Ишлери 24:16 - Сыйлы Инжил бла Забур

¹⁶ Ол себепден кесим да Аллахны эм адамланы аллында дайым жюрегими таза тутаргъа кюрешеме.

Ишлери 24:16 Iomraidhean Croise

Ишлери 23:1

Пауул, синедрионнга жютю къарап: «Къарындашла! Мен бюгюннге дери Аллахны аллында толусунлай таза ниет бла жашагъанма», – деди.

Римлилеге 2:15

Ала Законну буюргъанлары аланы жюреклеринде жазылгъанын кёргюзтедиле; аны юсюнден аланы жюреклери шагъатлыкъ этеди, ойлашыулары да аланы бирде терслейдиле, бирде ариулайдыла.

Римлилеге 9:1

Мен Масихни болуп, тюзюн айтама, ётюрюк айтмайма. Сыйлы Нюрню оноуунда болгъан мени жюрегим да айтханларым тюз болгъанына манга шагъатлыкъ этеди.

I Коринфлилеге 10:32

Не иудейлилеге, не греклилеге, не Аллахны жамауатына чырмау болмагъыз.

I Коринфлилеге 4:4

Мен кесимде бир терслик да кёрмей эсем да, аны бла уа кесими ариуламайма. Манга сюд этиучю Раббийди.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

I Фесалоникачылагъа 2:10

Сизни – ийнаннганланы – аллыгъызда биз къалай сыйлы, тюзлюклю эм айыпсыз жашагъаныбызгъа сиз шагъатсыз, Аллах да шагъатды.

I Тимотейге 1:19

Ийманда къаты тур эмда жюрегинги тазалыкъда сакъла; аны уа бир къауумла, къабыл этмей къойгъанлары ючюн, ийман жанындан кеме батыу палах сынагъандыла.

I Тимотейге 1:5

Бу буйрукъну мураты уа таза жюрекден бла ахшы ниетден эм кёзбаусуз иймандан келген сюймекликди.

I Тимотейге 3:9

Ийманны тасхасын таза жюрекде сакълаучула болургъа керекдиле.

II Тимотейге 1:3

Кече да, кюн да тилеклеримде дайым сени эсиме келтирип, ата-бабаларымча, таза жюрек бла мен Анга къуллукъ этген Аллахха шукур этеме.

Титге 1:15

Тазалагъа хар зат да тазады; харам болгъанлагъа бла иймансызлагъа уа таза зат жокъду, алай а аланы акъыллары да, жюреклери да харам болгъандыла.

Чюйютлелеге 10:22

Ол себепли таза жюрекден, толу ышаныу бла, жюреклерибизни аман ниетден тазалап эмда чархыбызны ариу суу бла жуууп, Аллахха жууукълашайыкъ.

Чюйютлелеге 13:18

Бизни ючюн да тилек этигиз. Биз жюрегибизни таза тутабыз эм хар не жаны бла да кесибизни тюз жюрютюрге кюрешебиз деп толу ийнанабыз.

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

I Петер 2:19

Нек десегиз адам, Аллахны эсинде тутуп, терслиги болмай, къыйынлыкъгъа тёзе эсе, Аллах ол затха ыразыды.

I Петер 3:16

Аманлыкъчылагъа кибик, сизге аман айтханла, сизни Масихде огъурлу жашауугъузну айыплагъанла кеслери уялыр ючюн тюз ниетли болугъуз.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.