Ишлери 19:1 - Сыйлы Инжил бла Забур

¹ Аполлос Коринфде тургъан заманда, Пауул, огъаргъы къыраллада айланып, Эфесге келди эм анда бир къауум сохтала табып,

Ишлери 19:1 Iomraidhean Croise

Ишлери 18:1

Андан сора Пауул, Афинаны къоюп, Коринфге келди.

Ишлери 18:8

Синагоганы таматасы Крисп а битеу юйюрю бла Раббийге ийнанды, кёп Коринфлиле да Пауулгъа тынгылап, ийнандыла эмда сууда кёмюлдюрюлдюле.

Ишлери 19:17

Битеу Эфесде жашагъан иудейлилеге да, греклилеге да бу иш белгили болуп, аланы барысына да къоркъуу тюшген эди эмда Раббий Иссаны аты уллу бола эди.

Ишлери 19:26

Аны себепли жангыз Эфесде тюйюл, хазна къалмай битеу Асияда окъуна бу Пауул „Адамла къоллары бла этген аллахла аллах тюйюлдюле“ деп, кёп адамланы ийнандырып къайтышдыргъанын сиз кёресиз эм эшитесиз.

Ишлери 20:16

Пауул, Асияда заманын бошуна жибермез ючюн, Эфесге къайтмай кетер ниетде эди; нек десегиз ол, амал болса, эллинчи кюнню байрамына Иерусалимге жетерге ашыгъа эди.

Ишлери 20:18

Сора, ала анга келгенде, ол алагъа: «Мен Асиягъа келген биринчи кюнден бери, сизни бла болгъан хар заманымда къалай жашагъанымы сиз билесиз.

Ишлери 21:29

Нек десегиз муну аллында ала, Пауулну шахарда Эфесли Трофим бла кёрюп, ол себепден Пауул аны табыныучу юйге кийирген суннган эдиле.

I Коринфлилеге 1:12

Айтханым буду: сизни хар биригиз да: «Мен Пауулнукъума», «Мен Аполлоснукъума», «Мен Кефаныкъыма», «Мен а Масихникиме», – деп айтады.

I Коринфлилеге 15:32

Адам ойлашыугъа кёре, Эфесде жыртыучу жаныуарла бла кюрешгеними манга не файдасы бар эди? Ёлгенле тиргизилмей эселе, ашап-ичип башлайыкъ, нек десегиз тамбла ёллюкбюз!

I Коринфлилеге 16:12

Аполлос къарындашны юсюнден а, ол къарындашла бла сизге барсын деп, мен андан бек тилеген эдим, алай а ол бу сагъатда барыргъа бир да сюймегенди. Онг тапхан заманында келликди.

I Коринфлилеге 16:8

Эфесде уа мен эллинчи кюнню байрамына дери турлукъма,

I Коринфлилеге 4:6

Къарындашла, сиз Китапда жазылгъандан артыкъ ойлашып кюрешмезге бизден юйренигиз эм биригиз-биригизден кесигизни уллугъа кётюрмегиз деп, мен сизни ючюн бу затланы кесиме бла Аполлосха жорукъ этгенме.

Эфеслилеге 1:1

Аллахны буйругъу бла Масих Иссаны абустолу болгъан мен Пауулдан Масих Иссагъа ийман салгъан, Эфесдеги сыйлылагъа салам!