II Петер 3:10 - Сыйлы Инжил бла Забур

¹⁰ Раббийни кюню уа, кечегиде гудучу къалай келе эсе, алай келликди. Ол заманда кёкле таууш этип жокъ боллукъдула, табийгъатны затлары уа жанып бузуллукъдула, жер эм аны юсюнде этилген ишле кюерикдиле.

II Петер 3:10 Iomraidhean Croise

Забур 46:6

Аллах къууанч къычырыкъ бла кётюрюлдю, Раббий сур быргъы таууш бла кётюрюлдю.

Забур 97:5

Раббийге сазла бла, сазла бла эм макъам бла зикир айтыгъыз.

Маттай 24:35

Кёк бла жер жокъ болсала да, Мени сёзлерим а къаллыкъдыла».

Марк 13:31

Кёк бла жер жокъ болсала да, Мени сёзлерим а къаллыкъдыла».

Лука 12:39

Алай а сиз муну билигиз: юйню иеси, гудучуну не заманда келлигин билсе эди, жукъламай сакъ турур эди эм юйюн тонаргъа къоймаз эди.

Римлилеге 8:20

Нек десегиз алам фанагъа сюйюп боюн салмагъанды, алай а Аллахны буйругъу бла боюн салгъанды.

I Коринфлилеге 1:8

Раббийибиз Масих Исса уа, Кесини кюнюнде сиз айыпсыз болур ючюн, сизни ахырына дери бегимли этерикди.

I Коринфлилеге 5:5

Ол адам, аны гюняхлы табийгъаты жоюлур ючюн, шайтаннга берилсин. Раббийибиз Масих Иссаны кюнюнде аны нюрю къутхарылсын.

II Коринфлилеге 1:14

Алай бла, бизни Раббийибиз Масих Иссаны кюнюнде биз сизни бла махтаннган кибик, сиз да бизни бла махтанырсыз.

I Фесалоникачылагъа 5:2

Нек десегиз Раббийни кюню, кече гудучу келген кибик алай келлигин, сиз кесигиз ишексиз билесиз.

I Фесалоникачылагъа 5:4

Алай а сиз, къарындашла, ол кюн сизге билмей тургъаныгъызлай, гудучу кибик тюберча къарангыда тюйюлсюз.

II Петер 3:11

Ала бары да алай бузуллукъ эселе, сора сыйлы жашауда эмда Аллахны жолуна тюз болууда къаллайла болургъа керексиз сиз,

II Петер 3:12

Аллахны кюнюню келирин сюйюп сакълап ашыкъдыргъанла? Ол кюнде уа къабындырылгъан кёкле бузуллукъдула эм табийгъатны затлары жанып эририкдиле.

II Петер 3:7

Эндиги кёкле бла жер а, отха берилир ючюн, Аллахны ол сёзю бла сакъланып, аллахсыз адамлагъа сюд этилир эм аланы жоюлур кюнлерине дери тутулуп турадыла.

Яхуда 1:6

Даражаларында къалмай, алай а кеслерини мекямларын къойгъан мёлеклени да, Раббий ачылмазлыкъ бугъоула бла бугъоулап, къарангылыкъны тюбюнде къыяматны уллу кюнюне сакълайды.

Билим Ачханы 16:15

«Ма, гудучуча келеме! Сагъайып тургъан эм къымыжа болуп жюрюмез ючюн эм уятлыгъы кёрюнмез ючюн, кесини кийимин юсюнде сакълагъан насыплыды», – дейди Исса.

Билим Ачханы 20:11

Сора мен уллу акъ тахтаны эм анда Олтургъанны кёрдюм; Аны бетинден кёк да, жер да къачдыла эм алагъа жер табылмады.

Билим Ачханы 21:1

Сора мен жангы кёкню бла жангы жерни кёрдюм; нек десегиз алгъыннгы кёк бла алгъыннгы жер озгъан эдиле, энди тенгиз да жокъ эди.

Билим Ачханы 3:3

Сен не къабыл этгенинги эмда эшитгенинги эсинге тюшюр эм сакъла эмда тобагъа къайтыш. Уянмасанг а, Мен сени юсюнге гудучуча келирме эм сени юсюнге къайсы сагъатда келлигими сен билмезсе.

Билим Ачханы 6:14

Кёк да, чулгъамча чулгъанып, тас болду эм хар тау да, хар айрыкам да кеслерини жерлеринден тебиредиле.