II Тимотейге 1:8 - Сыйлы Инжил бла Забур

⁸ Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

II Тимотейге 1:8 Iomraidhean Croise

Забур 19:7

Раббий Кеси майлагъан кишини къутхаргъанын мен энди билдим; Кесини сыйлы кёклеринден Кесини онг къолуну къутхарыучу кючю бла анга жууап береди.

Марк 8:38

Нек десегиз бу зийначы эм гюняхлы тукъумну арасында Менден эм Мени сёзлеримден ким ыйлыкъсынса, Адам Улу да Кесини Атасыны аламатлыгъы бла, сыйлы мёлекле бла келгенинде, ол адамдан ыйлыкъсынырыкъды», – деди.

Лука 9:26

Нек десенг Менден эм Мени сёзлеримден ким ыйлыкъсынса да, Адам Улу да, Кесини, Атасыны эмда сыйлы мёлеклени аламатлыгъы бла келгенинде, ол адамдан ыйлыкъсынырыкъды.

Ахия 15:27

Аны кибик сиз да шагъатлыкъ этериксиз, нек десегиз сиз алгъындан башлап Мени биргемесиз.

Ахия 19:35

Муну кёрген киши шагъатлыкъ этгенди, аны шагъатлыгъы хакъ кертиди; хакъ кертини айтханын кеси биледи. Сиз ийнаныр ючюн шагъатлыкъ этеди.

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 8:36

Китапда жазылгъаны кибик: «Сени ючюн бизни хар кюн сайын ёлтюредиле, бизни союллукъ къойлагъа санайдыла».

Римлилеге 9:33

Нек десегиз Китапда: «Ма, Сионда чырмау къая эмда абындырыучу таш салама; Анга ийнаннган ким болсада айыплы боллукъ тюйюлдю», – деп жазылгъаны кибик, ала абындырыучу ташха абыннгандыла.

I Коринфлилеге 1:6

Нек десегиз Масихни юсюнден шагъатлыгъыбыз сизде бегимли болгъанды.

II Коринфлилеге 6:7

Хакъ керти сёзде, Аллахны кючю бла, онг эм сол къолларыбызда тюзлюкню сауутлары бла,

Эфеслилеге 3:1

Ол себепден а мен, Пауул, сиз башха миллетлиле ючюн Масих Иссагъа жесир болгъанма.

Эфеслилеге 3:13

Мынга кёре сизден тилейме, мен сизни ючюн сынагъан къайгъыларым ючюн мудах болмагъыз, ала уа сизге махтау тапдырадыла.

Эфеслилеге 4:1

Алай бла мен, Раббий ючюн тутмакъ болуп сизден тилейме, сиз алгъан чакъырылыуугъузгъа тийишли жашагъыз.

Эфеслилеге 4:17

Ол себепден мен айтама эм Раббийни хатыры бла тилейме, сиз энди, башха миллетле кеслерини акъылларыны магъанасызлыгъы бла этгенча этмегиз.

Колослулагъа 1:11

Аны махтаулу къудурети сизни толу кючлендирир эм хар не жаны бла да чыдамлы, тёзюмлю эмда къууанчлы этер ючюн

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

I Фесалоникачылагъа 3:4

Биз сизде болгъан заманыбызда да, азап чегерикбиз деп айтып, алгъындан сизге билдирген эдик эм сиз билгенча алай болгъанды.

I Тимотейге 2:6

Ол, битеу адамланы жууар ючюн, Кеси-Кесин къурманнга бергенди, кезиуюнде этилген шагъатлыкъ буду.

II Тимотейге 1:10

Алай а энди Аны келгени бла ачыкъ этилгенди. Бизни Къутхарыучубуз Масих Исса ёлюмню жокъ этгенди. Ол, Хайыр Хапарны юсю бла, жашауну эм ёлюмсюзлюкню кёргюзтгенди.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

II Тимотейге 1:16

Онисифорну юйюрюне Раббий ахшылыкъ берсин; ол мени кёп кере тынчайтханды эм мени тутмакълыгъымдан ыйлыкъсынмагъанды.

II Тимотейге 2:3

Алай бла, Масих Иссаны ахшы аскерчисича, мени бла бирге азиятлыкъ чегиуге тёз.

II Тимотейге 2:8

Мен Хайыр Хапарда ачыкълагъанымча, Дауутну урлугъундан болгъан, ёлгенледен тиргизилген Масих Иссаны хар заманда эсингде тут.

II Тимотейге 2:9

Ол Хайыр Хапар ючюн а мен аманлыкъчы кибик тутмакълыкъгъа дери окъуна азап чегеме. Алай а Аллахны сёзюне тутмакълыкъ жокъду.

II Тимотейге 4:17

Алай а, Хайыр Хапар мени юсюм бла толусунлай билдирилир ючюн эм аны битеу миллетле эшитир ючюн, Раббий, къатымда туруп, мени кючлендиргенди, мен да асланны жаякъларындан къутулгъанма.

II Тимотейге 4:5

Алай а сен хар не жаны бла да сакъ бол, къыйынлыкълагъа тёз, Хайыр Хапарчылыкъны ишин эт, къуллукъ этиуюнгю толтур.

I Петер 1:5

Сиз ахыр заманда ачылыргъа хазыр болгъан къутхарылыугъа Аллахны кючю бла, ийнаныуугъузну юсю бла сакъланнганласыз.

I Ахия 4:14

Ата Уланын Къутхарыучу этип дуниягъа ийгенин биз кёргенбиз эм мынга шагъатлыкъ этебиз.

Яхуда 1:24

Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,

Билим Ачханы 1:2

Ол да Аллахны сёзюне эм Масих Иссаны шагъатлыгъына эм не кёргенине шагъатлыкъ этгенди.

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.

Билим Ачханы 19:10

Мен, анга сежда этер ючюн, аны аякъларына аудум; алай а ол манга: «Къара, этме алай! Мен да сени кибик эм Иссагъа шагъатлыкъ этиуню бардыргъан къарындашларынг кибик Аллахны къулума. Сежданы Аллахха эт, нек десенг Иссагъа шагъатлыкъ этиу файгъамбарлыкъны нюрюдю», – деди.