Ишлери 23:6 - Сыйлы Инжил бла Забур

⁶ Мындагъыланы бир къаууму садукейледен, бир къаууму уа фарисейледен болгъанын билип, Пауул синедрионда: «Къарындашла! Мен фарисей улу фарисейме. Ёлгенлени тиргизилликлерине ышанып тургъаным ючюн, манга сюд этиледи», – деп къычырып айтды.

Ишлери 23:6 Iomraidhean Croise

Маттай 10:16

«Ма, Мен сизни, къойланы бёрюле ичине ийгенча, иеме: алай бла, жилянлача, акъыллы, кёгюрчюнлеча, хыйласыз болугъуз.

Маттай 22:23

Тиргизилиу жокъду деп айтыучу садукейле, ол кюн Иссагъа келип былай сордула:

Маттай 3:7

Ахия уа, кёп фарисейлени бла садукейлени анга сууда кёмюлдюрюлюрге келгенлерин кёрюп, алагъа: «Жилянны балалары! Келлик чамланыудан къачаргъа сизни ким юйретгенди?

Ишлери 22:3

«Мен иудейлиме, Киликияны Тарс шахарында туугъанма, алай а мында, бу шахарда ёсгенме. Гамалиелни башчылыгъы бла аталарыбызны Законун окъуп, толу билим алгъанма. Сиз барыгъыз да бюгюн этгенча, мен да Аллах ючюн эришлик этгенме.

Ишлери 22:30

Экинчи кюн, иудейлиле аны не бла терслегенлерин тюз билирге сюйюп, аны бугъоуладан эркин этдирди; сора баш дин къуллукъчулагъа эмда битеу синедрионнга жыйылыргъа буюрду эм Пауулну келтиртип аланы алларына чыгъарды.

Ишлери 22:5

Баш дин къуллукъчу да, битеу таматала да мынга шагъатлыкъ эталлыкъдыла. Мен аладан Дамаскда жашагъан иудейли къарындашлагъа жазылгъан эркинлик къагъытла алып, андагъыланы да байлап, Иерусалимге келтирип, азап чекдирир ючюн, Дамаскга барыргъа жолгъа чыкъгъан эдим.

Ишлери 23:1

Пауул, синедрионнга жютю къарап: «Къарындашла! Мен бюгюннге дери Аллахны аллында толусунлай таза ниет бла жашагъанма», – деди.

Ишлери 23:15

Ол себепден энди сиз синедрион бла бирге, Пауулну ишин энтда сюзюп къараргъа излеген кибик этип, аскер башчыгъа кёрюнюп, Пауулну тамбла сизни аллыгъызгъа чыгъарырын тилегиз. Биз а, ол къаршы болгъунчу, аны ёлтюрюрге хазырбыз», – дедиле.

Ишлери 23:20

Ол жаш а: «Иудейлиле, Пауулну ишин энтда сюзюп къараргъа излеген кибик этип, аны тамбла синедрионну аллына чыгъарырынгы сенден тилерге оноулашхандыла.

Ишлери 23:7

Пауул муну айтханлай а, фарисейлени бла садукейлени араларында даулаш чыгъып, жыйылыу экиге бёлюндю.

Ишлери 24:15

Бу адамла кеслери да къабыл этгенлери кибик, тюзлюклюлени да, тюзлюксюзлени да ёлгенден сора тиргизилликлерине ийнанып, Аллахха ышанама.

Ишлери 24:21

Ала мени терслеяллыкъ жаланда, араларында сюелген заманымда, „Ёлгенледен тиргизилиу окъуу ючюн сиз бюгюн манга сюд этесиз“ деп къычыргъан сёзюмдю», – деди.

Ишлери 28:20

Мен Израильни умуту ючюн бу бугъоула бла байланнганма. Сизни да, ма бу ишни юсюнден кёрюшюп, сёлеширге чакъыргъанма», – деди.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

Чюйютлелеге 6:19

Бу умутубуз а жан ючюн къоркъуусуз эм къаты якорь кибикди эм Аллахны табыныучу юйюндеги жабыуну ары жаныны ичине киреди.