II Тимотейге 4:5 - Сыйлы Инжил бла Забур

⁵ Алай а сен хар не жаны бла да сакъ бол, къыйынлыкълагъа тёз, Хайыр Хапарчылыкъны ишин эт, къуллукъ этиуюнгю толтур.

II Тимотейге 4:5 Iomraidhean Croise

Маттай 25:16

Беш талант алгъан, барып, аланы ишге жаратып, башха беш талант алды.

Марк 13:34

Ол заман жолгъа атлана туруп, кесини юйюн къоюп, кесини къулларына эркинлик, хар бирине кесини ишин берип, эшик сакълаучугъа да жукъламай сакъ турургъа буйрукъ этип кетген кишиге ушашды.

Марк 13:37

Сизге айтханымы уа, барысына да айтама: сагъайып туругъуз!» – деди.

Лука 12:37

Аланы бийлери келип, жукъламай сакъ болуп тургъанларынлай тапса, ол къулла насыплыдыла. Кертисин айтама сизге, ол белин къысып, аланы олтуртуп, къатларына келип, алагъа шапалыкъ этип башлар.

Ишлери 21:8

Экинчи кюн а Пауул бла биз, аны биргесине болгъанла, андан чыгъып, Кесариягъа келдик эм жетисинден бири болгъан, Хайыр Хапарны билдириучю Филипни юйюне барып, анда къалдыкъ.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

Эфеслилеге 4:11

Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

Эфеслилеге 4:12

Сыйлыла тамамлы болуп, къуллукъ этер ючюн эмда Масихни чархы ёсер ючюн, алай этгенди.

Колослулагъа 1:25

Аллах сизни ючюн манга берген къуллукъ бла ол Жамауатны жумушчусу болгъанма. Къуллугъум, Аллахны Сёзюн –

Колослулагъа 4:17

Архипге: сен Раббийни жолунда алгъан къуллугъунгу толтурургъа сакъ бол деп айтыгъыз.

I Фесалоникачылагъа 5:6

Алай бла башхалача жукъламайыкъ, алай а сагъайып эм аязып турайыкъ.

I Тимотейге 4:12

Сени жашлыгъынгы бир киши да сансыз этмесин; алай а сёз айтыуда, жашауда, сюймекликде, нюрде, ийманда, тазалыкъда ийманлылагъа юлгю бол.

I Тимотейге 4:15

Бу затланы юсюнден къайгъыр, къуллукъ этиуюнге толусунлай берил, сора сени жетишиминг барына да ачыкъ болур.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

II Тимотейге 2:3

Алай бла, Масих Иссаны ахшы аскерчисича, мени бла бирге азиятлыкъ чегиуге тёз.

II Тимотейге 4:17

Алай а, Хайыр Хапар мени юсюм бла толусунлай билдирилир ючюн эм аны битеу миллетле эшитир ючюн, Раббий, къатымда туруп, мени кючлендиргенди, мен да асланны жаякъларындан къутулгъанма.

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.

I Петер 1:13

Ол себепден, акъылыгъызны ишге хазыр тутуп, сагъайып туругъуз, Масих Иссаны келиую бла сизге бериллик шафауатха толу ышаныгъыз.

Билим Ачханы 3:2

Уян эмда къалгъан ёле тургъанны кючлендир; нек десенг мени Аллахымы аллында сени ишлеринг тамамлы болмагъанларын кёргенме.