Ишлери 2:23 - Сыйлы Инжил бла Забур

²³ Аллахны белгилеген муратына эм алгъындан билгенине кёре, къолугъузгъа берилген бу Кишини, сиз тутуп, законсузланы къоллары бла къачха чюйлетип ёлтюргенсиз.

Ишлери 2:23 Iomraidhean Croise

Забур 76:10

Аллах мархамат этерге унутупму къойгъан болур? Чамланыуунда Кесини ырахматын аяпмы къойгъан болур?» – деп сагъыш этеди.

Маттай 20:19

Аны хыликкя этерге, тюерге эм къачха керирге мажюсюлеге берликдиле. Ол а ючюнчю кюн тиргизилликди», – деди.

Маттай 26:24

Болсада Адам Улу, Аны юсюнден жазылгъаныча барады; алай а Адам Улун сатарыкъ адамгъа палах! Ол адамгъа туумай къалса иги болур эди», – деди.

Маттай 27:35

Аны къачха кергенле уа, чёп атып, Аны кийимлерин юлеше эдиле.

Марк 15:24

Аны къачха кергенден сора, кимге не тюшерине чёп атып Аны кийимлерин юлеше эдиле.

Лука 22:22

Болсада Адам Улу Анга алгъындан буюрулгъаныча барады, алай а Аны сатарыкъ адамгъа палах!» – деди.

Лука 22:37

Нек десегиз сизге айтама: „Ол аманлыкъчыла бла бирге саналгъанды“ деп жазылгъан сёз да, Мени юсюмде толургъа керекди. Нек десегиз Мени юсюмден айтылгъан энди ахырына келеди», – деди.

Лука 23:33

Сора Баш Сюек атлы жерге келгенлеринде, анда Иссаны да, аманлыкъчыланы да, бирин онг жанында, экинчисин а сол жанында къачха кердиле.

Лука 24:20

Бизни баш дин къуллукъчуларыбыз бла башчыларыбыз Аны ёлтюрюрге сюдге бергендиле эмда Аны къачха кердиргендиле.

Ахия 19:18

Анда Аны къачха кердиле; Аны бла башха экеуленни да, Иссаны ортада, аланы да эки жанында кердиле.

Ахия 19:24

Ол себепден бир-бирлерине: «Муну жыртмайыкъ, кимге тюшер эсе да мынга чёп атайыкъ», – дедиле. Бу Китапда: «Мени кийимлерими кеси араларында юлешдиле, абама да чёп атдыла», – деп жазылгъан къабыл болур ючюн болду. Аскерчиле алай этген эдиле.

Ишлери 13:27

Нек десегиз Иерусалимде жашагъанла бла аланы таматалары, Иссаны танымай, Анга сюд этип, хар шабат кюн сайын файгъамбарланы китапларында окъугъанларын толтургъандыла,

Ишлери 15:18

Аллахны битеу ишлери ёмюрлюкден да Кесине белгилидиле.

Ишлери 2:36

Алай бла битеу Израильни юйюрю, къаты билигиз, бу сиз къачха керген Иссаны, Аллах Бий эм Масих этгенди», – деп сёлешди.

Ишлери 3:18

Аллах а Кесини битеу файгъамбарларыны ауузлары бла, Масихни азап чегеригини юсюнден алгъындан билдиргени кибик, алай этгенди.

Ишлери 4:28

Сен алгъындан Кеси къолунг бла эм Кеси оноуунг бла буюргъан ишлени толтургъандыла.

Ишлери 5:28

«Бу атны айтып юйретмегиз деп, биз сизге къаты буйрукъ бермегенми эдик? Сиз а, окъууугъузну Иерусалимни хар жерине жайгъансыз эм ол Адамны къанын бизни юсюбюзге салыргъа кюрешесиз», – деди.

Ишлери 5:30

Сиз къачха асып ёлтюрген Иссаны аталарыбызны Аллахы тиргизгенди.

Ишлери 7:52

Сизни аталарыгъыз файгъамбарладан къайсына зулму этмегендиле? Тюзлюклюню келлигин алгъындан билдиргенлени да ёлтюргендиле, энди уа сиз Аны сатханла эм ёлтюргенле болгъансыз.

Римлилеге 2:12

Алада Тауратны Закону болмай гюнях этгенле, Закондан тышында жоюлурла; Законлары болуп гюнях этгенлеге уа Закон бла сюд этилир.

Римлилеге 4:17

Китапда: «Мен сени кёп миллетлеге атагъа салгъанма», – деп жазылгъаны кибик, Ибрахим, ол ийнаннган Аллахны, ёлгенлеге жашау бериучю эмда болунмагъанланы болуннганланыча чакъырыучу Аллахны аллында бизни барыбызны да атабызды.

I Фесалоникачылагъа 2:15

Иудейлиле уа Раббий Иссаны да, файгъамбарланы да ёлтюргендиле, бизни да къыстагъандыла, Аллахны да ыразы этмейдиле, битеу адамлагъа да къажау турадыла.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.

I Петер 1:20

Масих а дуния жаратылырдан да алгъа жораланнганды, алай а ахыр заманлада сизни ючюн келгенди.

I Петер 2:8

Аллахны Сёзюне боюн салмагъанлай, ала анга абынадыла. Ала бу абыныугъа буюрулгъандыла.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.