Ишлери 18:6 - Сыйлы Инжил бла Забур

⁶ Ала къажау болуп аман айтханлары себепли уа, ол, кийимлерин къагъып, алагъа: «Кеси къаныгъыз кеси башыгъызда къалады; мен тазама. Бюгюнден башлап башха миллетлилеге барама», – деди.

Ишлери 18:6 Iomraidhean Croise

Маттай 10:14

Сизни къабыл этмеген эм сизни сёзлеригизге тынгыламагъан адамгъа уа, сора, ол юйден неда ол шахардан чыгъа туруп, аякъларыгъыздагъы букъуну къагъып тюшюрюгюз.

Маттай 21:41

Ала Анга: «Ол аманлыкъчыланы аман ёлтюртюр, жюзюм бахчасын а, ала анга заманында кёгетлерин берип турлукъ башха жюзюмчюлеге берир», – дедиле.

Маттай 21:43

Ол себепден сизге айтама, Аллахны Патчахлыгъы сизден сыйырыллыкъды да аны битимин берлик халкъгъа берилликди;

Маттай 22:10

Ол къулла, жоллагъа чыгъып, битеу тапхан адамларын жыйгъандыла, аманланы да, ахшыланы да; той юйю къонакъладан толгъанды.

Маттай 27:25

Битеу халкъ а жууап эте: «Аны къаны бизге эм бизни сабийлерибизге тюшсюн!» – дедиле.

Маттай 8:11

Кёпле, кюн чыкъгъандан эм кюн батхандан келип, Ибрахим бла, Исхакъ бла эм Якъуп бла Кёклени Патчахлыгъында олтурушурукъдула.

Лука 22:65

Дагъыда Анга къажау кёп аман затла айта эдиле.

Лука 9:5

Сизни не жерде къабыл этмеселе уа, ол шахардан чыгъа туруп, алагъа шагъатлыкъгъа аякъларыгъыздан букъуну да къагъып тюшюрюгюз», – деди.

Ишлери 13:51

Пауул бла Барнаба уа алагъа шагъатлыкъгъа аякъларындан букъуну къагъып, Икониягъа кетдиле.

Ишлери 26:11

Битеу синагогалада айланып, мен, алагъа кёп кере азап салып, зор бла Иссагъа аман айтдырыргъа кюреше эдим эм, алагъа мардасыз бек ачыуланып, алагъа зулму этер ючюн, ала жашагъан тыш шахарлагъа окъуна бара эдим.

Ишлери 26:20

Алай а алгъа Дамаскда бла Иерусалимде жашагъанланы, андан сора уа битеу Иудеяны жерин да, башха миллетлилени да, тобагъа тюшюп, Аллахха къайтышыргъа эмда тобагъа къайтышханларына тийишли ишле этерге чакъыргъанма.

Ишлери 28:28

Алай бла сизге белгили болсун, Аллахны къутхарыуууну хапары башха миллетлилеге берилгенди; ала тынгыларыкъдыла», – деди.

Римлилеге 3:29

Аллах жаланда иудейлилени Аллахымыды? Башха миллетлилени да Аллахы тюйюлмюдю? Ишексиз, башха миллетлилени да Аллахыды.

I Тимотейге 5:22

Бир кишини юсюне да ашыгъышлыкъ бла къолларынгы салма эм башхаланы гюняхларына къошулуучу болма, кесинги таза сакъла.

II Тимотейге 2:25

Къажау тургъанланы сабырлыкъ бла тюшюндюрюрге керекди, тобагъа къайтышып, хакъ кертини билирге Аллах алагъа онг берир эсе уа деп.

I Петер 4:14

Масихни аты ючюн сизге аман айта эселе, сиз насыплысыз; нек десегиз махтаулу Нюр, Аллахны Нюрю, сизни юсюгюзде къалады. Ала Анга аман айтадыла, сиз а Аны махтайсыз.

I Петер 4:4

Сиз ала бла бирге ол хаулеликлеге къатышмагъаныгъыз ючюн, сейирсинип, сизге аман айтадыла.