II Тимотейге 3:5 - Сыйлы Инжил бла Забур

⁵ Кеслерин Аллахны жолунда жюрюгенле кибик кёргюзтюп, ол жолну кючюн а инкяр этгенле боллукъдула. Аллай адамладан узакъ бол.

II Тимотейге 3:5 Iomraidhean Croise

Маттай 7:15

«Жалгъан файгъамбарладан кесигизни сакълагъыз! Ала сизге къой сыфатда келедиле, ичлери уа жыртхыч бёрюледиле.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

II Фесалоникачылагъа 3:14

Бу жазып ийгенибизде бизни сёзюбюзге тынгыламагъан ким болсада, аны эсге алып къоюгъуз эм аны уялтыр ючюн аны бла шуёхлукъ жюрютмегиз.

II Фесалоникачылагъа 3:6

Раббийибиз Масих Иссаны аты бла, къарындашла, сизге фарыз этебиз, сиз бизден эшитген юйрениуню тутмай, ишлемей бош айланнган хар къарындашдан узакъ болугъуз.

I Тимотейге 4:7

Жараусуз къатын таурухлагъа заманын гы къоратма, кесинги Аллахны жолунда жюрюрге юйрет.

I Тимотейге 4:8

Нек десенг чархын юйретиуню файдасы азды, Аллахны жолунда жюрюмеклиг’а Аны берген сёзюне кёре бизге хар не жаны бла да, эндиги жашауда да, ёмюрлюк жашауда да файдалыды.

I Тимотейге 5:8

Кесиникилеге эм бегирек да юйдегилерине къайгъырмагъан адам а, иймандан чыкъгъанды эм иймансыздан да аманды.

I Тимотейге 6:5

Хакъ кертиден узакъ болгъан, бузукъ акъыллы адамланы арасында керексиз даулашыула чыгъадыла. Ала Аллахны жолун жаланда кеслерине файда тюшюрюр ючюн жюрютедиле. Аллайладан узакъ бол.

II Тимотейге 2:16

Жараусуз бош сёзледен а узакъ бол; нек десенг ала аллахсызлыкъда дагъыда бек жетишимли боллукъдула,

II Тимотейге 2:23

Ангылаусуз эм жахил даулашыулагъа къатышма, ала къаугъала туудургъанларын сен билесе.

Титге 1:16

Ала Аллахны билебиз деп айтадыла; ишлери бла уа Аны инкяр этедиле, жийиргенчли, бойсунмаучу эм бир тюрлю ахшы ишге жараусуз адамладыла.

Титге 3:10

Биринчи эм экинчи ангылатханынгдан сора айрылыкъ салгъан адамдан тай.