II Тимотейге 4:8 - Сыйлы Инжил бла Забур

⁸ Энди уа манга тюзлюкню тажы хазырланады, аны уа, ол Кюнде манга тюзлюклю Сюдю Раббий берликди эм жаланда манга тюйюл, алай а Аны келирин сюйгенлени барына да.

II Тимотейге 4:8 Iomraidhean Croise

Забур 7:11

Мени болушлугъум жюреклери тюзлени къутхарыучу Аллахданды.

Маттай 24:36

«Ол кюнню бла сагъатны уа бир киши да билмейди, не кёкдеги мёлекле, не Улан, жаланда жангыз Мени Атам биледи.

Маттай 7:22

Ол кюн Манга кёпле: „Раббий! Раббий! Бизни файгъамбарлыкъ этгенибиз Сени атынгдан тюйюлмю эди? Жинлени къыстагъаныбыз да Сени атынг бла тюйюлмю эди? Кёп къудуретли ишле этгенибиз да Сени атынг бла тюйюлмю эди?“ деп айтырла.

Лука 10:12

Ол шахардан эсе, (къыямат) кюнде Содомгъа тынчыракъ болур деп айтама сизге.

Римлилеге 2:5

Алай а, сени терсакъыллыгъынг бла эм тобагъа къайтышмагъан жюрегинг бла, сен Аллахны тюз сюдю ачылыр чамланыу кюннге кесинг-кесинге ачыу жыяса.

Римлилеге 8:23

Эм жалан жаратылгъанла тюйюл, алай а биз кесибизде Сыйлы Нюрню биринчи хайырлары болгъанлай да, биз да, ичибизден ынчхап, Аллах бизни Кесине улан этерин, чархыбызны жулунурун сакълайбыз.

I Коринфлилеге 2:9

Алай а, Китапда жазылгъаны кибик: «Аллах Аны сюйгенлеге не хазырлагъанын кёз да кёрмегенди, къулакъ да эшитмегенди эм ол адамны жюрегине да келмегенди».

I Коринфлилеге 3:13

Хар кимни иши ачыкъ болур, нек десегиз къыямат кюн аны кёргюзтюр. Хар кимни иши от бла ачыкъ болур, хар ишни къаллай болгъанын от сынар.

I Коринфлилеге 9:25

Битеу кюрешгенле хар неден кеслерин тыядыла: ала чиририк таж алыр ючюн алай этедиле, биз а ёмюрлюк таж алыр ючюн этебиз.

II Коринфлилеге 5:2

Энди биз ёмюрлюк чархыбызны киерге асыры сюйгенибизден ахтынып турабыз.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

I Фесалоникачылагъа 1:10

Эм Кесини ёлгенледен тиргизген Уланыны – келлик чамланыудан бизни къутхарыучу Иссаны – кёкледен келлигин сакълар ючюн, идоллагъа табыныуну къоюп, Аллахха къалай къайтышханыгъызны айтадыла.

I Фесалоникачылагъа 5:4

Алай а сиз, къарындашла, ол кюн сизге билмей тургъаныгъызлай, гудучу кибик тюберча къарангыда тюйюлсюз.

II Фесалоникачылагъа 2:8

Сора ол заманда законсузлукъчу ачыллыкъды, аны уа Раббий Исса Кесини ауузуну солууу бла ёлтюрлюкдю эм Кесини келгенини кёрюнюую бла жокъ этерикди.

I Тимотейге 6:19

Алай бла кеслерине келлик заманнга бегимли мурдор боллукъ хазна жыярла эм аны бла ёмюрлюк жашаугъа жетерле.

II Тимотейге 1:10

Алай а энди Аны келгени бла ачыкъ этилгенди. Бизни Къутхарыучубуз Масих Исса ёлюмню жокъ этгенди. Ол, Хайыр Хапарны юсю бла, жашауну эм ёлюмсюзлюкню кёргюзтгенди.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

II Тимотейге 1:18

Раббий Кесини келген кюнюнде анга мархамат этсин. Ол манга Эфесде къаллай бир болушханын а сен иги билесе.

II Тимотейге 2:5

Спортсмен да эришиуню жорукъларын буза эсе, саугъа аллыкъ тюйюлдю.

II Тимотейге 4:1

Алай бла Аллахны аллында эм Кесини келген заманында Кесини Патчахлыгъында, саулагъа да, ёлгенлеге да сюд этерик Раббийибиз Масих Иссаны аллында санга буюрама:

Титге 2:13

Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

Чюйютлелеге 12:11

Хар азап, эндиги заманда къууанч тюйюл, жарсыуча кёрюнеди. Артда уа аны юсю бла юйреннгенлеге тюзлюклюлюкню ырахатлыкъ тирлигин береди.

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

Якъуп 1:12

Сыналыугъа чыдагъан адам насыплыды; нек десегиз ол, сыналып, Раббий Аны сюйгенлеге берирге айтхан жашауну тажын аллыкъды.

I Петер 1:4

Бузулмазлыкъ, айыпсыз, чиримезлик мюлк юлюшге жетдиргенди. Ол мюлк юлюш сизге кёкледе сакъланады.

I Петер 5:4

Сюрюучюлени Башчысы келген заманда уа, сиз мууал болмазлыкъ махтау таж алырсыз.

Билим Ачханы 1:7

Ма, булутла бла келеди! Аны хар кёз да, Аны чанчханла да кёрлюкдюле; Аны ючюн дунияны битеу миллетлери сарнап жилярыкъдыла. Алайды. Амин.

Билим Ачханы 19:11

Сора мен кёк ачылгъанын эм анда акъ ат тургъанын кёрдюм. Атха минип тургъанны аты Тюздю эм Хакъ Кертиди. Ол, тюзлюк бла сюд этип, къазауат этеди.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.

Билим Ачханы 22:20

Бу затлагъа шагъатлыкъ Этген: «Ма, терк келликме!» – дейди. Амин. Я Раббий Исса, кел!

Билим Ачханы 4:10

Жыйырма тёрт тамата, тахтада Олтургъанны аллында жерге къапланып, ёмюрледен ёмюрлеге Жашагъаннга сежда этедиле эм тажларын тахтаны аллына салып, былай айтадыла:

Билим Ачханы 4:4

Ол тахтаны тёгерегинде да жыйырма тёрт тахта тура эдиле. Тахталада уа мен жыйырма тёрт тамата олтуруп тургъанларын кёрдюм; ала уа акъ кийимле кийип эдиле эм башларында алтын тажлары бар эди.