II Петер 3:2 - Сыйлы Инжил бла Забур

² Сиз, алгъын сыйлы файгъамбарла айтхан сёзлени, сора Раббийни эм Къутхарыучуну, сизге абустолларыгъызны юсю бла берген фарызын эсигизде тутарыгъызны излейме.

II Петер 3:2 Iomraidhean Croise

Лука 1:70

Ол Кесини къулу Дауутну юйюрюнден бизге кючлю Къутхарыучу чыгъаргъанды.

Лука 24:27

Эм Мусадан башлап, битеу (Сыйлы) Китаплада Кесини юсюнден битеу файгъамбарланы айтханларын алагъа ангылатды.

Лука 24:44

Сора алагъа: «Мени юсюмден Мусаны Таурат китабында, файгъамбарланы китапларында эмда Забурда битеу жазылгъанла толургъа керекдиле деп, сизни бла болгъан заманында, ма муну юсюнден айтхан эдим Мен сизге», – деди.

Ишлери 10:43

Иссаны юсюнден битеу файгъамбарла, Анга ийнаннган хар адамны гюняхлары Аны аты бла кечилликлерине шагъатлыкъ этедиле», – деди.

Ишлери 28:23

Сора анга келир кюнлерин болжал этдиле эмда ол кюн андан да кёпле ол тургъан юйге келдиле. Ол а эрттенден ингирге дери Аллахны Патчахлыгъыны юсюнден окъууну ангылатып, анга шагъатлыкъ этип турду. Мусаны Таурат Китабындан да, файгъамбарланы китапларындан да Иссаны юсюнден жазылгъанланы кёргюзтюп аланы ийнандырыргъа кюреше эди.

Ишлери 3:18

Аллах а Кесини битеу файгъамбарларыны ауузлары бла, Масихни азап чегеригини юсюнден алгъындан билдиргени кибик, алай этгенди.

Ишлери 3:21

Аллах ёмюрден бери битеу Кесини сыйлы файгъамбарларыны ауузлары бла билдиргенлери бары да толур заманнга дери, Исса кёкде къалыргъа керекди.

Галатиялылагъа 6:2

Бир-биригизни къыйынлыгъын кётюрюгюз, алай бла Масихни Законун толтурурсуз.

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

Эфеслилеге 3:5

Адам улуланы алгъыннгы туудукъларына билдирилмеген, энди уа Масихни сыйлы абустолларына бла файгъамбарларына Сыйлы Нюрню юсю бла ачыкъ этилген сыр а ма буду:

I Тимотейге 6:14

Раббийибиз Масих Иссаны келирине дери Аллахны фарызын таза айыпсыз сакъла.

II Петер 2:21

Тюзлюкню жолун билип, алагъа берилген сыйлы фарыздан артха къайтхандан эсе, ол жолну билмеген болсала, алагъа иги болур эди.

II Петер 3:15

Эмда сюйюлюннген къарындашыбыз Пауул, анга берилген акъылманлыкъ бла сизге жазгъаны кибик, Раббийибизни кёп тёзюую бизге къутхарылыу алыргъа онг береди.

II Петер 3:16

Бу затланы юсюнден Пауул битеу жазып ийгенлеринде да айтады. Аны жазгъанларында къыйын ангылашыннган жерле бардыла; жахил эм бегимсиз адамла, Сыйлы Китаплада башха жазылгъанланы этгенлери кибик, быланы да терсине буруп кеслери-кеслерине жоюлуу хазырлайдыла.

I Ахия 4:6

Биз Аллахданбыз; Аллахны таныгъан бизге тынгылайды; Аллахдан болмагъан адам бизге тынгыламайды. Хакъ кертини Нюрюн эмда ажашыуну нюрюн а аны бла айырып таныйбыз.

Яхуда 1:17

Сиз а, сюйюлюннгенле, бизни Раббийибиз Масих Иссаны абустоллары сизге алгъындан айтып билдирген сёзлени эсигизде тутугъуз:

Билим Ачханы 19:10

Мен, анга сежда этер ючюн, аны аякъларына аудум; алай а ол манга: «Къара, этме алай! Мен да сени кибик эм Иссагъа шагъатлыкъ этиуню бардыргъан къарындашларынг кибик Аллахны къулума. Сежданы Аллахха эт, нек десенг Иссагъа шагъатлыкъ этиу файгъамбарлыкъны нюрюдю», – деди.