Ишлери 2:39 - Сыйлы Инжил бла Забур

³⁹ Нек десегиз Аллах берирге айтханын сизге, сабийлеригизге эм узакъдагъыланы барына да, Раббий Аллахыбыз кимни чакъырса да анга айтханды», – деди.

Ишлери 2:39 Iomraidhean Croise

Ишлери 10:45

Петер бла келген сюннетли ийнаннганла, башха миллетлилеге да Сыйлы Нюрню саугъасы къуюлгъанына сейирсиндиле.

Ишлери 14:27

Ары келгенлей, ала, жамауатны жыйып, Аллах аланы юсю бла неле этгенин эм башха миллетлилеге ийманны эшигин Ол къалай ачханын айтдыла.

Ишлери 15:14

Шимон, Аллах башха миллетлиледен Кесини атына махтау келтирлик бир халкъ болдурур ючюн алагъа бек алгъа къалай эс бёлгенин ангылатханды.

Ишлери 15:3

Алай бла жамауат аланы ашырды, ала да, Финикия бла Самарияны юсю бла барып, башха миллетлилени Аллахха къайтышханларын айтып, битеу къарындашланы уллу къууандыра эдиле.

Ишлери 15:8

Адамланы жюреклерин билген Аллах а, Сыйлы Нюрню бизге бергени кибик, алагъа да берип, аланы къабыл этгенин кёргюзтгенди.

Римлилеге 11:29

Нек десегиз Аллахны саугъалары бла чакъырыуу ызына алынмайдыла.

Римлилеге 8:30

Ол кимлени алгъындан белгили этген эсе, аланы чакъыргъанды; кимлени чакъыргъан эсе, аланы ариулагъанды; кимлени ариулагъан эсе, аланы махтаулу этгенди.

Римлилеге 9:24

Биз да Аллах жангыз иудейлиледен тюйюл, алай а башха миллетледен да чакъыргъан ол адамлабыз,

Римлилеге 9:4

Аллах аланы Кесине уланла этгенди, алагъа Кесини аламатлыгъын кёргюзтгенди, ала бла кесаматларын этгенди, алагъа Тауратны, Кесине къуллукъ этдириу низамны эмда ант сёзлени бергенди.

I Коринфлилеге 7:14

Нек десегиз ийманлы болмагъан эр ийманлы къатыны бла сыйлы этиледи, ийманлы болмагъан къатын да ийманлы эри бла сыйлы этиледи. Алайсыз сизни сабийлеригиз таза болмаз эдиле, энди уа сыйлыдыла.

Эфеслилеге 1:18

Аны чакъырыуундан келген умутну, Ол сыйлы халкъына юлюшге берирге сёз берген аламат байлыкъны

Эфеслилеге 2:12

Сиз ол заманда Масихсиз эдигиз; Израильни жамауатындан тышхы эдигиз, Аллахны ант сёз бла этген кесаматларындан юлюшсюз эдигиз, умутугъуз жокъ эди эм бу дунияда Аллахдан къуру эдигиз.

Эфеслилеге 4:4

Сиз чакъырылгъаныгъызда бир умутха чакъырылгъаныгъыз кибик, Нюр бирди, чарх да бирди,

II Фесалоникачылагъа 1:11

Ол себепден сизни ючюн хар заманда да тилек этебиз; Аллахыбыз сизни чакъырылыуугъузгъа тийишли кёрсюн эм ахшылыкъ этерге хар ниетигизни эм иймандан келген ишигизни Кесини къудурети бла тамам этсин деп тилейбиз.

II Тимотейге 1:9

Аллах, бизни ишлерибизге кёре тюйюл, Кесини муратына эм шафауатына кёре бизни къутхарып, сыйлы жашаугъа чакъыргъанды. Ол шафауат бизге Масих Иссада ёмюрледен да алгъын берилгенди,

Чюйютлелеге 3:1

Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

II Петер 1:10

Ол себепден, къарындашла, чакъырылыуугъузну эм сайланыуугъузну къаты этерге бекден-бек кюрешигиз. Алай этсегиз, бир заманда да тентиремезсиз.

II Петер 1:3

Кеси махтауу бла эм ахшылыгъы бла бизни чакъыргъан Аллахны кючю, Аны таныгъаныбыз себепли, бизге жашаугъа бла Аллахны жолунда жюрюуге керекли хар затны бергенди.

Билим Ачханы 17:14

Ала Къозу бла къазауат этерикдиле, Къозу аланы хорларыкъды; нек десенг Ол бийлени Бийиди эм патчахланы Патчахыды, Аны бла болгъанла да чакъырылгъанладыла, сайланнганладыла эм ийманлыладыла», – деди.

Билим Ачханы 19:9

Сора мёлек манга: «Жаз: Къозуну некях тоюна чакъырылгъанла насыплыдыла!» – деди. Дагъыда манга: «Была хакъ керти сёзледиле, Аллахны сёзлеридиле», – деди.