Ишлери 6:3 - Сыйлы Инжил бла Забур

³ Ол себепден къарындашла, кесигизни арагъыздан, аланы юсюнден иги шагъатлыкъ этилген, Сыйлы Нюрден эм акъылманлыкъдан толгъан жети адамны сайлагъыз; аланы бу къуллукъну этерге салайыкъ.

Ишлери 6:3 Iomraidhean Croise

Маттай 23:8

Сиз а устазла деп айтылмагъыз; нек десегиз сизде Устаз жангыз Масихди, сиз а барыгъыз да къарындашласыз.

Ахия 21:23

Сора „ол сохта ёллюк тюйюлдю“ деген сёз къарындашланы арасында жайылды. Исса уа анга: «Ёллюк тюйюлдю», – демеген эди, алай а: «Аны Мен келгинчи жашарын сюе эсем, андан санга не?» – деген эди.

Ишлери 1:15

Ол кюнледе Петер, жюз жыйырма чакълы сохта жыйылгъан бир жыйылыуну арасында туруп:

Ишлери 1:21

«Алай бла, Ахияны сууда кёмюлдюргенинден башлап, Раббий Исса бизден кёкге кётюрюлген кюннге дери, бизни бла бирге болуп айланнган заманында таймай биргебизге болгъан адамладан бири,

Ишлери 10:22

Ала уа: «Жюзбашчы Корнелий – тюзлюклю эмда Аллахдан къоркъгъан, битеу иудей миллет да ыразы болгъан бир адам – сени юйюне чакъырып, сени айтырыкъ сёзлеринге тынгыларгъа сыйлы мёлекден буйрукъ алгъанды», – дедиле.

Ишлери 15:23

Сора, былай жазып, аланы къолларына берип ийдиле: «Абустолла, таматала эмда къарындашла, башха миллетледен болуп Антиохияда, Сирияда эм Киликияда жашагъан къарындашлагъа салам айтадыла.

Ишлери 16:2

Аны юсюнден Листрада бла Иконияда иги шагъатлыкъ эте эдиле.

Ишлери 2:4

Ийнаннганланы барысы да Сыйлы Нюрден толдула эм Нюр алагъа айтыргъа берген башха-башха тилледе сёлешип башладыла.

Ишлери 22:12

Дамаскда жашагъан, битеу иудейлиле хурмет этген, Тауратны жорукъларын тутхан дин ахлу, Ханания атлы бир киши,

Ишлери 28:14

Анда къарындашла тапдыкъ, ала, тилеп, бизни анда жети кюн къалдырдыла, андан сора Римге кетдик.

Ишлери 6:2

Ол заманда онеки абустол, сохталаны битеу къауумун жыйып, алагъа: «Аллахны сёзюн юйретиуню къоюп, аш юлешиуню къайгъысын этмеклик бизге иги тюйюлдю.

Ишлери 6:5

Бу сёзге битеу жыйылгъанла ыразы болдула; сора Истефан атлы, иймандан эм Сыйлы Нюрден толгъан кишини, Филипни, Прохорну, Никанорну, Тимонну, Парменаны эмда алгъын чюйют диннге къайтышхан Антиохиялы Николайны сайладыла.

Ишлери 6:6

Аланы абустолланы алларына сюедиле, абустолла да, тилек этип, аланы юслерине къолларын салдыла.

Ишлери 9:30

Къарындашла муну билгенлей, Шауулну Кесариягъа ийдиле, андан а Тарсха ашырдыла.

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

I Коринфлилеге 16:3

Келген заманымда уа, къагъытла да жазып, сиз тийишли кёрген адамланы, жыйгъан садакъагъызны Иерусалимге тапдырыргъа иерме.

Эфеслилеге 5:18

Эм чагъыр ичип эсирмегиз, нек десегиз андан хаулелик болады; алай а Сыйлы Нюрден толугъуз,

I Тимотейге 5:10

Сабийлерин ёсдюрген эсе, къонакъбайлыкъ этген эсе, сыйлыланы аякъларын жуугъан эсе, къыйынлыкъда жашагъанлагъа болушхан эсе эм хар тюрлю ахшы ишни къадалып этген эсе, аны аты башсыз къатынланы дефтерине жазылсын.

Якъуп 1:17

Хар берилген ахшылыкъ эм хар тамамлы саугъа, огъартындан, кёкледеги жарыкъланы жаратхан Атадан келеди; Аны уа алышыныуу эм не аз да тюрлениую жокъду.

III Ахия 1:12

Бары да хакъ кертини кеси да Димитрийни юсюнден иги шагъатлыкъ этгендиле; аны кибик, биз да шагъатлыкъ этебиз, бизни шагъатлыгъыбыз тюз болгъанын а сиз да билесиз.