II Тимотейге 4:10 - Сыйлы Инжил бла Забур

¹⁰ Нек десенг Димас, эндиги ёмюрню сюйюп, мени къоюп, Фесалоникагъа кетгенди. Крескент Галатиягъа, Тит Далматиягъа кетгенди. Мени биргеме жангыз Лука къалгъанды.

II Тимотейге 4:10 Iomraidhean Croise

Маттай 12:32

Адам Улуна къажау сёз ким айтса да, анга кечилликди; Сыйлы Нюрге къажау ким айтса уа, анга не бу ёмюрде, не боллукъ ёмюрде кечиллик тюйюлдю.

Маттай 26:56

Бу бары да, файгъамбарланы жазгъанлары толур ючюн болгъан эди. Ол заманда сохталары барысы да Аны къоюп къачдыла.

Лука 14:33

Сизни хар биригиз да алай, битеу болгъан затын къоймаса, Мени сохтам болаллыкъ тюйюлдю.

Лука 16:13

Бир жумушчу да эки бийге къуллукъ эталлыкъ тюйюлдю. Нек десегиз неда бирин кёрюп боллукъ тюйюлдю, экинчисин а сюерикди; неда бирине кёл саллыкъды, экинчисине уа эс бурлукъ тюйюлдю. Аллахха да, байлыкъгъа да къуллукъ этерге болаллыкъ тюйюлсюз».

Лука 17:32

Лутну къатынын эсигизге тюшюрюгюз!

Ишлери 13:13

Пафдан жюзюп кетип, Пауул эмда аны биргесине болгъанла Памфилияны Перги шахарына келдиле, Ахия уа аладан айырылып Иерусалимге къайтды.

Ишлери 15:38

Алай а Пауул, Памфилияда аладан артха къалып, алагъа буюрулгъан ишге ала бла бармагъан Маркны биргелерине элтирге сюймеди.

Ишлери 16:6

Сыйлы Нюр аланы Аллахны сёзюн Асияда билдирирге къоймагъаны себепли, Пауул бла нёгерлери, Фригияны бла Галатия къыралны юсю бла бардыла.

Ишлери 17:1

Амфиполну бла Аполонияны юсю бла барып, ала Фесалоникагъа келдиле, анда уа иудейлилени синагогалары бар эди.

Ишлери 17:11

Мындагъыла уа фесалоникачыладан эсе тюз оюмлу эдиле; бу алаймыды деп, хар кюн сайын Сыйлы Китаплада жазылгъанлагъа тинтип къарап, Аллахны сёзюн кёл салып къабыл этдиле.

Ишлери 17:13

Фесалоникалы иудейлиле уа, Аллахны сёзюн Пауул Берияда да жайгъанын билгенлеринде уа ары да келип халкъны къозутуп къозгъадыла.

Ишлери 18:23

Анда бир талай заман тургъандан сора, жолгъа чыкъды, Галатия къыралгъа бла Фригиягъа кезиу айланып, битеу сохталаны кючлендирди.

II Коринфлилеге 2:13

Алай болгъанлыкъгъа, къарындашым Титни анда тапмагъаным себепли, кёлюме ырахатлыкъ тапмагъан эдим, алай а, андагъыла бла саламлашып, Македониягъа кетген эдим.

II Коринфлилеге 7:6

Алай а унукъгъанланы жапсарыучу Аллах Титни келгени бла бизни жапсаргъан эди

II Коринфлилеге 8:16

Сизни ючюн алай кюрешиуню Титни жюрегине салгъан Аллахха шукур болсун!

II Коринфлилеге 8:23

Тит а мени жолдашымды эмда сизни арагъызда къуллукъ этиучю нёгеримди, къарындашларыбыз а Масихни махтауу, жамауатланы келечилеридиле.

II Коринфлилеге 8:6

Ол себепден арагъызда бу хайырлы ишни башлагъан Титден аны бошарын тилеген эдик.

Галатиялылагъа 1:2

Эм битеу мени биргеме болгъан къарындашладан Галатияны жамауатларына салам!

I Тимотейге 6:10

Нек десенг битеу аманлыкъланы тамыры ахча сюймекликди, анга бир къауумла кеслерин берип иймандан тайгъандыла эм кеслери-кеслерин кёп къайгъылагъа салгъандыла.

I Тимотейге 6:17

Бу ёмюрде байлагъа айтып ангылат, ала кеслерин уллудан кёрмесинле эм ышаннгысыз байлыкъларына ышанмасынла, алай а бизге зауукълукъгъа хар затны да эркин берген жашау бериучю Аллахха ышансынла.

II Тимотейге 1:15

Битеу асиячыла мени атып къойгъанларын сен билесе, Фигел бла Эрмоген да ала бла бирге.

II Тимотейге 4:16

Мен сюдде берген биринчи жууабымда мени бир киши да жакъламагъанды, алай а бары да мени къоюп кетгендиле. Аны ючюн аланы боюнларына гюнях салынмасын!

Титге 1:4

Экибизде да болгъан ийманда керти жашым Титге, Атабыз Аллахдан эм Къутхарыучубуз Раббий Масих Иссадан шафауат, мархамат эм ырахатлыкъ болсун.

II Петер 2:15

Ала, харам ултханы сюйген Беор улу Биламны жолун тутуп, тюз жолну къоюп ажашхандыла.