II Петер 3:18 - Сыйлы Инжил бла Забур

¹⁸ Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.

II Петер 3:18 Iomraidhean Croise

Маттай 28:20

Битеу Мен сизге буюргъанны тутаргъа аланы юйретигиз; ма, Мен, бу ёмюрню ахырына дери хар кюн да сизни блама», – деди. Амин.

Маттай 6:13

Эмда бизни терилиуге тюшюрме, алай а бизни хыйлачыдан къутхар; нек десенг Патчахлыкъ да, кюч да, махтау да ёмюрлеге да Сениди. Амин“.

Ахия 17:3

Ёмюрлюк жашау а буду, Сени – бир хакъ керти Аллахны – эм Сен ийген Масих Иссаны танысынла;

Ахия 5:23

Атагъа хурмет этгенлери кибик, бары да Уланына хурмет этер ючюн алай этгенди. Уланнга хурмет этмеген адам Аны ийген Атагъа да хурмет этмейди.

Римлилеге 11:36

Нек десегиз хар неда Анданды, Аны юсю блады эмда Аны ючюндю. Ёмюрледе да махтау Анга болсун. Амин.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Эфеслилеге 1:17

Раббийибиз Масих Иссаны Аллахы, махтаулу Ата, сиз Аны таныр ючюн сизни акъылман этерик эм сизге билим ачарыкъ Нюрюн берсин деп тилейме.

Эфеслилеге 4:15

Алай а биз сюймеклик бла хакъ кертини тутуп, хар не жаны бла да ёсюп Масиххе жетейик. Ол а чархны башыды.

Колослулагъа 1:10

Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

II Фесалоникачылагъа 1:3

Къарындашла, биз дайым сизни ючюн Аллахха тийишлисича шукур этерге керекбиз; нек десегиз сизни ийманыгъыз ёседи эм хар биригизде бир-биригизни сюймеклик сизни барыгъызны да арагъызда кёп болады.

II Тимотейге 4:18

Раббий мени хар аман ишден да къутхарлыкъды эм Кесини Кёкдеги Патчахлыгъына сакъларыкъды. Анга махтау ёмюрледен ёмюрлеге болсун. Амин.

I Петер 2:2

Жангы туугъан сабийле кибик, Аллахны таза сютге ушагъан сёзюн сюйюгюз, аны бла, ёсюп, къутхарылыугъа жетерсиз.

II Петер 1:11

Нек десегиз бизни Раббийибиз эм Къутхарыучубуз Масих Иссаны ёмюрлюк Патчахлыгъына эркин эшик сизге алай ачыллыкъды.

II Петер 1:2

Аллахны эм бизни Раббийибиз Иссаны билиу бла сизге шафауат эм ырахатлыкъ кёп болсун.

II Петер 1:3

Кеси махтауу бла эм ахшылыгъы бла бизни чакъыргъан Аллахны кючю, Аны таныгъаныбыз себепли, бизге жашаугъа бла Аллахны жолунда жюрюуге керекли хар затны бергенди.

II Петер 1:8

Была сизде бар эселе эм кёп бола эселе, Раббийибиз Масих Иссаны билиуден жетишимсиз эм хайырсыз къаллыкъ тюйюлсюз.

II Петер 2:20

Нек десегиз бизни Раббийибиз эм Къутхарыучубуз Масих Иссаны билиу бла бу дунияны харам ишлеринден къутулуп, дагъыда жангыдан ала бла къатышып, алагъа хорлата эселе уа, аллайлагъа алгъыннгыдан эсе артдагъы аман болады.

Яхуда 1:25

Бизни Къутхарыучубуз терен акъыллы бир Аллахха, бизни Раббийибиз Масих Иссаны юсю бла махтау да, уллулукъ да, кюч да, власть да, битеу ёмюрледен алгъа да, энди да эм битеу ёмюрледе да болсун! Амин.

Билим Ачханы 1:6

Эм бизни Кесини Атасы Аллахха къуллукъ этиуде патчахла эм дин къуллукъчула этген Масиххе ёмюрледен ёмюрлеге махтау эм къудурет болсун! Амин.