II Петер 3:7 - Сыйлы Инжил бла Забур

⁷ Эндиги кёкле бла жер а, отха берилир ючюн, Аллахны ол сёзю бла сакъланып, аллахсыз адамлагъа сюд этилир эм аланы жоюлур кюнлерине дери тутулуп турадыла.

II Петер 3:7 Iomraidhean Croise

Забур 50:3

Аллах, Сени уллу мархаматынг бла манга мархамат эт эмда Сени кёп ырахматынг бла мени законсузлукъларымы мени юсюмден кетер.

Маттай 10:15

Кертисин айтама сизге: хукму кюн ол шахардан эсе Содомну бла Гомораны жерлерине тынчыракъ боллукъду».

Маттай 11:22

Алай а сизге айтама: хукму кюнде сизден эсе Тирге бла Сидоннга тынчыракъ боллукъду.

Маттай 11:24

Алай а, хукму кюнде сизден эсе Содомну жерине тынчыракъ боллукъду деп айтама сизге», – деди.

Маттай 12:36

Адамла бошуна айтхан хар бир сёзлери ючюн да хукму кюн жууап берликдиле деп айтама сизге.

Маттай 24:35

Кёк бла жер жокъ болсала да, Мени сёзлерим а къаллыкъдыла».

Маттай 25:41

Ол заманда сол жанындагъылагъа да: „Кетигиз Мени къатымдан налатла, ибилисге бла аны мёлеклерине хазырланнган ёмюрлюк отха!

Марк 6:11

Эмда сизни ким къабыл этмесе эм сизге тынгыламаса, андан чыгъа туруп, алагъа шагъатлыкъгъа, аякъларыгъыздагъы букъуну къагъып тюшюрюгюз. Кертисин айтама сизге: къыямат кюн ол шахардан эсе Содомгъа бла Гоморагъа тынчыракъ болур», – деди.

Ахия 12:48

Мени къабыл этмегенни эм Мени сёзлерими алмагъанны кесини сюдюсю барды: Мен айтхан сёз ахыр кюн анга сюд этерикди.

Римлилеге 2:5

Алай а, сени терсакъыллыгъынг бла эм тобагъа къайтышмагъан жюрегинг бла, сен Аллахны тюз сюдю ачылыр чамланыу кюннге кесинг-кесинге ачыу жыяса.

I Коринфлилеге 3:13

Хар кимни иши ачыкъ болур, нек десегиз къыямат кюн аны кёргюзтюр. Хар кимни иши от бла ачыкъ болур, хар ишни къаллай болгъанын от сынар.

II Фесалоникачылагъа 2:3

Сизни бир киши да бир да терилтмесин; нек десегиз, алгъы бурун иймандан тайыу болгъунчу эм ол гюняхлы адам – жоюлургъа сюд этилген адам – ачыкъ болгъунчу, ол кюн келлик тюйюлдю,

I Тимотейге 6:9

Байыгъыргъа сюйгенле уа алданыугъа эм тузакъгъа эмда кёп, магъанасыз заранлы сукъланыулагъа тюшедиле, ол затла уа адамланы палахха бла жоюлуугъа тюбетедиле.

Чюйютлелеге 12:29

Нек десегиз бизни Аллахыбыз кюйдюрюп бошаучу отду.

II Петер 2:9

Сора Раббий, Аны жолунда жюрюгенлени терилиуден къалай къутхарыргъа, тюзлюксюзлени уа,

II Петер 3:10

Раббийни кюню уа, кечегиде гудучу къалай келе эсе, алай келликди. Ол заманда кёкле таууш этип жокъ боллукъдула, табийгъатны затлары уа жанып бузуллукъдула, жер эм аны юсюнде этилген ишле кюерикдиле.

II Петер 3:12

Аллахны кюнюню келирин сюйюп сакълап ашыкъдыргъанла? Ол кюнде уа къабындырылгъан кёкле бузуллукъдула эм табийгъатны затлары жанып эририкдиле.

I Ахия 4:17

Сюймеклик бизде алай толулукъгъа жетгенинден, бизни къыямат кюннге таукеллигибиз барды; нек десегиз Масих къалай эсе, биз да дунияда алайбыз.

Яхуда 1:7

Муну кибик Содом бла Гомора эм аланы тийрелеринде алача саякълыкъгъа эмда табийгъатха къажау хаулеликге кеслерин берген шахарлагъа ёмюрлюк от бла азап берилип, юлгюге салыннгандыла.

Билим Ачханы 17:11

Алгъын болуп, энди уа жокъ болгъан жаныуар, сегизинчи патчахды; жетисинден бириди эмда жоюлуугъа кетерикди.

Билим Ачханы 17:8

Ол сен кёрген жаныуар бар эди эм жокъду, тюпсюз теренликледен чыгъарыкъды эм жоюлуугъа кетерикди. Жер башында жашагъанладан атлары дуния жаратылгъандан бери жашау китабында жазылмагъан адамла жаныуарны алгъын болгъанын энди уа жокълугъун кёргенде хайран боллукъдула. Алай а ол энтда бир кере чыгъарыкъды.

Билим Ачханы 20:11

Сора мен уллу акъ тахтаны эм анда Олтургъанны кёрдюм; Аны бетинден кёк да, жер да къачдыла эм алагъа жер табылмады.

Билим Ачханы 21:1

Сора мен жангы кёкню бла жангы жерни кёрдюм; нек десегиз алгъыннгы кёк бла алгъыннгы жер озгъан эдиле, энди тенгиз да жокъ эди.