Ишлери 14:3 - Сыйлы Инжил бла Забур

³ Болсада Пауул бла Барнаба мында бир бёлек заман туруп, Раббийни юсюнден таукеллик бла айта эдиле, Ол а Кесини шафауатыны юсюнден сёзге шагъатлыкъгъа, аланы къоллары бла илишанла эм сейир ишле болдура эди.

Ишлери 14:3 Iomraidhean Croise

Марк 16:20

Ала уа, кетип, хар жерде ууаз бергендиле. Раббий алагъа болушханды эмда сёзюн артда болгъан илишанла бла бегитгенди. Амин.]

Ахия 4:48

Исса анга: «Сиз, илишанла бла сейирликле кёрмесегиз, ийнанырыкъ тюйюлсюз», – деди.

Ишлери 13:46

Ол заманда Пауул бла Барнаба таукеллик бла алагъа: «Аллахны сёзю бек алгъа сизге билдирилирге керек эди; алай а сиз аны къабыл этмей, кесигиз-кесигизни ёмюрлюк жашаугъа тийишли болмазча этгенигиз ючюн, ма, биз башха миллетлилеге айланып айтабыз.

Ишлери 2:22

Израильли кишиле! Тынгылагъыз бу сёзлеге: кесигиз да билгенигиз кибик, Назаретли Исса, Аллах Аны юсю бла сизни арагъызда этген къудуретли ишлери, сейирликлери эм илишанлары бла белгили болгъан Кишиди.

Ишлери 20:24

Алай а мен бир затха да къайгъырмайма эм кеси жашаууму аямайма, мен ишими – Раббий Иссадан алгъан къуллугъуму, Аллахны шафауатыны юсюнден Хайыр Хапарны адамлагъа билдириу къуллугъуму – къууанч бла этип бошагъа эдим анса.

Ишлери 20:32

Энди уа къарындашла, сизни Аллахха эм Аны шафауатыны сёзюне аманат этеме, ол сёз а сизни кючлендираллыкъды эмда сизге битеу сыйлы болгъанла бла юлюш берирге болаллыкъды.

Ишлери 4:31

Ала тилек этгенден сора, жыйылып тургъан жерлери да титиреди эм барысы да Сыйлы Нюрден толуп Аллахны сёзюн таукеллик бла айта эдиле.

Ишлери 5:32

Биз да, Аллах Кесине бойсуннганлагъа берген Сыйлы Нюр да, бу ишлеге шагъатбыз», – дедиле.

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

I Фесалоникачылагъа 2:2

Сиз билгенча, алгъын Филипийде азап чегип ыйлыкъдырылгъан эдик, алай а, уллу къажаулукъгъа да къарамай, Аллахны Хайыр Хапарын сизге билдирирге Аллахыбыздан таукеллик алгъан эдик.

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.