Ишлери 20:21 - Сыйлы Инжил бла Забур

²¹ Иудейлилени да, греклилени да Аллахны аллында тобагъа къайтышыргъа эмда Раббийибиз Масих Иссагъа ийнаныргъа чакъыргъанма.

Ишлери 20:21 Iomraidhean Croise

Маттай 3:2

«Тобагъа къайтышыгъыз, энди Кёклени Патчахлыгъы жууукълашханды», – дей эди.

Маттай 4:17

Ол замандан башлап, Исса ууаз берип: «Тобагъа къайтышыгъыз, Кёклени Патчахлыгъы жууукълашханды», – деп айтып башлады.

Марк 1:15

Эмда: «Заман жетгенди, Аллахны Патчахлыгъы жууукълашханды: тобагъа къайтышыгъыз эм Хайыр Хапаргъа ийнаныгъыз», – дей эди.

Марк 6:12

Ала барып, адамланы тобагъа къайтышыргъа чакъырып жюрюдюле;

Лука 13:3

Угъай, дейме сизге, алай а тобагъа къайтышмасагъыз, барыгъыз да алай жоюллукъсуз.

Лука 13:5

Угъай, дейме сизге, алай а тобагъа къайтышмасагъыз, барыгъыз да алай жоюллукъсуз», – деди.

Лука 15:10

Сизге айтама: тобагъа къайтышхан бир гюняхлы ючюн да Аллахны мёлеклеринде аллай къууанч болады», – деди.

Лука 15:7

Тобагъа къайтышыргъа кереклилери болмагъан токъсан тогъуз тюзлюклюден эсе, тобагъа къайтышхан бир гюняхлыгъа кёкледе бегирек къууанырыкъдыла деп айтама сизге».

Лука 16:28

Мени беш къарындашым барды. Лазарь алагъа шагъатлыкъ этсин, ала да бу азап чегиу жерге келмесинле“ дегенди.

Лука 24:47

Эмда, Иерусалимден башлап, битеу миллетлеге тобагъа къайтышыудан бла гюняхланы кечирилиуюнден хапар Аны аты бла билдирилирге керекди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ишлери 10:43

Иссаны юсюнден битеу файгъамбарла, Анга ийнаннган хар адамны гюняхлары Аны аты бла кечилликлерине шагъатлыкъ этедиле», – деди.

Ишлери 11:18

Муну эшитгенде, ала тохташдыла эмда Аллахха махтау салып: «Алай эсе, Аллах башха миллетлилеге да тобагъа къайтышып ёмюрлюк жашау алыргъа онг берген болур», – дедиле.

Ишлери 16:31

Ала уа анга: «Раббий Масих Иссагъа ийнан, кесинг да къутхарылырса эм битеу юйюрюнг да къутхарылыр», – дедиле.

Ишлери 17:30

Алай бла Аллах билмей туруу заманлада этген терсликлерибизни боюнубузгъа салмай, энди хар жерде да битеу адамлагъа тобагъа къайтышыргъа буйрукъ этеди.

Ишлери 19:17

Битеу Эфесде жашагъан иудейлилеге да, греклилеге да бу иш белгили болуп, аланы барысына да къоркъуу тюшген эди эмда Раббий Иссаны аты уллу бола эди.

Ишлери 2:38

Петер а алагъа: «Гюняхларыгъыз кечилир ючюн, тобагъа къайтышыгъыз эм хар биригиз Масих Иссаны аты бла сууда кёмюлдюрюлсюн, сора саугъагъа Сыйлы Нюрню алырсыз.

Ишлери 2:40

Эм башха кёп сёзле бла шагъатлыкъ этип: «Бу бузукъ тукъумдан кесигизни къутхарыгъыз!» – деп жалбарды.

Ишлери 20:23

Алай а мени тутмакълыкъ эм инжилиу кёрлюгюме Сыйлы Нюр битеу шахарлада да шагъатлыкъ этеди.

Ишлери 20:24

Алай а мен бир затха да къайгъырмайма эм кеси жашаууму аямайма, мен ишими – Раббий Иссадан алгъан къуллугъуму, Аллахны шафауатыны юсюнден Хайыр Хапарны адамлагъа билдириу къуллугъуму – къууанч бла этип бошагъа эдим анса.

Ишлери 24:24

Бир бёлек кюнден сора Феликс, иудейли къатыны Друзилла бла келип, Пауулну чакъыртып, аны Масих Иссагъа ийнаныуну юсюнден айтханына тынгылады.

Ишлери 26:18

Сен аланы кёзлерин ачар ючюн, ала къарангылыкъдан жарыкъгъа, шайтанны оноуундан Аллахха къайтышыр ючюн, Манга ийнаныу бла гюняхларындан кечгинлик алыр ючюн эм сыйлы болгъанла бла бирге юлюшлю болур ючюн сени энди алагъа иеме“ деп айтханды.

Ишлери 26:20

Алай а алгъа Дамаскда бла Иерусалимде жашагъанланы, андан сора уа битеу Иудеяны жерин да, башха миллетлилени да, тобагъа тюшюп, Аллахха къайтышыргъа эмда тобагъа къайтышханларына тийишли ишле этерге чакъыргъанма.

Ишлери 28:23

Сора анга келир кюнлерин болжал этдиле эмда ол кюн андан да кёпле ол тургъан юйге келдиле. Ол а эрттенден ингирге дери Аллахны Патчахлыгъыны юсюнден окъууну ангылатып, анга шагъатлыкъ этип турду. Мусаны Таурат Китабындан да, файгъамбарланы китапларындан да Иссаны юсюнден жазылгъанланы кёргюзтюп аланы ийнандырыргъа кюреше эди.

Ишлери 3:19

Алай бла, гюняхларыгъыз къурур ючюн, тобагъа тюшюгюз эм къайтышыгъыз,

Ишлери 8:25

Петер бла Ахия уа шагъатлыкъ этип эм Раббийни сёзюн билдирип, артха Иерусалимге къайтып бара, Самарияны кёп эллеринде да Хайыр Хапарны жайдыла.

Римлилеге 1:14

Мен греклилеге да, варварлагъа да, билимлилеге да, жахиллеге да борчлума;

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 10:9

Иссаны Раббий болгъанын ачыкъ айтып, ауузунг бла шагъатлыкъ этсенг, жюрегинг бла да, Аллах Аны ёлгенледен тиргизгенине ийнансанг, къутхарыллыкъса.

Римлилеге 2:4

Неда Аллахны ахшылыкъдан байлыгъын, сабырлыгъын эм кёп тёзюуюн сансыз этипми къояса, Аллахны ахшылыгъы сени тобагъа къайтарыргъа элтгенин ангыламаймыса?

Римлилеге 4:24

Алай а бизни юсюбюзден да жазылгъанды. Раббийибиз Иссаны ёлгенледен тиргизген Аллахха ийнаннганыбыз, бизге да тюзлюклюлюкге саналлыкъды.

Римлилеге 5:1

Ол себепден, ийман бла ариуланып, Раббийибиз Масих Иссаны юсю бла бизни Аллах бла жарашыулугъубуз барды.

I Коринфлилеге 1:22

Нек десегиз иудейлиле сейирлик илишанла даулайдыла, греклиле уа акъылманлыкъ излейдиле;

II Коринфлилеге 7:10

Нек десегиз Аллахны буйругъу бла болгъан жарсыу адамда ахыры къутхарылыу болгъан, сокъурандырмагъан тобагъа къайтышыулукъ чыгъарады. Дунияны жарсыуу уа ёлюм чыгъарады.

Галатиялылагъа 2:16

Алай болгъанлыкъгъа уа, адам Тауратны фарызларын тутуу бла угъай, жаланда Масих Иссагъа ийнаныуу бла ариуланнганын билебиз. Аны ючюн биз да, Тауратны фарызларын тутууубуз бла тюйюл, Масиххе ийнаныуубуз бла ариуланыр ючюн Масих Иссагъа ийнаннганбыз. Нек десегиз Тауратны фарызларын тутууу бла бир адам да ариуланаллыкъ тюйюлдю.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Галатиялылагъа 3:22

Алай а, Аллахны ант сёз бла берирге айтханы ийнаннганлагъа, Масих Иссагъа ийнаныулары бла берилир ючюн, Сыйлы Китап бары да гюняхны жесиридиле деп билдиргенди.

Эфеслилеге 1:15

Ол себепден мен да, сизни Масих Иссагъа ийнаннганыгъызны эм битеу сыйлыланы сюйгенигизни эшитгенимден бери,

Колослулагъа 2:5

Нек десегиз мен чархым бла сизни биргегизге тюйюл эсем да, нюрюм бла уа сизни блама; сизни тап къуралгъаныгъызны эм сизни Масиххе ийнаныуугъуз къаты болгъанын кёрюп, къууанама.

Филимоннга 1:5

Хар заманда тилеклеримде сени эсиме келтирип, Аллахыма шукур этеме.

I Ахия 5:1

Иссаны Масих болгъанына ийнаннган хар адам Аллахдан туугъанды. Туудургъанны сюйген хар адам Андан туугъанны да сюеди.

I Ахия 5:5

Исса Аллахны Уланы болгъанына ийнаннган адамдан башха ким хорлайды бу дунияны?