Ишлери 6:9 - Сыйлы Инжил бла Забур

⁹ Азатланы, Киринейлилени эм Аскендириялыланы Синагогасы атлы синагогадан бир къауумла эм Киликиядан бла Асиядан да бир къауумла Истефан бла даулашха тюшдюле.

Ишлери 6:9 Iomraidhean Croise

Маттай 10:17

Адамладан а кесигизни сакълагъыз; нек десегиз ала сизни сюдлеге берликдиле, синагогаларында тюерикдиле.

Маттай 23:34

Ол себепден, ма, Мен сизге файгъамбарланы, акъылманланы, алимлени иеме; сиз аланы бир къауумларын ёлтюрлюксюз, къачха керликсиз, бир къауумларын а синагогаларыгъызда тюериксиз эм шахардан шахаргъа къууарыкъсыз;

Маттай 27:32

Чыгъып бара, ала, Шимон атлы бир Киринейлиге тюбеп, Иссаны къачын анга кётюртюп элтдирдиле.

Марк 13:9

Сиз а кесигизге сакъ болугъуз; нек десегиз сизни сюдлеге берликдиле, синагогалада тюерикдиле, Мени ючюн оноучуланы бла патчахланы алларына элтилликсиз. Алай бла аланы алларында шагъатлыкъ этериксиз.

Лука 21:12

Быланы барындан да алгъа уа сизни тутарыкъдыла, сизге зулму этерикдиле, синагогалагъа берликдиле, тюрмелеге атарыкъдыла эм Мени атым ючюн патчахланы бла оноучуланы алларына элтирикдиле.

Ишлери 11:20

Аладан бир къауум Кипрлиле бла Киринейлиле уа, Антиохиягъа келип, греклилеге айтып, Раббий Иссаны юсюнден Хайыр Хапарны билдире эдиле.

Ишлери 13:1

Антиохияда болгъан жамауатда бир къауум файгъамбарла бла устазла бар эдиле: Барнаба эм Нигер аталгъан Шимон, Киринейли Лукий, Ирод тетрарх бла бирге ёсген Менахем эм Шауул.

Ишлери 13:45

Алай а иудейлиле, халкъны кёргенде, зарлыкъдан толуп, Пауул айтхан сёзле бла келишмей, къажау туруп, анга аман айта эдиле.

Ишлери 15:23

Сора, былай жазып, аланы къолларына берип ийдиле: «Абустолла, таматала эмда къарындашла, башха миллетледен болуп Антиохияда, Сирияда эм Киликияда жашагъан къарындашлагъа салам айтадыла.

Ишлери 15:41

Эмда Сирияда бла Киликияда айланып, жамауатланы кючлендирди.

Ишлери 16:6

Сыйлы Нюр аланы Аллахны сёзюн Асияда билдирирге къоймагъаны себепли, Пауул бла нёгерлери, Фригияны бла Галатия къыралны юсю бла бардыла.

Ишлери 18:24

Бу кезиуде, Аскендирияда туугъан, Аполлос атлы бир иудейли Эфесге келген эди. Ол ариу сёзлю, Сыйлы Китапладан кёп билими болгъан адам эди.

Ишлери 19:10

Ол алай этип эки жылгъа дери турду, алай бла битеу Асияда жашагъанла, иудейлиле да, греклиле да Раббий Иссаны юсюнден Хайыр Хапарны эшитген эдиле.

Ишлери 19:26

Аны себепли жангыз Эфесде тюйюл, хазна къалмай битеу Асияда окъуна бу Пауул „Адамла къоллары бла этген аллахла аллах тюйюлдюле“ деп, кёп адамланы ийнандырып къайтышдыргъанын сиз кёресиз эм эшитесиз.

Ишлери 21:27

Ол жети кюн бошала туруб’а, асиялы иудейлиле, Пауулну табыныучу юйде кёрюп, битеу халкъны къозгъадыла эмда аны тутдула,

Ишлери 21:39

Пауул а: «Мен иудейлиме, Киликияны белгили Тарс шахарыны адамыма; халкъгъа сёлеширге манга эркинлик бериринги сенден тилейме», – деди.

Ишлери 22:19

Мен а: „Раббий! Санга ийнаннганланы мен тюрмелеге салгъанымы эмда синагогалада тюйгеними ала биледиле,

Ишлери 22:3

«Мен иудейлиме, Киликияны Тарс шахарында туугъанма, алай а мында, бу шахарда ёсгенме. Гамалиелни башчылыгъы бла аталарыбызны Законун окъуп, толу билим алгъанма. Сиз барыгъыз да бюгюн этгенча, мен да Аллах ючюн эришлик этгенме.

Ишлери 23:34

Оноучу, къагъытны окъугъанда, Пауул къайсы областьдан болгъанын сорду эм Киликиядан болгъанын билгенден сора:

Ишлери 24:18

Ала мени табыныучу юйде алай этгеними кёргенлеринде, дин адетлеге кёре тазаланнган эдим. Тёгерегимде халкъ да, дауур да жокъ эди.

Ишлери 26:11

Битеу синагогалада айланып, мен, алагъа кёп кере азап салып, зор бла Иссагъа аман айтдырыргъа кюреше эдим эм, алагъа мардасыз бек ачыуланып, алагъа зулму этер ючюн, ала жашагъан тыш шахарлагъа окъуна бара эдим.

Ишлери 6:10

Алай болгъанлыкъгъа, аны айтхан сёзлериндеги акъылманлыкъгъа эмда Сыйлы Нюрге къажау туралмадыла.

I Коринфлилеге 1:20

Къайдады акъылман? Къайдады алим? Къайдадыла бу ёмюрню философлары? Аллах бу дунияны акъылманлыгъы акъылсызлыкъ болгъанын кёргюзтмегенмиди?

Галатиялылагъа 1:21

Андан сора мен Сирия бла Киликия къыраллагъа кетген эдим.