II Тимотейге 2:5 - Сыйлы Инжил бла Забур

⁵ Спортсмен да эришиуню жорукъларын буза эсе, саугъа аллыкъ тюйюлдю.

II Тимотейге 2:5 Iomraidhean Croise

Лука 13:24

«Тар къабакъдан кирирге кюрешигиз, нек десегиз сизге айтама, кёпле кирирге излерикдиле, кираллыкъ да тюйюлдюле.

Колослулагъа 1:29

Масихни менде жюрюген деменгили кючю бла, мен муну ючюн урунуп кюрешеме.

Чюйютлелеге 12:4

Сизге алыкъа гюняхха къажау къазауат этип ёлюмге дери чыдаргъа тюшмегенди.

Чюйютлелеге 2:7

Сен аны бир аз заманнга мёлекледен алаша этгенсе; артда уа махтау эм хурмет тажны аны башына салып, Кеси къолларынг жаратханлагъа аны башчы этгенсе.

Чюйютлелеге 2:9

Алай а бир аз заманнга мёлекледен алаша этилген Исса, Аллахны шафауаты бла хар адам амалтын ёлюм татар ючюн ёлюм сынагъаны себепли, махтау эм хурмет таж кийгенин кёребиз.

Якъуп 1:12

Сыналыугъа чыдагъан адам насыплыды; нек десегиз ол, сыналып, Раббий Аны сюйгенлеге берирге айтхан жашауну тажын аллыкъды.

I Петер 5:4

Сюрюучюлени Башчысы келген заманда уа, сиз мууал болмазлыкъ махтау таж алырсыз.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.

Билим Ачханы 3:11

Ма, кёп турмай келликме! Тажынгы киши алып къачмаз ючюн, болгъан затынгы тутуп тур.

Билим Ачханы 4:10

Жыйырма тёрт тамата, тахтада Олтургъанны аллында жерге къапланып, ёмюрледен ёмюрлеге Жашагъаннга сежда этедиле эм тажларын тахтаны аллына салып, былай айтадыла:

Билим Ачханы 4:4

Ол тахтаны тёгерегинде да жыйырма тёрт тахта тура эдиле. Тахталада уа мен жыйырма тёрт тамата олтуруп тургъанларын кёрдюм; ала уа акъ кийимле кийип эдиле эм башларында алтын тажлары бар эди.