomraidhean Croise

Забур 75:5

Сен махтаулуса, жыртхычлы тауладан да къудуретлисе.

Забур 78:8

Бизни ата-бабаларыбызны гюняхларын бизге жетдирме: Сени ырахматынг къысха заманда аллыбызгъа чыкъсын, нек десенг биз бек къарыусуз болгъанбыз.

Ишлери 6:10

Алай болгъанлыкъгъа, аны айтхан сёзлериндеги акъылманлыкъгъа эмда Сыйлы Нюрге къажау туралмадыла.

Ишлери 7:27

Ол жууугъуна артыкълыкъ этген адам а Мусаны бир жанына тюртюп: „Сени бизге башчыгъа бла сюдюге ким салгъанды?

Ишлери 7:35

Ала къабыл этмей анга: „Сени бизге башчыгъа бла сюдюге ким салгъанды?“ деп айтхан ол Мусаны, Аллах, чыгъана терекде анга кёрюннген мёлекни юсю бла, башчы эм къутхарыучу этип ийгенди.

Ишлери 7:39

Бизни аталарыбыз аны сёзюне тынгыларгъа сюймегендиле эм, аны бир жанына тюртюп, Мисирге къайтыргъа талпыгъандыла.

Ишлери 7:9

Ол уллу аталарыбыз, зарланып, Юсюпню Мисирге сатхандыла, алай а Аллах аны бла болгъанды.

Римлилеге 2:25

Тауратны толтура эсенг, сюннетни файдасы барды; сен Тауратны бузуучу эсенг а, сени сюннетинги магъанасы жокъду.

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

Колослулагъа 2:11

Масихникиле болгъаныгъызда, сизге да къол бла этилмеген сюннет, Масих этген сюннет этилгенди; ол сюннет а чархыгъызны гюняхлы табийгъатын кетериуюгюздю.