II Тимотейге 1:16 - Сыйлы Инжил бла Забур

¹⁶ Онисифорну юйюрюне Раббий ахшылыкъ берсин; ол мени кёп кере тынчайтханды эм мени тутмакълыгъымдан ыйлыкъсынмагъанды.

II Тимотейге 1:16 Iomraidhean Croise

Маттай 25:17

Тюз аны кибик эки талант алгъан да башха эки талант алды.

Маттай 5:7

Мархаматлыла насыплыдыла; нек десегиз алагъа мархамат этилирикди.

Ишлери 21:33

Ол заманда аскер башчы, къаршы келип, Пауулну тутду эмда эки бугъоу бла бугъоуларгъа буюруп: «Бу кимди эмда не этгенди?» – деп сорду.

Ишлери 28:20

Мен Израильни умуту ючюн бу бугъоула бла байланнганма. Сизни да, ма бу ишни юсюнден кёрюшюп, сёлеширге чакъыргъанма», – деди.

I Коринфлилеге 16:18

Ала мени да, сизни да кёлюбюзню ырахат этгендиле. Аллайлагъа хурмет этигиз.

Эфеслилеге 6:20

Мен аны ючюн келечилигими тутмакълыкъда толтургъан Хайыр Хапарны мен, манга тийишлисича, таукеллик бла билдирир ючюн тилек этигиз.

II Тимотейге 1:12

Аны себепли къыйналама мен былай; алай а ыйлыкъсынмайма. Нек десенг мен билеме Кимге ийнаннганымы эм Ол манга ышанып бергенин ол Кюннге сакъларгъа Аны кючю болгъанына толу ийнанама.

II Тимотейге 1:17

Ол Римде болгъан заманында мени уллу къадалып излеп тапханды.

II Тимотейге 1:18

Раббий Кесини келген кюнюнде анга мархамат этсин. Ол манга Эфесде къаллай бир болушханын а сен иги билесе.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

II Тимотейге 4:19

Прискилагъа бла Акилагъа эм Онисифорну юйюрюне салам айт.

Филимоннга 1:20

Ол халда, къарындашым, Раббийни жолунда сенден хайыр кёрейим, жюрегими Раббийде ырахат эт.

Филимоннга 1:7

Сени сюймеклигингден биз уллу къууанч эм жапсарылыу алгъанбыз; нек десенг, къарындаш, сен сыйлыланы жюреклерин ырахатландыргъанса.

Чюйютлелеге 10:34

Нек десегиз сиз мени тутмакълыгъыма да жарсыгъан эдигиз эм сизни кёкледе эм ахшы, ёмюрлюк мюлкюгюз болгъанын билип, сизни мюлкюгюзню чачханларын окъуна къууанч бла къабыл этген эдигиз.

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.