Ишлери 21:13 - Сыйлы Инжил бла Забур

¹³ Пауул а бизге жууапха: «Неди сизни бу этгенигиз? Жиляп мени жюрегими нек сындырасыз? Мен тутмакъ болгъан угъай да, Раббий Иссаны аты ючюн Иерусалимде ёлюрге да хазырма», – деди.

Ишлери 21:13 Iomraidhean Croise

Ишлери 20:24

Алай а мен бир затха да къайгъырмайма эм кеси жашаууму аямайма, мен ишими – Раббий Иссадан алгъан къуллугъуму, Аллахны шафауатыны юсюнден Хайыр Хапарны адамлагъа билдириу къуллугъуму – къууанч бла этип бошагъа эдим анса.

Ишлери 20:37

Ол заманда барысы да, бек жиляп, Пауулну къучакълап уппа эте эдиле.

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Ишлери 9:16

Мен да анга, ол Мени атым ючюн къаллай бир къыйналыргъа керек болгъанын кёргюзтюрюкме», – деди.

I Коринфлилеге 15:31

Мен хар кюн сайын ёлеме: анга уа, къарындашларым, Раббийибиз Масих Иссаны хайырындан сизни ючюн менде болгъан махтауум бла шагъатлыкъ этеме.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

II Тимотейге 1:4

Сени жилямукъларынгы эсиме тюшюрген заманымда, мен, къууанчдан толур ючюн, сени кёрюрге термилеме.

II Тимотейге 4:6

Нек десенг мен энди къурман болама, мени бу дуниядан кетер заманым жетгенди.

II Петер 1:14

Бизни Раббийибиз Масих Исса манга ачыкъ этгени кибик, къысха заманда мен бу дуниядан кетеригими билеме.

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.

Билим Ачханы 3:10

Сен, мени сёзюмю сакълап, тёзюмлюк этгенинг ючюн, Мен да, сени жер башында жашагъанланы сынар ючюн, битеу дуниягъа келлик сынау сагъатдан сакъларма.