Ишлери 5:16 - Сыйлы Инжил бла Забур

¹⁶ Иерусалимни тёгерегиндеги шахарладан да кёп адамла келип жыйылып, ауругъанланы эм харам нюрледен къыйналгъанланы келтире эдиле; быланы барысы да сау этиле эдиле.

Ишлери 5:16 Iomraidhean Croise

Маттай 2:16

Ол заманда Ирод, жулдуз билгичле аны хыликкя этип кетгенлерин кёрюп, бек ачыуланнганды эмда билгичледен тамам билген заманына кёре, Бейтлехемде бла битеу аны чегинде болгъан экижыллыкъ эм андан кичи улан сабийлени барын да ёлтюртгенди.

Маттай 4:24

Аны юсюнден хапар битеу Сириягъа жайылды; Анга битеу къарыусузланы, тюрлю ауруулары эм тутхан ауруулары болгъанланы, жинлилени, аймёлеклени эм санлары къурушханланы келтире эдиле, Ол аланы сау эте эди.

Маттай 8:16

Ингир болгъанда уа, Иссагъа кёп жинлилени келтирдиле. Ол, жинлени сёзю бла къыстады, битеу ауругъанланы да сау этди.

Лука 5:17

Бир кюн, Исса юйрете тургъан заманда, Галилеяны бла Иудеяны эм Иерусалимни хар жерлеринден келген фарисейле бла Таурат устазла да мында олтура эдиле. Исса Раббийни кючю бла ауругъанланы сау эте эди.

Лука 6:18

Ала уа Анга тынгыларгъа эм аурууларындан сау этилирге келген эдиле, аны кибик харам нюрледен термилгенле да сау этиле эдиле.

Лука 9:11

Халкъ, муну билип, Аны ызындан барды. Ол, аланы къабыл этип, ала бла Аллахны Патчахлыгъындан ушакъ эте эди, сау этилирге керекли болгъанланы да сау эте эди.

Ахия 14:12

Кертисин, кертисин айтама сизге: Манга ийнаннган, Мен этген ишлени кеси да этерикди эм аладан да уллусун этерикди; нек десегиз Мен Атама барама.

Ишлери 4:30

Сен да, Сыйлы Уланынг Иссаны аты бла адамланы сау этерге эмда илишанла эм сейирликле этерге къолунгу узат», – деп тилек этдиле.

Ишлери 5:15

Алай бла адамла, озуп баргъан Петерни ауанасы окъуна аладан бир къауумларына тиер ючюн, ауругъанланы жатхан жерлери бла тёшеклери бла орамлагъа чыгъарып сала эдиле.

Ишлери 5:17

Баш дин къуллукъчу эм аны бла болгъан садукей масхаплыла барысы да зарлыкъдан толдула

I Коринфлилеге 12:9

Дагъыда башхасына ол Нюр бла ийман бериледи; башхасына ол Нюр бла ауругъанланы сау этерге саугъала бериледиле.

Якъуп 5:16

Сау этилир ючюн, кеси гюняхларыгъызны бир-биригизге айтып ачыкъ этигиз эм бири-биригиз ючюн тилек этигиз; тюзлюклюню къаты тилеги кёп зат этерге болаллыкъды.