Ишлери 26:18 - Сыйлы Инжил бла Забур

¹⁸ Сен аланы кёзлерин ачар ючюн, ала къарангылыкъдан жарыкъгъа, шайтанны оноуундан Аллахха къайтышыр ючюн, Манга ийнаныу бла гюняхларындан кечгинлик алыр ючюн эм сыйлы болгъанла бла бирге юлюшлю болур ючюн сени энди алагъа иеме“ деп айтханды.

Ишлери 26:18 Iomraidhean Croise

Забур 146:8

Ол кёкню булутла бла жабады, жерге жауун жаудурады, таулада кырдык ёсдюреди.

Маттай 4:10

Ол заманда Исса анга: «Мени къатымдан кет, шайтан! Китапда: „Раббий Аллахынга сеждагъа бар эмда жангыз Анга къуллукъ эт“ деп жазылгъанды», – деди.

Маттай 4:16

Къарангыда олтургъан халкъ уллу жарыкъ кёрдю, ёлюм ауана басып тургъан къыралда олтургъанлагъа да жарыкъ жарыды».

Лука 1:77

Аны халкъына гюняхларыны кечилиую бла къутхарыллыкъларын билдирликсе.

Лука 1:79

Къарангыда, ёлюмню ауанасында олтургъанланы жарытыр ючюн, бизни аякъларыбызны ырахатлыкъны жолуна бурур ючюн, бизге болушургъа келгенди», – деп айтды.

Лука 2:32

Мен кёзлерим бла кёрдюм», – деди.

Лука 24:45

Ол заманда алагъа (Сыйлы) Китапланы ангыларгъа акъылларын ачды,

Лука 24:47

Эмда, Иерусалимден башлап, битеу миллетлеге тобагъа къайтышыудан бла гюняхланы кечирилиуюнден хапар Аны аты бла билдирилирге керекди.

Лука 4:18

«Раббийни Нюрю Мени юсюмдеди; нек десегиз Ол Мени жарлылагъа хайыр хапар берирге майлагъанды эмда Мени жюреклери сыннганланы сау этерге, жесирлеге азатлыкъны, сокъурлагъа кёзлерини ачыллыгъын билдирирге, унукъдурулгъанланы эркинликге бошларгъа,

Ахия 17:17

Сени хакъ керти нг бла аланы сыйлы эт; Сени сёзюнг хакъ кертиди.

Ахия 3:19

Сюд а муну ючюн болады: дуниягъа жарыкъ келгенди, алай а адамла, этген ишлери аман болгъанлары себепли, жарыкъдан эсе къарангыны бек сюйгендиле.

Ахия 4:10

Исса анга жууапха: «Сен Аллахны саугъасын билсенг эди эмда санга: „Манга бир суу ичирчи“ деген ким болгъанын билсенг эди, сен кесинг Андан тилер эдинг, Ол да санга жашау бериучю суу берир эди», – деди.

Ахия 4:14

Мен берлик суудан ичген адам а ёмюрге да суусап боллукъ тюйюлдю; алай а, Мен анга берлик суу, аны ичинде, ёмюрлюк жашаугъа акъгъан шаудан суу боллукъду», – деди.

Ахия 8:12

Исса дагъыда халкъгъа сёлешди эм: «Мен дунияны жарыгъыма; Мени ызымдан келген адам, къарангыда жюрюрюк тюйюлдю, алай а анда жашауну жарыгъы боллукъду», – деди.

Ахия 9:39

Сора Исса: «Кёрмегенле кёрюр ючюн, кёргенле уа сокъур болур ючюн, хукму этерге келгенме Мен бу дуниягъа», – деди.

Ахия 9:5

Мен дунияда болгъан заманда, Мен дунияны жарыгъыма», – деп жууап этди.

Ишлери 10:43

Иссаны юсюнден битеу файгъамбарла, Анга ийнаннган хар адамны гюняхлары Аны аты бла кечилликлерине шагъатлыкъ этедиле», – деди.

Ишлери 13:47

Нек десегиз Раббий: „Сен жерни этегине деричи да къутхарыу келтирир ючюн, Мен Сени башха миллетлеге жарыкълыкъгъа салгъанма“ деп бизге фарыз этгенди», – дедиле.

Ишлери 15:9

Эмда аланы бла бизни арабызда бир тюрлю башхалыкъ этмей, ийман бла аланы жюреклерин тазалагъанды.

Ишлери 2:38

Петер а алагъа: «Гюняхларыгъыз кечилир ючюн, тобагъа къайтышыгъыз эм хар биригиз Масих Иссаны аты бла сууда кёмюлдюрюлсюн, сора саугъагъа Сыйлы Нюрню алырсыз.

Ишлери 20:21

Иудейлилени да, греклилени да Аллахны аллында тобагъа къайтышыргъа эмда Раббийибиз Масих Иссагъа ийнаныргъа чакъыргъанма.

Ишлери 20:32

Энди уа къарындашла, сизни Аллахха эм Аны шафауатыны сёзюне аманат этеме, ол сёз а сизни кючлендираллыкъды эмда сизге битеу сыйлы болгъанла бла юлюш берирге болаллыкъды.

Ишлери 26:19

Ол себепден, Агрипа патчах, кёкден кёрюннгеннге мен къажау болмадым.

Ишлери 26:23

Ала Масихни азап чегеригин эм ёлгенледен биринчи болуп тиргизиллигин, иудей халкъгъа да, башха миллетлеге да жарыкъны билдирлигин айтхан эдиле», – деп сёлешди.

Ишлери 3:19

Алай бла, гюняхларыгъыз къурур ючюн, тобагъа тюшюгюз эм къайтышыгъыз,

Ишлери 5:31

Израильге гюняхларындан тобагъа къайтышып кечилирге амал берир ючюн, Аллах, Иссаны Башчы эм Къутхарыучу этип, Кесини онг жанына кётюргенди.

Римлилеге 8:17

Сабийлери эсег’а, сора юлюшлюлерибиз. Биз, Масих бла бирге махтаулу болур ючюн, Аны бла бирге азап чеге эсек, Аллахны юлюшлюлерибиз, Масих бла да бирге юлюшлюбюз.

I Коринфлилеге 1:2

Аллахны Коринфде болгъан жамауатына салам! Сизге – Масих Иссада сыйлы этилип, сыйлы болургъа чакъырылгъанлагъа эм хар жерде барыбызны Раббийи Масих Иссаны атын айтып тилек этген битеу адамлагъа –

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

II Коринфлилеге 6:14

Иймансызла бла бирге боюнсагъа боюнугъузну салмагъыз. Нек десегиз тюзлюклюлюкню законсузлукъ бла бирге не бирикмеклиги барды? Жарыкъны бла къарангыны арасында не бирлик барды?

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Галатиялылагъа 3:14

Масих бизни ючюн налатлы болуп, Законну налатындан бизни жулгъанды. Нек десегиз Китапда: «Терекге асылгъан хар адам налатды», – деп жазылгъанды.

Галатиялылагъа 3:2

Сизден жаланда муну билирге сюеме: сиз Сыйлы Нюрню Тауратны фарызларын тутууугъуз бламы, огъесе Хайыр Хапарны эшитип анга ийнаныуугъуз бламы алгъансыз?

Эфеслилеге 1:11

Хар нени да Кесини сюйюп этген буйругъуна тап келтирген Аллахны муратына кёре, биз алгъындан белгиленип Масихни юсю бла Аны энчи халкъы этилгенбиз.

Эфеслилеге 1:14

Сыйлы Нюр а, Аллахны халкъыны жулунуруна дери, бизге къаллыкъ затланы ышандырыр шартыды; алай бла Аллахны аламатлыгъына махтау салынсын.

Эфеслилеге 1:18

Аны чакъырыуундан келген умутну, Ол сыйлы халкъына юлюшге берирге сёз берген аламат байлыкъны

Эфеслилеге 1:7

Ол хар тюрлю акъылманлыкъ бла эм ангылаулукъ бла бизни артыгъы бла саугъалагъан шафауатыны байлыгъыны хайырындан,

Эфеслилеге 2:8

Нек десегиз сиз Аны шафауаты бла, ийнаныуугъузну юсю бла къутхарылгъансыз, ол да сиз жетишген зат тюйюлдю, Аллахны саугъасыды.

Эфеслилеге 4:18

Аланы акъыллары къарангы болгъанды, ичлериндеги жахилликлерини эм жюреклерини сезимсизлигини себебинден, Аллахны жашауундан тышында къалгъандыла.

Эфеслилеге 5:11

Эм къарангылыкъны хайырсыз ишлерине къатышмагъыз, алай а аланы ачыкъ этигиз.

Эфеслилеге 5:14

Ол себепден: «Тур, эй жукълап тургъан, ёлгенледен тиргизил, Масих сени жарытыр», – деп айтылады.

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

Эфеслилеге 6:12

Нек десегиз бизни къазауатыбыз адамлагъа къажау къазауат тюйюлдю, алай а башчылагъа къажау, властьлагъа къажау, къарангылыкъны бу ёмюрлю дуния оноучуларына къажау, тюп кёкледеги огъурсуз нюрлеге къажау къазауатды.

II Тимотейге 2:26

Эмда аланы кесини эркинлигинде тутхан ибилисни тузагъындан ала азат болур эселе уа деп.

Чюйютлелеге 10:10

Бу буйрукъгъа кёре уа, биз Масих Исса чархын бир кере къурманнга келтириую бла сыйлы этилгенбиз.

Чюйютлелеге 10:14

Нек десегиз Ол, сыйлы этиле тургъанланы, бир къурман келтириую бла ёмюрге да тамамлы этгенди.

Чюйютлелеге 11:6

Ийманынг болмаса, Аллахны ыразы этерге амал жокъду. Ол себепден Аллахха жууукълашхан Аны бар болгъанына эм Аны излегенлеге Ол тийишлисин бергенине ийнаныргъа керекди.

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?

I Петер 1:4

Бузулмазлыкъ, айыпсыз, чиримезлик мюлк юлюшге жетдиргенди. Ол мюлк юлюш сизге кёкледе сакъланады.

I Петер 2:25

Нек десегиз сиз ажашып айланнган къойла кибик эдигиз, энди уа жанларыгъызны сакълаучу Сюрюучюге къайтхансыз.

I Петер 2:9

Сиз а сайланнган тукъумсуз, Патчахны дин къуллукъчуларысыз, сыйлы миллетсиз, Аллахны энчи халкъысыз. Сизни къарангылыкъдан Кесини аламат жарыгъына Чакъыргъанны тамамлылыгъын билдирир ючюн сайланнганласыз.

I Ахия 1:9

Гюняхларыбызны айтып ачыкъ эте эсек а, сора, Ол ышаннгылы эм тюзлюклю болгъаны себепли, бизни гюняхларыбызны кечер эмда бизни хар тюрлю аманлыкъдан тазалар.

I Ахия 2:12

Сабийле, сизге жазама, нек десегиз Аны атыны хурметинден сизни гюняхларыгъыз кечилгендиле.

I Ахия 3:8

Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.

I Ахия 5:19

Биз Аллахдан болгъаныбызны эм битеу дуния ибилисни оноуунда тургъанын билебиз.

Яхуда 1:1

Масих Иссаны къулу эм Якъупну къарындашы мен Яхудадан, Аллах Ата сыйлы этген, Масих Исса сакълагъан, чакъырылгъанлагъа салам болсун!

Билим Ачханы 21:27

Аны ичине бир тюрлю харам зат эм жийиргенчли ишге бла ётюрюкге кесин берген бир киши да кирлик тюйюлдю; жаланда атлары, Къозуну жашау китабында жазылгъанла кирликдиле.