Ишлери 2:42 - Сыйлы Инжил бла Забур

⁴² Ала, кеслерин тохтаусуз абустолланы юйретиулерине берип, къарындашлыкъ бирликде, ётмек сындырыуда эм тилек этиуде тура эдиле.

Ишлери 2:42 Iomraidhean Croise

Лука 24:30

Ала бла олтургъан заманында уа, Ол, ётмек алып, алгъыш этип, сындырып, алагъа берди.

Лука 24:35

Была да жолда алагъа не болгъанны да, Исса ётмекни сындыргъан заманында ала Аны къалай таныгъанларын да айтдыла.

Ишлери 1:14

Ала барысы да Иссаны анасы Мариям бла эм бир къауум тиширыу бла эмда Иссаны къарындашлары бла бирге бир акъылда дууа эм тилек этип турдула.

Ишлери 11:23

Сыйлы Нюрден бла иймандан толгъан, огъурлу адам Барнаба, Антиохиягъа келгенинде ол адамлада Аллахны шафауатын кёрюп къууанды.

Ишлери 14:22

Ол жерледе сохталаны жюреклерине кёл этдирип, ийманда къаты турургъа тюшюндюрюп эм: «Аллахны Патчахлыгъына кёп инжилиуле бла кирирге керекбиз», – деп юйрете эдиле.

Ишлери 2:46

Хар кюн сайын бир ниетде табыныучу юйню арбазларында жыйыла эдиле, кеси юйлеринде да, ётмек сындырып, ашларын жарыкълыкъ бла эм таза жюреклилик бла ашай эдиле.

Ишлери 20:11

Сора ёрге чыгъып, ётмек сындырып ауузланды эм танг жарыгъынчыгъа дери окъуна кёп ушакъ этип турду, андан сора уа жолгъа чыкъды.

Ишлери 20:7

Ыйых кюн а, сохтала ётмек сындырыргъа жыйылгъан заманда, Пауул, экинчи кюн кетер мурат этип, ала бла сёлешип, сёзюн кечени арасына дери бардырды.

Ишлери 4:23

Эркин болгъанлай, абустолла кеслериникилеге келип, баш дин къуллукъчула бла таматала алагъа айтхан сёзлени айтдыла.

Ишлери 4:31

Ала тилек этгенден сора, жыйылып тургъан жерлери да титиреди эм барысы да Сыйлы Нюрден толуп Аллахны сёзюн таукеллик бла айта эдиле.

Ишлери 6:4

Биз а кесибизни тохтаусуз тилек этип эм Аллахны сёзюн билдирип туруу къуллукъгъа берейик», – дедиле.

Римлилеге 12:12

Ышаныу бла къууаныгъыз, къыйынлыкъда тёзюмлю, тилек этиуде тохтаусуз болугъуз.

I Коринфлилеге 10:21

Раббийни аягъын да, жинлени аягъын да ичерге болаллыкъ тюйюлсюз. Раббийни ашына да, жинлени ашларына да къошулаллыкъ тюйюлсюз.

I Коринфлилеге 11:2

Къарындашла, сиз, мен юйретгенлени барысын да эсигизде тутуп, сизге юйретгенимча этгенигиз ючюн, сизни махтайма.

I Коринфлилеге 14:6

Къарындашла, энди мен, сизге келип, билинмеген тилледе сёлешип башласам, алай а сизге не ачылыу, неда билим, неда файгъамбарлыкъ сёз, неда юйретиу бла ангылатмасам, мен сизге не хайыр келтирирме?

Галатиялылагъа 1:6

Масихни шафауаты бла сизни чакъыргъан Аллахдан сиз алай терк башха хайыр хапаргъа ётгенигизге сейирсинеме.

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

Эфеслилеге 6:18

Хар тюрлю дууа этиу бла эм тилек этиу бла хар заманда Сыйлы Нюрню болушлугъу бла тилек этигиз эм ол мурат бла битеу сыйлыла ючюн да толу чыдамлылыкъ бла тилек этип, сагъайып туругъуз.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 4:2

Тилек этиуде тохтаусуз болугъуз, сагъайып туругъуз, хар заманда да шукур этигиз.

II Тимотейге 3:14

Сен а юйреннген эмда толу ийнаннган затларынга тюз къал, нек десенг быланы кимден юйреннгенинги билесе.

Чюйютлелеге 10:25

Бир къауумланы адетлерича, кесибизни жыйылыуубузну къоймайыкъ, алай а Иссаны келир кюню жууукълашханын эслеуюбюз бла бир-бирибизни бегирек да кёллендирейик.

Чюйютлелеге 10:39

Биз а ийманларындан тайып жоюлгъанладан тюйюлбюз, алай а, ийманда туруп, жанларын къутхаргъанладанбыз.

I Ахия 1:3

Сизни да бизни бла бирикмеклигигиз болур ючюн, биз кёргенибизни эм эшитгенибизни сизге билдиребиз. Бизни бирикмеклигибиз да Ата бла эм Аны Уланы Масих Исса блады.

I Ахия 1:7

Аны жарыкъда болгъаны кибик, жарыкъда жюрюй эсег’а, бир-бирибиз бла бирикмеклигибиз барды эм Аны Уланы Масих Иссаны къаны бизни хар гюняхдан тазалайды.

I Ахия 2:19

Ала бизден чыкъгъандыла, алай а бизникиле тюйюл эдиле; нек десегиз ала бизникиле болсала эди, бизни бла къалыр эдиле. Алай а аланы бизден чыкъгъанлары ала бири да бизни болмагъанын кёргюзтгенди.

Яхуда 1:20

Сиз а, сюйюлюннгенле, эм сыйлы ийманыгъыз бла кесигизни кючлендирип, Сыйлы Нюр бла тилек этигиз.