Ишлери 13:14 - Сыйлы Инжил бла Забур

¹⁴ Ала уа, Пергиден ары барып, Писидиягъа жууукъ Антиохиягъа келдиле эмда шабат кюн синагогагъа кирип олтурдула.

Ишлери 13:14 Iomraidhean Croise

Ишлери 16:13

Шабат кюн а, биз шахардан чыгъып, суу боюнуна бардыкъ. Анда адет бла тилек этилиучю эди. Биз анда олтуруп, ары жыйылгъан тиширыула бла сёлешип башладыкъ.

Ишлери 17:2

Пауул, кесини адетине кёре, алагъа барып, юч шабат кюнню Сыйлы Китапладан окъуп, ала бла сёлешди.

Ишлери 14:19

Антиохиядан бла Икониядан бир къауум иудейлиле келип, абустолла таукел сёлешген заманда: «Ала бир керти зат айтмайдыла, айтханлары бары да ётюрюкдю», – деп халкъны ийнандырып абустолладан айырдыла. Сора халкъны къозутуп, Пауулну ташла бла тюйдюрдюле эмда, ёлген сунуп, шахардан тышына чыгъарып атдыла.

Ишлери 13:5

Саламисге жетип, иудей синагогалада Аллахны сёзюн билдирип башладыла. Болушургъа биргелерине Ахияны да алгъан эдиле.

Ишлери 18:4

Пауул хар шабат кюн сайын синагогада иудейлилеге да греклилеге да сёлешип ийнандырыргъа кюреше эди.

Ишлери 19:8

Синагогагъа келип, Пауул анда юч айны таукел ууаз берип, андагъыла бла сёлешип, Аллахны Патчахлыгъына ийнандырып турду.

Ишлери 13:44

Экинчи шабат кюн хазна къалмай битеу шахар Аллахны сёзюн эшитирге жыйылгъан эди.

Ишлери 13:42

Пауул бла Барнаба иудей синагогадан чыкъгъан заманда, халкъ келлик шабат кюн да ол сёзлени айтырларын аладан тиледи.

Ишлери 9:20

Олсагъатдан синагогалада Исса Аллахны Уланы болгъанын билдирип башлады.

Лука 4:16

Сора ёсген жерине Назаретге келди, анда Кесини адети бла, шабат кюн синагогагъа кирип, Сыйлы Китапладан окъургъа ёрге турду.

Ишлери 13:46

Ол заманда Пауул бла Барнаба таукеллик бла алагъа: «Аллахны сёзю бек алгъа сизге билдирилирге керек эди; алай а сиз аны къабыл этмей, кесигиз-кесигизни ёмюрлюк жашаугъа тийишли болмазча этгенигиз ючюн, ма, биз башха миллетлилеге айланып айтабыз.

II Тимотейге 3:11

Сынагъан зулмулукъларымы эм къыйынлыкъларымы, Антиохияда, Иконияда, Листрада башыма келген къыйынлыкъланы кёрюп тургъанса. Мен къаллай зулмулукъла сынагъан эсем да, Раббий мени аланы барындан да къутхаргъанды.