Ишлери 4:34 - Сыйлы Инжил бла Забур

³⁴ Аланы араларында бир кереклиси болгъан адам жокъ эди. Нек десегиз жерлери неда юйлери болгъанла барысы да, аланы сатып, сатханларыны багъасын келтирип,

Ишлери 4:34 Iomraidhean Croise

Маттай 19:21

Исса анга: «Тамам болургъа сюе эсенг, бар, мюлкюнгю сат да, ахчасын факъырлагъа юлеш; алай бла сени хазнанг кёкледе болур. Сора кел, Мени ызымдан жюрю», – деди.

Марк 10:21

Исса, анга сюйюп къарап: «Санга бир зат жетишмейди: бар, битеу болгъан затынгы сат да, ахчасын жарлылагъа юлеш; алай бла сени хазнанг кёкледе болур. Сора кел, къачынгы алып, Мени ызымдан жюрю», – деди.

Лука 12:33

Мюлклеригизни сатыгъыз да садакъа беригиз. Эски болмазлыкъ бохчаланы, тауусулмазлыкъ хазнаны кесигизге кёкледе хазырлагъыз, ары уа гудучу жууукълашмайды, анда кюе да ашамайды.

Лука 16:9

Мен да сизге айтама: (байлыгъыгъыз) жокъ болгъанда, сиз ёмюрлюк мекямлагъа къабыл этилир ючюн тюзлюксюз байлыкъ бла кесигизге шуёхла табыгъыз».

Лука 22:35

Дагъыда алагъа: «Мен сизни бохчасыз, артмакъсыз, чарыкъсыз ийген заманымда, сизни бир затдан кереклигиз болгъанмыды?» – деди. Ала: «Бир затдан да угъай», – деп жууап этдиле.

Ишлери 2:45

Мюлклерин эм болгъан затларын сатып, ахчасын барына да хар кимни кереклисине кёре юлеше эдиле.

Ишлери 4:37

Кесини бир сабаны бар эди, аны сатып, ахчасын келтирип, абустолланы алларына салгъан эди.

II Коринфлилеге 8:14

Энди сизни артыгъыгъыз аланы кереклилерин толтургъаны кибик, артда уа аланы артыкълары сизни кереклигизни толтурур ючюндю.

I Фесалоникачылагъа 4:12

Сиз, ийнанмагъан адамланы аллында иги адеплилик этип, бир затдан да керекли болмазча алай жашагъыз.

I Тимотейге 6:19

Алай бла кеслерине келлик заманнга бегимли мурдор боллукъ хазна жыярла эм аны бла ёмюрлюк жашаугъа жетерле.

Якъуп 1:27

Аллах Атаны аллында таза эм айыпсыз дин ахлулукъ ёксюзлени бла башсыз къатынланы къыйынлыкъларына къарамакълыкъ эм дунияны харамлыгъындан кесин сакъламакълыкъды.