II Тимотейге 1:3 - Сыйлы Инжил бла Забур

³ Кече да, кюн да тилеклеримде дайым сени эсиме келтирип, ата-бабаларымча, таза жюрек бла мен Анга къуллукъ этген Аллахха шукур этеме.

II Тимотейге 1:3 Iomraidhean Croise

Лука 2:37

Сексен тёрт жыллыкъ башсыз къатын эди. Ол, табыныучу юйден кетмей, ораза тутуп, тилек этип, кече да, кюн да Аллахха къуллукъ эте эди.

Ишлери 22:3

«Мен иудейлиме, Киликияны Тарс шахарында туугъанма, алай а мында, бу шахарда ёсгенме. Гамалиелни башчылыгъы бла аталарыбызны Законун окъуп, толу билим алгъанма. Сиз барыгъыз да бюгюн этгенча, мен да Аллах ючюн эришлик этгенме.

Ишлери 23:1

Пауул, синедрионнга жютю къарап: «Къарындашла! Мен бюгюннге дери Аллахны аллында толусунлай таза ниет бла жашагъанма», – деди.

Ишлери 24:14

Алай а мен, ала секта деген Жол бла аталарымы Аллахына къуллукъ этип тургъаныма санга шагъатлыкъ этеме. Тауратда бла файгъамбарланы китапларында жазылгъанланы барына да ийнанама.

Ишлери 24:16

Ол себепден кесим да Аллахны эм адамланы аллында дайым жюрегими таза тутаргъа кюрешеме.

Ишлери 26:4

Жаш заманымдан башлап, алгъын кеси миллетими ичинде Иерусалимде бардыргъан жашаууму битеу иудейлиле биледиле.

Ишлери 27:23

Нек десегиз мени Ием болгъан эм мен Анга къуллукъ этген Аллахымы мёлеги бюгече манга кёрюнюп:

Римлилеге 9:1

Мен Масихни болуп, тюзюн айтама, ётюрюк айтмайма. Сыйлы Нюрню оноуунда болгъан мени жюрегим да айтханларым тюз болгъанына манга шагъатлыкъ этеди.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

Галатиялылагъа 1:14

Мен, аталарымдан къалгъан адетле ючюн мардасыз эришип кюрешиучю болуп, иудейлиликде мени миллетимде тенглерими кёбюсюнден эсе бек жетишимли болгъан эдим.

Эфеслилеге 1:16

Тилеклеримде сизни эсимде тутуп сизни ючюн дайым Аллахха шукур этеме.

I Фесалоникачылагъа 3:10

Сизни бетигизни кёрюр ючюн эм ийманыгъызда кемликни толтурур ючюн кече да, кюн да къадалып тилек этебиз.

I Тимотейге 1:19

Ийманда къаты тур эмда жюрегинги тазалыкъда сакъла; аны уа бир къауумла, къабыл этмей къойгъанлары ючюн, ийман жанындан кеме батыу палах сынагъандыла.

I Тимотейге 1:5

Бу буйрукъну мураты уа таза жюрекден бла ахшы ниетден эм кёзбаусуз иймандан келген сюймекликди.

I Тимотейге 5:5

Жууугъу болмагъан башсыз къатын эм жангыз къалгъан тиширыу Аллахха ышанады эм кече да, кюн да дууа этип эм тилек этип турады.

II Тимотейге 1:5

Сени кёзбаусуз ийманынгы эсиме тюшюреме; ол алгъын сени къарт ананг Лоидада эм кеси ананг Эвникеде болгъан бирча ийманны сенде да болгъанына толу ийнанама.

II Тимотейге 3:15

Андан сора да сен сабийлигингден окъуна Сыйлы Китапланы билесе. Ала уа Масих Иссагъа ийнаныуунг бла сени терен акъыллы этип къутхарылыугъа жетдираллыкъдыла.

Чюйютлелеге 13:8

Масих Исса тюрленмейди, тюнене да, бюгюн да эм ёмюрде да Ол Кесиди.