Ишлери 28:8 - Сыйлы Инжил бла Забур

⁸ Ол заманда Публийни атасы дизентериядан ауруп къызып жата эди. Пауул, ол жатхан жерге кирип, тилек этип эмда къолларын аны юсюне салып, аны сау этди.

Ишлери 28:8 Iomraidhean Croise

Маттай 10:1

Сора Исса, онеки сохтасын чакъырып, алагъа харам нюрлени къыстаргъа, хар тюрлю аурууну бла хар къарыусузлукъну сау этерге эркинлик бергенди.

Маттай 10:8

Ауругъанланы сау этигиз, келепенлени тазалагъыз, ёлгенлени тиргизигиз, жинлени къыстагъыз; хакъсыз алгъансыз, хакъсыз беригиз.

Маттай 12:13

Сора ол адамгъа: «Къолунгу узат!» – деди. Ол да узатды, узатханлай, аны къолу бирси къолуча сау болуп къалды.

Маттай 9:18

Ол алагъа муну айтхан заманда, бир тамата адам, Аны къатына келип, Анга сежда эте: «Мени къызым энди ёле турады; алай а, келип, аны юсюне къолунгу салсанг, ол сау къаллыкъды», – деди.

Марк 16:18

Жилянланы къолгъа аллыкъдыла; ёлтюрюр зат ичселе да, алагъа заран этерик тюйюлдю; ауругъанланы юслерине къолларын саллыкъдыла, ала да сау боллукъдула», – деди.

Марк 5:23

«Мени къызым ёле турады; келип, аны юсюне къолларынгы салсанга, ол сау болуп, ёлмей къалсын», – деп Андан бек тиледи.

Марк 6:5

Эмда анда бир къудуретли иш этерге да болалмады; жаланда ауругъанланы биразыны юслерине къолларын салып, аланы сау этди ансы.

Марк 7:32

Анда Иссагъа бир сангырау тилкъауну келтирип, аны юсюне къолун салырын Андан тиледиле.

Лука 13:13

Сора тиширыуну юсюне къолларын салды, ол да олсагъат тюзелип къалды эм Аллахха махтау салып башлады.

Лука 4:40

Кюн батхан заманда уа, хар тюрлю ауругъан адамлары болгъанла бары да аланы Иссагъа келтире эдиле. Ол да, аланы хар бирини юсюне къолларын салып, аланы сау эте эди.

Ишлери 28:7

Ол жерден узакъ болмай айрыкамны оноучусу Публийни бийлик жерлери бар эди; ол, бизни къонакъгъа алып, ариу кёрюп, юч кюнню сыйлап турду.

Ишлери 28:9

Бу болгъан ишден сора, айрыкамда ауруулары болгъан башха адамла да, келип, сау этиле эдиле.

Ишлери 9:40

Петер барын да тышына чыгъарып, тобукъланып тилек этди; сора ёлюкге айланып: «Табита, тур!» – деди. Ол да кёзлерин ачды эм Петерни кёрюп, олтурду.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 12:9

Дагъыда башхасына ол Нюр бла ийман бериледи; башхасына ол Нюр бла ауругъанланы сау этерге саугъала бериледиле.