Ишлери 19:9 - Сыйлы Инжил бла Забур

⁹ Аладан бир къауумлары терсакъыл болуп, ийнанмай, Раббийни жолуна, халкъны аллында аман айтханлары себепден, Пауул, аланы къоюп, сохталаны аладан айырып, Тиран атлы биреуню мактабында хар кюнден ушакъ этип турду.

Ишлери 19:9 Iomraidhean Croise

Забур 95:8

Раббийге, Аны атына тийишли махтау беригиз, къурман келтирип, аны арбазларына киригиз.

Маттай 15:14

Къоюгъуз аланы, ала – сокъурланы жюрютюучю сокъурладыла; сокъур сокъурну элте эсе уа, сора экиси да уругъа жыгъыллыкъдыла», – деди.

Маттай 16:4

Бузукъ эм зийначы тукъум илишан излейди, алай а Жюнюс файгъамбарны илишанындан башха, анга илишан бериллик тюйюлдю», – деди. Сора аланы къоюп кетди.

Маттай 26:55

Ол кезиуде Исса халкъгъа: «Сиз, Мени тутар ючюн, аманлыкъчыгъа чыкъгъанча, къылычла бла эм къазыкъла бла чыкъдыгъыз. Мен хар кюнден табыныучу юйде сизни бла олтуруп юйрете эдим, сиз Мени тутмай эдигиз», – деди.

Ахия 12:40

«Аллах аланы кёзлерин сокъур этгенди, жюреклерин таш этгенди, кёзлери бла кёрмейдиле, жюреклери бла да ангыламайдыла эм къайтышмайдыла, Мен Аллах а аланы сау этер эдим», – деп айтханы кибик.

Ишлери 11:26

Ала сау жылны жамауат бла жыйыла турдула, бек кёп адамланы да юйретдиле. Сора Масих Иссаны сохталары биринчи кере Антиохияда масихчиле деп аталып башладыла.

Ишлери 14:4

Ол заманда шахарны халкъы, экиге юлешинип, бир къаууму иудейлиле жанлы, къалгъанлары уа абустолла жанлы болдула.

Ишлери 17:4

Аладан бир къауумлары, ийнанып, Пауулгъа бла Силагъа къошулдула, Аллахха табыннган греклиледен да бек кёп адам, асыл тиширыуладан да кёпле ийнандыла.

Ишлери 19:23

Ол заманда Раббийни жолуна къажау уллу къозгъалыу чыкъды.

Ишлери 19:30

Пауул халкъны ичине кирирге тебирегенде уа, сохтала аны барыргъа къоймадыла.

Ишлери 20:31

Ол себепден сакъ болугъуз, юч жылны ичинде кече да, кюн да тохтамай жилямукъларым бла хар биригизге берген насийхатымы эсигизде тутугъуз.

Ишлери 22:4

Бу жолну, Иссаны жолун тутханлагъа мен ёлтюрюрге дери окъуна зулму этгенме, эр кишилени да, тиширыуланы да, тутуп, тюрмелеге салып тургъанма.

Ишлери 24:21

Ала мени терслеяллыкъ жаланда, араларында сюелген заманымда, „Ёлгенледен тиргизилиу окъуу ючюн сиз бюгюн манга сюд этесиз“ деп къычыргъан сёзюмдю», – деди.

Ишлери 28:22

Алай а биз сени фикирлеринги сенден эшитирге сюебиз; нек десенг бу масхапны юсюнден хар жерде да даулашханлары бизге белгилиди», – дедиле.

Ишлери 7:51

Къаты боюнлула! Жюреклерине бла къулакъларына сюннет этилмеген адамла! Сиз хар заманда да Сыйлы Нюрге къажау кюрешесиз, аталарыгъыз къалай этген эселе да, сиз да алай этесиз.

Ишлери 9:2

Дамаскда Иссаны жолун тутханланы – эр киши болсун, тиширыу болсун – барын да байлап Иерусалимге келтирир ючюн, Дамаскдагъы синагогалагъа къагъытла жазарын андан тиледи.

Римлилеге 11:7

Сора не? Израиль нени излеген эсе да, анга жетмегенди; сайланнганла уа жетгендиле, къалгъанлары уа терсакъыл болгъандыла.

Римлилеге 9:18

Алай бла Аллах мархамат этерге сюйгенине мархамат этеди, терсакъыл этерге сюйгенин а терсакъыл этеди.

I Коринфлилеге 16:9

Нек десегиз мында уллу эмда жараулу ишле этерге манга эшик ачылыпды, манга къажау тургъанла да кёпдюле.

I Тимотейге 6:5

Хакъ кертиден узакъ болгъан, бузукъ акъыллы адамланы арасында керексиз даулашыула чыгъадыла. Ала Аллахны жолун жаланда кеслерине файда тюшюрюр ючюн жюрютедиле. Аллайладан узакъ бол.

II Тимотейге 1:15

Битеу асиячыла мени атып къойгъанларын сен билесе, Фигел бла Эрмоген да ала бла бирге.

II Тимотейге 3:5

Кеслерин Аллахны жолунда жюрюгенле кибик кёргюзтюп, ол жолну кючюн а инкяр этгенле боллукъдула. Аллай адамладан узакъ бол.

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.

Чюйютлелеге 3:13

Алай а, сизден биреу да гюняхха алдатып терсакъыл болмаз ючюн, заман бошалгъынчы хар кюн сайын бир-биригизге кёл этдиригиз.

II Петер 2:12

Алай а бу адамла табийгъат жюрютген, тутулургъа бла союлургъа туугъан, оюмсуз хайыуанла кибик, ангыламагъан затларына аман айта, кеслерини бет жоюулары бла къырылырла.

II Петер 2:2

Аланы бузукъ ишлерини ызындан да кёпле барлыкъдыла эм аланы хаталарындан Аллахны хакъ керти жолуна аман айтыллыкъды.

Яхуда 1:10

Была уа билмегенлерине аман айтадыла; оюмсуз хайыуанла кибик табийгъатдан билген затлары бла кеси бетлерин жоядыла.