II Петер 2:3 - Сыйлы Инжил бла Забур

³ Малкёзлюклеринден кёзбау сёзле айтып, сизден хайырланырыкъдыла. Алагъа сюд эрттеден хазырды, аланы Жоярыкъ да жукълап турмайды.

II Петер 2:3 Iomraidhean Croise

Забур 66:3

Жер башында Сени жолунгу, битеу миллетледе да Сени къутхарыуунгу билсинле.

Маттай 23:14

Сизге палах, дин алимле бла фарисейле, эки бетлиле! Башсыз къатынланы юйлерин ашайсыз эм кёзбаугъа узун тилек этесиз. Аны ючюн бегирек да уллу терслик аллыкъсыз.

Лука 18:8

Кёп турмай, аланы къоруулар деп айтама сизге. Алай а Адам Улу келгенинде жер юсюнде ийман табармы экен?» – деди.

Лука 20:20

Сора, Иссаны сынап къарап, Анга кеслерин тюзлюклюлеча кёргюзтген тасхачыланы ийдиле. Аны айтхан сёзю бла тузакъгъа тюшюрюрге эмда Аны оноучуну хукмусуна эм эркинлигине берирге кюреше эдиле.

Лука 22:47

Ол муну айта тургъан заманда, жыйын халкъ кёрюндю, халкъны аллында уа, онекисинден бири болгъан, Иуда деген келе эди. Ол, Иссаны уппа этер ючюн, Аны къатына келди. Ол алагъа: «Мен кимни уппа этсем, (Исса) Олду», – деп белги берген эди.

Ахия 2:16

Кёгюрчюнлени сатханлагъа да: «Быланы мындан кетеригиз, Мени Атамы юйюн сатыу-алыу юй этмегиз», – деди.

Римлилеге 16:18

Нек десегиз аллай адамла бизни Раббийибиз Масих Иссагъа къуллукъ этмейдиле, алай а кеслерини къарынларына къуллукъ этедиле; ала кёзбаулукъ бла эм сёзге усталыкъ бла хыйласыз адамланы жюреклерин терилтедиле.

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

I Фесалоникачылагъа 2:5

Нек десегиз сиз билгенча, бир заманда да сизни аллыгъызда бизни не кёзбау сёзлерибиз, не кесибизге хайыр излеуюбюз болмагъанына Аллах шагъатды.

I Фесалоникачылагъа 5:3

Ол себепден, не заманда: «Мамырлыкъ эм къоркъуусузлукъ», – деп айтсала, ол заманда бууаз къатыннга къозлау къыйынлыкъ келгени кибик, билмей тургъанлай, алагъа жоюлуу келликди, къутуллукъ да тюйюлдюле.

I Тимотейге 3:3

Ичгичи болмагъан, тюйюшюучю болмагъан, кесине хайырны сюйюучю болмагъан, алай а тынч, жарашыулукъну сюйюучю, ахча сюйюучю болмагъан,

I Тимотейге 3:8

Жамауатны болушлукъчулары да тийишли болургъа керекдиле; эки тилли болмагъанла, чагъыргъа ёч болмагъанла, кеслерине хайырны сюйюучю болмагъанла,

I Тимотейге 6:5

Хакъ кертиден узакъ болгъан, бузукъ акъыллы адамланы арасында керексиз даулашыула чыгъадыла. Ала Аллахны жолун жаланда кеслерине файда тюшюрюр ючюн жюрютедиле. Аллайладан узакъ бол.

Титге 1:11

Аллайланы ауузларын тыяргъа керекди. Ала айыплы малкёзлюк бла, жарамагъан затлагъа юйретип, сау юйюрлени терсине бурадыла.

Титге 1:7

Нек десенг жамауатны къуллукъчусу, Аллахны юй жюрютюучюсюча айыпсыз болургъа керекди. Бурушакъыл болмагъан, ачыуланыучу болмагъан, ичгичи болмагъан, тюйюшюучю болмагъан, кесине хайырны сюйюучю болмагъан,

I Петер 2:8

Аллахны Сёзюне боюн салмагъанлай, ала анга абынадыла. Ала бу абыныугъа буюрулгъандыла.

I Петер 5:2

Аллахны сизде болгъан сюрюуюн кютюгюз; зорсуз, кесигиз сюйюп эм Аллахны ыразы этип, кесигизге хайыр излеген аманлыкъ бла тюйюл, алай а кёл салып къарагъыз.

II Петер 1:16

Нек десегиз биз сизге бизни Раббийибиз Масих Иссаны кючюн эм келлигин, ушатылып айтылгъан ётюрюк таурухланы ызындан барып билдирмегенбиз, алай а Аны уллулугъун кеси кёзюбюз бла кёрюп билдиргенбиз.

II Петер 2:1

Халкъда жалгъан файгъамбарла да болгъандыла, аны кибик сизде да жалгъан устазла боллукъдула; ала уа, аланы сатып алгъан Раббийни къабыл этмей, заранлы ажашдырыучу окъуула чыгъарып, кеслерикеслерине къысха заманда жоюлууну келтирликдиле.

II Петер 2:9

Сора Раббий, Аны жолунда жюрюгенлени терилиуден къалай къутхарыргъа, тюзлюксюзлени уа,

Яхуда 1:11

Алагъа палах! Нек десегиз ала Къабилни жолу бла баргъандыла, Биламча ултхагъа терилиуге кеслерин бергендиле эм Корахча терс акъыллылыкъ бла къажымай жоюлгъандыла.

Яхуда 1:15

Барына да сюд этерикди эм Аллахны жолуна къажау болуп аллахсызлыкъ бла этилген битеу аман ишле ючюн эм аллахсыз гюняхлыла Анга къажау айтхан битеу къаты сёзле ючюн араларында болгъан аллахсызланы барына да терсликлерин кёргюзтюрюкдю», – дегенди.

Яхуда 1:16

Ала тарыгъып туруучуладыла, бир затха да онгсунмаучула, кеслерини талпыгъанларын этиучюледиле; аланы ауузлары махтанчакъ сёзле айтадыла; ала кеслерине файда тюшюрюр ючюн кёзбаулукъ этедиле.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.

Яхуда 1:7

Муну кибик Содом бла Гомора эм аланы тийрелеринде алача саякълыкъгъа эмда табийгъатха къажау хаулеликге кеслерин берген шахарлагъа ёмюрлюк от бла азап берилип, юлгюге салыннгандыла.