II Тимотейге 4:1 - Сыйлы Инжил бла Забур

¹ Алай бла Аллахны аллында эм Кесини келген заманында Кесини Патчахлыгъында, саулагъа да, ёлгенлеге да сюд этерик Раббийибиз Масих Иссаны аллында санга буюрама:

II Тимотейге 4:1 Iomraidhean Croise

Забур 50:6

Санга, бир Санга гюнях этгенме мен эмда Сени кёзлеринги аллында аманлыкъ этгенме. Ол себепден Сен сёзлерингде тюзлюклю чыгъаса эм сюдюнгде тазаса.

Забур 98:9

Раббий Аллахыбызны кётюрюгюз эмда Аны сыйлы тауунда сежда этигиз, нек десегиз Раббий Аллахыбыз сыйлыды.

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Лука 19:12

«Асыл тукъумдан бир адам, кесине патчахлыкъ алып къайтыр ючюн, узакъ къыралгъа тебирегенди.

Лука 19:15

Ол адам, патчах болуп къайтхан заманында, ким не хайыр алгъанын билир ючюн, ол кюмюшюн берген къулларын кесине чакъырыргъа буюргъанды.

Лука 23:42

Сора Иссагъа: «Патчахлыгъынга келген заманынгда, Раббий, мени эсинге тюшюр!» – деди.

Ишлери 10:42

Ол бизге: „Сауланы да, ёлгенлени да, Аллах белгили этген сюдюсю Олду“ деп халкъгъа билдирип шагъатлыкъ этерге буйрукъ бергенди.

Ишлери 17:31

Нек десегиз Аллах битеу дуниягъа, Кеси алгъындан сайлагъан Кишини юсю бла тюзлюклю сюд этер кюнюн белгилегенди. Сюд этеригине битеу адамланы ышандырыр ючюн бу Кишини ёлгенледен тиргизгенди».

Римлилеге 2:16

Мен билдирген Хайыр Хапаргъа кёре, Аллах Масих Иссаны юсю бла адамланы таша ишлерине сюд этерик кюнюнде алай боллукъду.

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

II Фесалоникачылагъа 2:8

Сора ол заманда законсузлукъчу ачыллыкъды, аны уа Раббий Исса Кесини ауузуну солууу бла ёлтюрлюкдю эм Кесини келгенини кёрюнюую бла жокъ этерикди.

I Тимотейге 5:21

Аллахны, Раббий Масих Иссаны эмда сайланнган мёлеклени аллында сенден бек тилейме, бу буйрукъларымы, биреуге терс къарау бла неда жакъ басыу бла бир зат да этмей толтур.

II Тимотейге 1:10

Алай а энди Аны келгени бла ачыкъ этилгенди. Бизни Къутхарыучубуз Масих Исса ёлюмню жокъ этгенди. Ол, Хайыр Хапарны юсю бла, жашауну эм ёлюмсюзлюкню кёргюзтгенди.

II Тимотейге 2:14

Муну ийманлыланы эслерине сал, сёзлени юсюнден даулаш чыгъармазгъа Раббийни аллында аладан къаты тиле. Ол затдан а не аз да файда келмейди, тынгылагъанланы жюреклерин бузады ансы.

II Тимотейге 4:18

Раббий мени хар аман ишден да къутхарлыкъды эм Кесини Кёкдеги Патчахлыгъына сакъларыкъды. Анга махтау ёмюрледен ёмюрлеге болсун. Амин.

II Тимотейге 4:8

Энди уа манга тюзлюкню тажы хазырланады, аны уа, ол Кюнде манга тюзлюклю Сюдю Раббий берликди эм жаланда манга тюйюл, алай а Аны келирин сюйгенлени барына да.

Титге 2:13

Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

I Петер 1:7

Алай бла сизни сыналгъан ийманыгъыз Масих Иссаны келлик заманында сизге махтау, хурмет эм уллулукъ тапдырыр. Ол ийманыгъыз от бла сыналгъан эсе да жоюлгъан алтындан да багъалыды.

I Петер 4:5

Ала саулагъа да, ёлгенлеге да сюд этерге хазыр Болгъаннга жууап берирле.

I Петер 5:4

Сюрюучюлени Башчысы келген заманда уа, сиз мууал болмазлыкъ махтау таж алырсыз.

II Петер 1:11

Нек десегиз бизни Раббийибиз эм Къутхарыучубуз Масих Иссаны ёмюрлюк Патчахлыгъына эркин эшик сизге алай ачыллыкъды.

II Петер 1:17

Нек десегиз уллу эм махтаулу Аллахдан Анга: «Бу Мени ыразылыгъым Анда болгъан, Мени Сюйюлюннген Уланымды», – деген ауаз келген заманда, Ол Аллах Атадан хурмет эм махтау алгъанды.

I Ахия 2:28

Энди уа, сабийле, Масихде туругъуз; Ол кёрюннген заманда, бизни таукеллигибиз болсун эм, Ол келгенде, Аны аллында айыплы болмайыкъ.

Билим Ачханы 1:7

Ма, булутла бла келеди! Аны хар кёз да, Аны чанчханла да кёрлюкдюле; Аны ючюн дунияны битеу миллетлери сарнап жилярыкъдыла. Алайды. Амин.