II Тимотейге 2:7 - Сыйлы Инжил бла Забур

⁷ Мен не айтханымы эсле. Раббий санга хар не жаны бла да ангылаулукъ берсин.

II Тимотейге 2:7 Iomraidhean Croise

Забур 64:9

Жерни этеклеринде жашагъанла да Сени илишанларынгдан къоркъурукъдула. Кюн чыгъышда да, кюн батышда да Кесинге махтау зикир айтдырлыкъса.

Лука 21:15

Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Лука 24:45

Ол заманда алагъа (Сыйлы) Китапланы ангыларгъа акъылларын ачды,

Лука 9:44

«Бу сёзлени сиз къулакъларыгъызгъа салыгъыз: Адам Улу адамланы къолларына берилликди», – деди.

Ахия 14:26

Ата Мени атым бла иерик, Жюрек Жапсарыучу, Сыйлы Нюр а, сизни хар неге да юйретир эм битеу Мен сизге айтханланы сизни эсигизге салыр.

Ахия 16:13

Ол, Хакъ Кертини Нюрю келген заманда уа, сизни хар тюрлю кертиликге тюзетирикди; нек десегиз Ол Кесинден айтырыкъ тюйюлдю, алай а не эшитсе да, аны айтырыкъды эмда боллукъну сизге билдирликди.

Ишлери 7:10

Аны битеу къыйынлыкъларындан къутхарып, анга терен акъыл бергенди эмда Мисирни патчахы фыргъауунну анга иги къаратханды. Фыргъауун а Юсюпню битеу Мисирге да, кесини тоханасына да оноучугъа салгъанды.

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

Колослулагъа 1:9

Ол себепден биз да, муну эшитген кюнюбюзден башлап, сизни ючюн тохтамай дууа этип, сиз нюр жанындан хар тюрлю акъылманлыкъ бла эм ангылау бла Аллахны буйругъун толу билир ючюн тилек этебиз.

I Тимотейге 4:15

Бу затланы юсюнден къайгъыр, къуллукъ этиуюнге толусунлай берил, сора сени жетишиминг барына да ачыкъ болур.

II Тимотейге 2:6

Жерге уруннган адам жыйылгъан тирликден юлюшюн биринчи болуп алыргъа керекди.

II Тимотейге 2:8

Мен Хайыр Хапарда ачыкълагъанымча, Дауутну урлугъундан болгъан, ёлгенледен тиргизилген Масих Иссаны хар заманда эсингде тут.

Чюйютлелеге 12:3

Сиз, онгсуз болуп кёлюгюз мугурланмаз ючюн, гюняхлыланы Кесине аллай къаты къажау турууларына тёзген Иссаны юсюнден ойлашыгъыз.

Чюйютлелеге 13:7

Сизге Аллахны сёзюн билдирген оноучуларыгъызны эсигизде тутугъуз эм аланы жашауларыны ахырына къарап, аланы ийманларындан юлгю алыгъыз.

Чюйютлелеге 3:1

Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

Чюйютлелеге 7:4

Кёремисиз, бу адам къалай уллуду! Атабыз Ибрахим душмандан сыйыргъан хазнасыны айырмасындан анга зекят бергенди.

Якъуп 1:5

Сизде акъылманлыгъы жетишмеген адам а барысына да гурушхасыз чомарт бериучю Аллахдан тилесин, анга берилир.

Якъуп 3:15

Бу огъартындан келген акъылманлыкъ тюйюлдю, алай а дунияданды, нафысданды, жинледенди.

Якъуп 3:17

Огъартындан келген акъылманлыгъ’а, бек алгъа тазады, андан сора жарашыулуду, адеплиди, тёзюмлюдю, мархаматдан бла ахшы ишледен толуду, жакъ басмайды эм кёзбаусузду.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.