Ишлери 4:36 - Сыйлы Инжил бла Забур

³⁶ Сёз ючюн, Кипрде туугъан эмда абустолла Барнаба – алай демеклик «кёллендириуню жашы» – деп атагъан Левийли Юсюпню,

Ишлери 4:36 Iomraidhean Croise

Марк 3:17

Бени-Регеш – аны магъанасы «кёк кюкюреуню уланлары» – атны берген Зебедейни жашлары Якъуп бла Ахия,

Ишлери 11:30

Бу бегимни толтуруп, жыйгъанларын Барнабаны бла Шауулну къоллары бла жамауатны таматаларына ийдиле.

Ишлери 12:25

Барнаба бла Шауул а, алагъа берилген жумушну толтургъанлай, Марк аталгъан Ахияны да биргелерине алып, Иерусалимден Антиохиягъа къайтдыла.

Ишлери 13:1

Антиохияда болгъан жамауатда бир къауум файгъамбарла бла устазла бар эдиле: Барнаба эм Нигер аталгъан Шимон, Киринейли Лукий, Ирод тетрарх бла бирге ёсген Менахем эм Шауул.

Ишлери 13:15

Тауратдан бла файгъамбарланы китапларындан окъугъандан сора, синагоганы башчылары, алагъа адам ийип: «Къарындашла! Сизни халкъгъа насийхат берир сёзюгюз бар эсе, айтыгъыз», – деп айтдырдыла.

Ишлери 13:2

Ала, ораза тутуп, Раббийге къуллукъ этген заманда, алагъа Сыйлы Нюр: «Барнабаны бла Шауулну Манга айырып, Мен алагъа буюргъан ишге ийигиз», – деп айтды.

Ишлери 13:4

Алай бла Сыйлы Нюр ийген бу эки адам, Селевкиягъа келдиле, андан а кеме бла Кипрге кетдиле.

Ишлери 15:12

Сора битеу жыйылыу тохташып, Барнабаны бла Пауулну, башха миллетлени арасында, Аллах аланы юслери бла къаллай илишанла бла сейир ишле этгенин айтханларына тынгыладыла.

Ишлери 15:2

Сора келишмеулюк болуп, Пауул бла Барнаба ала бла кёп айтып кюрешген заманда, Пауулгъа бла Барнабагъа эм аладан бир къауумуна, бу ишни юсюнден, Иерусалимде абустоллагъа бла таматалагъа барыргъа оноу этдиле.

Ишлери 15:37

Барнаба, Марк аталгъан Ахияны да биргелерине элтирге сюе эди.

Ишлери 15:39

Аны юсюнден аланы араларында келишмеулюк болуп, ала бир-бирлеринден айырылдыла. Сора Барнаба, Маркны биргесине алып, кеме бла Кипрге кетди.

Ишлери 21:16

Кесариядан да бизни бла бир къауум сохтала тебиредиле. Ала бизни эрттегили сохталадан болгъан Мынасон атлы бир Кипрлини юйюне келтирдиле. Биз аны юйюнде турлукъ эдик.

Ишлери 21:3

Кипрни туурасы бла барып эмда аны сол жанында къоюп, биз, Сириягъа жюзюп, Тирде тохтадыкъ; нек десегиз анда кемеден жюкню тюшюрюрге керек эди.

Ишлери 27:4

Андан чыгъып, желле аллыбыздан болгъаны себепли, Кипрни къыбыла жаны бла бардыкъ.

Ишлери 9:27

Барнаба уа, аны биргесине алып абустоллагъа келтирди эмда Шауул жолда Раббийни кёргенин эм Раббийни анга не айтханын эмда ол Дамаскда Иссаны атын таукел билдиргенин алагъа айтды.

I Коринфлилеге 14:3

Файгъамбарлыкъ этген а, адамланы нюр жанындан ёсдюрюрге, кёл этдирирге эм жапсарыргъа адамлагъа айтады.

I Коринфлилеге 9:6

Неда жангыз мени бла Барнабанымы жокъду ишлемезге эркинлигибиз?

Галатиялылагъа 2:1

Артда, онтёрт жылдан сора, мен Барнаба бла Титни да биргеме алып, дагъыда Иерусалимге баргъан эдим.

Галатиялылагъа 2:13

Аны бла бирге башха иудейлиле да эки бетлилик этген эдиле, алай бла аланы эки бетлилик этиулерине Барнаба окъуна къошулгъан эди.

Галатиялылагъа 2:9

Жамауатны чигинжилерине саналгъан Якъуп, Кефа эм Ахия, Аллахны манга берген шафауатын билгенлеринде, бирикмеклигибизни белгисине манга бла Барнабагъа онг къолларын бергендиле. Биз башха миллетлеге, ала уа сюннетлилеге барыргъа бегим этгендиле.

Колослулагъа 4:10

Мени бла бирге тутмакъда болгъан Аристарх эмда Барнабаны жууугъу Марк сизге салам айтадыла. Маркны юсюнден мен сизге билдирген эдим. Ол сизге келсе, аны къабыл этигиз.