Ишлери 2:47 - Сыйлы Инжил бла Забур

⁴⁷ Аллахха махтау сала, битеу халкъгъа кеслерин сюйдюре эдиле. Раббий да хар кюнден жангы къутхарылгъанланы жамауатха къоша эди.

Ишлери 2:47 Iomraidhean Croise

Лука 19:48

Алай а Анга не этерге билмей эдиле, нек десегиз битеу халкъ Анга къулакъ салып тынгылай эди.

Лука 2:52

Исса уа терен акъыллылыкъда да, ёсюуде да айный, Аллахны эм адамланы ыразылыгъын таба эди.

Ишлери 11:21

Раббийни кючю ала бла эди эм бек кёп адамла ийнанып, Раббийге къайтышдыла.

Ишлери 11:24

Эм барысына да Раббийге таза жюрекден байланыргъа таукел этдирди. Сора кёп халкъ, Раббийге ийнанып, жамауатха къошулду.

Ишлери 13:48

Башха миллетлиле, муну эшитип, къууана эдиле эм Раббийни сёзюне махтау сала эдиле эмда ёмюрлюк жашаугъа буюрулгъанла барысы да ийнандыла.

Ишлери 14:1

Иконияда Пауул бла Барнаба иудей синагогагъа бирге кирип ууаз айтдыла, алай бла иудейлиледен да, греклиледен да бек кёп адам ийнанды.

Ишлери 14:21

Бу шахаргъа Хайыр Хапарны билдирип, кёплени сохта этгенден сора, ала Листрагъа, Икониягъа эм Антиохиягъа къайтып,

Ишлери 16:5

Жамауатла да ийманда кючлене эдиле эм кюнден кюннге ийнаннганланы саны кёпден-кёп бола эдиле.

Ишлери 17:12

Сора иудейлиледен да, намыслы грек тиширыуладан да, эр кишиледен да кёпле ийнандыла.

Ишлери 2:39

Нек десегиз Аллах берирге айтханын сизге, сабийлеригизге эм узакъдагъыланы барына да, Раббий Аллахыбыз кимни чакъырса да анга айтханды», – деди.

Ишлери 2:41

Алай бла аны сёзюн сюйюп алгъанла, сууда кёмюлдюрюлдюле. Ол кюн жамауатха юч минг чакълы адам къошулду.

Ишлери 4:21

Ала уа абустолланы дагъыда къоркъутхандан сора жибердиле. Алагъа азап салыр амал табалмагъан эдиле. Нек десегиз битеу халкъ болуннган иш ючюн Аллахха махтау сала эди.

Ишлери 4:33

Абустолла уа уллу кюч бла Раббий Масих Иссаны тиргизилгенине шагъатлыкъ эте эдиле эм аланы барысыны да юслеринде уллу шафауат бар эди.

Ишлери 4:4

Ол ууазгъа тынгылагъанладан а кёбюсю ийнаннган эди, ол адамланы саны да беш минг чакълы бар эди.

Ишлери 6:1

Ол кюнледе, сохтала кёп болгъан заманда, грекча сёлешген чюйютлюле, аланы башсыз къатынлары, кюн сайын юлешиннген болушлукъдан тышында къалдырылгъанлары ючюн, арамча сёлешген чюйютлюлеге гурушха болдула.

Ишлери 6:7

Аллахны сёзю жайылып, Иерусалимде сохталаны саны да бек кёп болгъан эди; дин къуллукъчуладан да бек кёбюсю ийманнга бойсуннган эдиле.

Ишлери 9:31

Битеу Иудеяда, Галилеяда эм Самарияда болгъан жамауат ла ырахатлыкъда эди ле. Ийманда ёсе, Раббийден къоркъуу бла жашай, Сыйлы Нюрден кёлленип кёп бола эди ле.

Ишлери 9:35

Лодда бла Шаронда жашагъанла бары да аны кёрюп, Раббийге къайтышдыла.

Римлилеге 14:18

Муну бла Масиххе ким къуллукъ эте эсе да, ол Аллахны ыразы этеди эм адамла къабыл кёрюрге тийишлиди.

Римлилеге 8:30

Ол кимлени алгъындан белгили этген эсе, аланы чакъыргъанды; кимлени чакъыргъан эсе, аланы ариулагъанды; кимлени ариулагъан эсе, аланы махтаулу этгенди.

Римлилеге 9:27

Иешая уа Израильни юсюнден: «Израиль улуланы саны тенгизни юзмези чакълы окъуна болсада, жангыз да артда къалгъан бек азы къутхарыллыкъды.

I Коринфлилеге 1:18

Къачны юсюнден сёз жоюла тургъанлагъа акъылсызлыкъды, бизге уа, къутхарылгъанлагъа, Аллахны кючюдю.