Ишлери 13:41 - Сыйлы Инжил бла Забур

⁴¹ „Къарагъыз, хыликкя этгенле, сейирсинигиз эм тас болугъуз; нек десегиз Мен сизни заманыгъызда бир иш этеме, ол ишге уа, сизге ким айтса да, ийнанмаз эдигиз“ деп айтханлары сизни башыгъызгъа тюшмесин», – деди.

Ишлери 13:41 Iomraidhean Croise

Лука 16:14

Муну барын ахча сюйюучю фарисейле да, эшитип, Иссаны хыликкя эте эдиле.

Лука 23:35

Халкъ анда тохтап къарай эди. Ала бла бирге таматала да: «Башхаланы къутхара эди. Аллах сайлагъан Масих Ол эсе, Кеси-Кесин къутхарсын», – деп хыликкя эте эдиле.

Ишлери 13:47

Нек десегиз Раббий: „Сен жерни этегине деричи да къутхарыу келтирир ючюн, Мен Сени башха миллетлеге жарыкълыкъгъа салгъанма“ деп бизге фарыз этгенди», – дедиле.

Ишлери 22:21

Раббий а манга: „Бар, Мен сени узакъгъа, башха миллетлеге иерикме“ деди», – деп сёлешди.

Ишлери 3:23

Ол файгъамбаргъа тынгыламагъан хар адам Аллахны халкъыны арасындан жокъ боллукъду“ деп айтханды.

Ишлери 6:14

„Назаретли Исса бу жерни бузарыкъды, Муса бизге берген адетлени да тюрлендирликди“ деп айтханын биз эшитгенбиз», – дедиле.

I Фесалоникачылагъа 2:16

Нек десегиз башха миллетлиле къутхарылыр ючюн, алагъа айтыргъа иудейлиле бизге чырмау этедиле. Алай этип, хар заманда кеслерини гюняхларыны мардасын толтурадыла, алай а Аллахны ахыргъы чамланыуу алагъа энди жууукълашханды.

I Петер 4:17

Нек десегиз сюд этилир заман жетгенди, сюд этилиу а Аллахны юйюрюнден башланырыкъды; сора алгъа бизден башланырыкъ эсе, Аллахны Хайыр Хапарына боюн салмагъанланы ахырлары уа къалай боллукъду?