Ишлери 18:7 - Сыйлы Инжил бла Забур

⁷ Сора андан кетип, Титий Иуст атлы, кесини да юйю синагоганы къатында болгъан, Аллахха табыннган бир адамны юйюне келди.

Ишлери 18:7 Iomraidhean Croise

Ахия 9:31

Аллах гюняхлыланы тилеклерин къабыл этмегенин, алай а Аллахны жолунда жюрюген эм Аны буйругъун толтургъан адамны тилегин къабыл этгенин биз билебиз.

Ишлери 10:2

Ол дин ахлу битеу юйюрю бла бирге Аллахдан къоркъгъан бир адам эди. Ол, халкъгъа кёп садакъа бериучю эди эм дайым Аллахдан тилек этиучю эди.

Ишлери 10:22

Ала уа: «Жюзбашчы Корнелий – тюзлюклю эмда Аллахдан къоркъгъан, битеу иудей миллет да ыразы болгъан бир адам – сени юйюне чакъырып, сени айтырыкъ сёзлеринге тынгыларгъа сыйлы мёлекден буйрукъ алгъанды», – дедиле.

Ишлери 13:42

Пауул бла Барнаба иудей синагогадан чыкъгъан заманда, халкъ келлик шабат кюн да ол сёзлени айтырларын аладан тиледи.

Ишлери 13:43

Жыйылыу чачылгъандан сора уа, кёп иудейлиле да, иудей диннге къайтышып, Аллахха табыннган башха миллетлиле да Пауулну бла Барнабаны ызындан бардыла; ала уа, бу адамла бла ушакъ этип аланы, таймай Аллахны шафауатында турургъа ийнандырдыла.

Ишлери 13:50

Иудейлиле уа, Аллахха табыннган асыл тиширыуланы бла шахарны биринчи адамларын къозутуп, Пауулгъа бла Барнабагъа зорлукъ этип, аланы кеси тийрелеринден къыстадыла.

Ишлери 16:14

Тиатира шахардан Лидия атлы, къызгъылдым къумач сатыучу, кеси да Аллахха табыныучу, бир тиширыу тынгылай эди; Пауулну не айтханына эсин бёлюрге Раббий аны жюрегин ачхан эди.

Ишлери 17:4

Аладан бир къауумлары, ийнанып, Пауулгъа бла Силагъа къошулдула, Аллахха табыннган греклиледен да бек кёп адам, асыл тиширыуладан да кёпле ийнандыла.

Колослулагъа 4:11

Иуст аталгъан Исса да сизге салам айтады. Ала экиси да сюннетлиледендиле. Мени жапсарып, Аллахны Патчахлыгъы ючюн уруннган нёгерлерим жангыз аладыла.