Ишлери 18:21 - Сыйлы Инжил бла Забур

²¹ «Келе тургъан байрамны мен Иерусалимде ашырыргъа керекме; сизге уа дагъыда къайтырма, Аллах буюрса», – деп ала бла саламлашып айырылды эм кеме бла Эфесден кетди. Акила бла Прискила уа Эфесде къалдыла.

Ишлери 18:21 Iomraidhean Croise

Маттай 26:39

Аладан бир кесек арлакъ барып, беттёбен аууп, тилек этип: «Атам! Амал бар эсе, бу аякъ Менден кери болсун; алай а Мен сюйгенча тюйюл, Сен сюйгенча болсун», – дей эди.

Марк 6:46

Эмда аланы ашырып, Кеси тилек этерге таугъа чыкъды.

Лука 9:61

Дагъыда биреу: «Мен Сени ызынгдан барлыкъма, Раббий! Алай а, алгъа манга юйдегилерим бла саламлашып айырылыргъа эркинлик бер», – деди.

Ишлери 15:29

Идоллагъа берилип харам болгъан ашладан, къандан, мурдар ёлген хайыуан этден эмда саякълыкъдан кесигизни сакъларгъа эмда кесигизге этилирин сюймеген затланы башхалагъа этмезге керексиз. Бу жорукъланы тутсагъыз, иги этериксиз. Сау болугъуз», – деп жазып ийдиле.

Ишлери 18:19

Эфесге келгенлеринде, Пауул Акиланы бла Прискиланы анда къойду, кеси уа синагогагъа кирип иудейлиле бла ушакъ этди.

Ишлери 18:20

Ала Пауулдан алада бираз турурун тилегенде уа, ол унамады.

Ишлери 18:24

Бу кезиуде, Аскендирияда туугъан, Аполлос атлы бир иудейли Эфесге келген эди. Ол ариу сёзлю, Сыйлы Китапладан кёп билими болгъан адам эди.

Ишлери 19:1

Аполлос Коринфде тургъан заманда, Пауул, огъаргъы къыраллада айланып, Эфесге келди эм анда бир къауум сохтала табып,

Ишлери 19:17

Битеу Эфесде жашагъан иудейлилеге да, греклилеге да бу иш белгили болуп, аланы барысына да къоркъуу тюшген эди эмда Раббий Иссаны аты уллу бола эди.

Ишлери 19:21

Бу ишле болгъандан сора уа, Пауул, Македонияны бла Ахаяны юсю бла озуп, Иерусалимге барыргъа ниет этди. «Анда бираз тургъандан сора мен Римни да кёрюрге керекме», – деп айта эди.

Ишлери 20:16

Пауул, Асияда заманын бошуна жибермез ючюн, Эфесге къайтмай кетер ниетде эди; нек десегиз ол, амал болса, эллинчи кюнню байрамына Иерусалимге жетерге ашыгъа эди.

Ишлери 21:14

Биз аны тыялмагъаныбызда уа: «Раббий буюргъанлай болсун!» – деп тохташдыкъ.

Ишлери 21:29

Нек десегиз муну аллында ала, Пауулну шахарда Эфесли Трофим бла кёрюп, ол себепден Пауул аны табыныучу юйге кийирген суннган эдиле.

Римлилеге 1:10

Мен тилек этген хар заманда, Аллахны буйругъу бла энди сизге келирге манга онг болур ючюн тилек этеме.

Римлилеге 15:32

Эмда Аллах буюрса, мен сизге къууанч бла келип, сизни бла жюрегим ырахат болур ючюн тилек этигиз.

I Коринфлилеге 15:32

Адам ойлашыугъа кёре, Эфесде жыртыучу жаныуарла бла кюрешгеними манга не файдасы бар эди? Ёлгенле тиргизилмей эселе, ашап-ичип башлайыкъ, нек десегиз тамбла ёллюкбюз!

I Коринфлилеге 16:7

Ол себепден мен энди сизни бла жолда бара кёрюшюрге сюймейме, алай а, Аллах онг берсе, сизде бир бёлек заманны турургъа умут этеме.

I Коринфлилеге 16:8

Эфесде уа мен эллинчи кюнню байрамына дери турлукъма,

I Коринфлилеге 4:19

Алай а мен, Раббий буюрса, кёп турмай сизге келликме эм ёхтемленнгенлени сёзлерин тюйюл, кючлерин сынарыкъма.

II Коринфлилеге 13:11

Болсада, къарындашла, къууаныгъыз, жетишимли болугъуз, жапсарылыгъыз, бир акъыллы, жарашыулу болугъуз, сюймеклик эмда жарашыулукъ бериучю Аллах а сизни бла боллукъду.

Эфеслилеге 1:1

Аллахны буйругъу бла Масих Иссаны абустолу болгъан мен Пауулдан Масих Иссагъа ийман салгъан, Эфесдеги сыйлылагъа салам!

Чюйютлелеге 6:3

Аллах онг берсе, тамамлыкъгъа да жетербиз.

Якъуп 4:15

Сиз: «Раббий онг берсе эм сау болсакъ, аны да неда башхасын да этербиз», – деп айтырны орунуна,

I Петер 3:17

Аллах алай буюргъан эсе, аман ишле ючюн азап чекгенден эсе, ахшы ишле ючюн азап чекген игиди.

Билим Ачханы 1:11

Бу кёргенинги китапха жаз эм Асияда болгъан жети жамауатха: Эфесге, Измирге, Бергамагъа, Тиатирагъа, Сардисге, Филадельфиягъа эм Лаодикиягъа жибер», – деп айтханын эшитдим.

Билим Ачханы 2:1

«Эфесдеги жамауатны мёлегине былай жаз: жети жулдузну онг къолунда Тутхан, жети алтын чырахтанны араларында Жюрюген былай айтады: