Ишлери 20:7 - Сыйлы Инжил бла Забур

⁷ Ыйых кюн а, сохтала ётмек сындырыргъа жыйылгъан заманда, Пауул, экинчи кюн кетер мурат этип, ала бла сёлешип, сёзюн кечени арасына дери бардырды.

Ишлери 20:7 Iomraidhean Croise

Марк 16:9

[Ыйыкъны биринчи кюнюнде эрттенликде эртте тиргизилип, Исса бек алгъа, Ол андан жети жинни къыстагъан Магдаллы Мариямгъа кёрюннгенди.

Лука 22:19

Сора ётмекни алып, шукур этип сындырды да: «Бу, сизни ючюн берилген Мени чархымды, Мени эсигизге тюшюрюрге муну этигиз», – деп, алагъа берди.

Лука 24:35

Была да жолда алагъа не болгъанны да, Исса ётмекни сындыргъан заманында ала Аны къалай таныгъанларын да айтдыла.

Ахия 20:1

Ыйыкъны биринчи кюнюнде уа Магдаллы Мариям, танг да жарыгъынчы, къабыргъа эртте келди, келгенинде къабырны юсюнден ташны аудурулуп тургъанын кёрдю.

Ахия 20:19

Ыйыкъны ол биринчи кюнюнде, ингирде, Иссаны сохталары жыйылып тургъан юйню эшиклерини, иудейлиледен къоркъгъанларындан ичинден къылычы салынып тургъан заманда Исса, келип, араларында тохтап, алагъа: «Сизге ырахатлыкъ!» – деди.

Ахия 20:26

Сегиз кюнден сора Иссаны сохталары дагъыда юйде болгъан эдиле, Тома да ала бла эди. Эшикле этилип тургъан заманда, Исса, келип, аланы араларында тохтап: «Сизге ырахатлыкъ!» – деди.

Ишлери 16:10

Пауул кёрген бу кёрюнюуден сора, биз олсагъатдан Македониягъа барыргъа тебиредик, андагъылагъа Хайыр Хапарны билдирирге Раббий бизни чакъыргъанын ангылагъан эдик.

Ишлери 2:42

Ала, кеслерин тохтаусуз абустолланы юйретиулерине берип, къарындашлыкъ бирликде, ётмек сындырыуда эм тилек этиуде тура эдиле.

Ишлери 2:46

Хар кюн сайын бир ниетде табыныучу юйню арбазларында жыйыла эдиле, кеси юйлеринде да, ётмек сындырып, ашларын жарыкълыкъ бла эм таза жюреклилик бла ашай эдиле.

Ишлери 20:11

Сора ёрге чыгъып, ётмек сындырып ауузланды эм танг жарыгъынчыгъа дери окъуна кёп ушакъ этип турду, андан сора уа жолгъа чыкъды.

Ишлери 20:31

Ол себепден сакъ болугъуз, юч жылны ичинде кече да, кюн да тохтамай жилямукъларым бла хар биригизге берген насийхатымы эсигизде тутугъуз.

Ишлери 20:5

Ала, алгъа кетип, бизни Троадада сакълай эдиле.

Ишлери 20:9

Эвтих атлы бир жаш терезеде олтуруп эди. Пауул сёзюн кёпге бардыргъанда, ол жаш къалкъый башлагъан эди. Эмда жукълап къалып, юйню ючюнчю этажындан энишге жыгъылгъан эди, кётюргенлеринде уа ол ёлюп эди.

Ишлери 28:23

Сора анга келир кюнлерин болжал этдиле эмда ол кюн андан да кёпле ол тургъан юйге келдиле. Ол а эрттенден ингирге дери Аллахны Патчахлыгъыны юсюнден окъууну ангылатып, анга шагъатлыкъ этип турду. Мусаны Таурат Китабындан да, файгъамбарланы китапларындан да Иссаны юсюнден жазылгъанланы кёргюзтюп аланы ийнандырыргъа кюреше эди.

I Коринфлилеге 10:16

Ол биз алгъыш этген, алгъышлы аякъ, Масихни къанына къошулууубуз тюйюлмюдю? Ол биз сындыргъан ётмек, Масихни чархына къошулууубуз тюйюлмюдю?

I Коринфлилеге 15:10

Алай а Аллахны шафауаты бла не болгъан эсем да, болгъанма. Аны манга берген шафауаты бошуна болмагъанды. Мен аланы барындан да кёп уруннганма, алай а мен угъай, Аллахны менде болгъан шафауаты уруннганды.

I Коринфлилеге 16:2

Ыйыкъны биринчи кюнюнде сизни хар биригиз да, кесини онгуна кёре, берлик затын кесини юйюнде бир жанына салып сакъласын, алай бла мен келген заманда жыяргъа керек болмасын.

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.

Билим Ачханы 1:10

Раббийни кюнюнде мен Сыйлы Нюрню оноуунда эдим эм артымдан сур быргъы ауазыча уллу ауаз: «Альфа да, Омега да, Биринчи да, Ахыргъы да Менме.