Ишлери 13:10 - Сыйлы Инжил бла Забур

¹⁰ «Эй, хар тюрлю хыйладан бла хар тюрлю аманлыкъдан толгъан, ибилисни баласы, хар тюзлюкню душманы! Раббийни тюз жолларын терсине бурургъа кюрешгенинги къоярыкъ тюйюлмюсе?

Ишлери 13:10 Iomraidhean Croise

Маттай 13:38

Сабан – дунияды. Иги урлукъ – Кёклени Патчахлыгъыны уланларыдыла, аман хансла уа – хыйлачыны уланларыдыла.

Маттай 15:19

Нек десегиз аман ниетле, адам ёлтюрюуле, зийна этиуле, тос туруула, урлаула, жалгъан шагъатлыкъла, аман айтыула жюрекден чыгъадыла.

Маттай 23:13

Сизге палах, дин алимле бла фарисейле, эки бетлиле! Сиз Кёклени Патчахлыгъын адамлагъа жабып турасыз; кесигиз да кирмейсиз, кирирге сюйгенлени да къоймайсыз.

Маттай 3:7

Ахия уа, кёп фарисейлени бла садукейлени анга сууда кёмюлдюрюлюрге келгенлерин кёрюп, алагъа: «Жилянны балалары! Келлик чамланыудан къачаргъа сизни ким юйретгенди?

Лука 11:39

Раббий а анга: «Энди сиз, фарисейле, аякъны бла табакъны тышын тазалайсыз, сизни ичигиз а урлаудан бла хыйлачылыкъдан толуду.

Лука 11:52

Таурат алимле, сизге палах! Сиз билимни (эшигини) ачхычын алгъансыз, кесигиз да кирмегенсиз, киргенлеге да чырмау болгъансыз», – деди.

Ахия 1:23

Ол а: «Иешая файгъамбарны айтханы кибик, „Раббийге жолну тюзетигиз“ деп къум тюзде къычыргъанны ауазыма мен», – деди.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Ишлери 20:30

Сизни кесигизден да, сохталаны кеси ызларындан элтир ючюн терсине айтырыкъ адамла да чыгъарыкъдыла.

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

Галатиялылагъа 1:7

Керти да башха хайыр хапар жокъду, алай а сизни жунчутхан эм Масихни Хайыр Хапарын терсине бурургъа сюйген адамла бардыла ансы.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

II Петер 2:15

Ала, харам ултханы сюйген Беор улу Биламны жолун тутуп, тюз жолну къоюп ажашхандыла.

I Ахия 3:8

Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.