II Петер 2:2 - Сыйлы Инжил бла Забур

² Аланы бузукъ ишлерини ызындан да кёпле барлыкъдыла эм аланы хаталарындан Аллахны хакъ керти жолуна аман айтыллыкъды.

II Петер 2:2 Iomraidhean Croise

Маттай 22:16

Ала Анга кеслерини сохталарын иродчула бла ийип: «Устаз! Сен тюз сёзлю болуп, Аллахны жолуна тюз юйретгенинги, биреуню кёлюне жетерге деп кюрешмегенинги биз билебиз; нек десенг бир кишиге да бет этип къарамайса.

Маттай 24:24

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Маттай 7:14

Тар къабакъ бла такъыр жол – жашаугъа элтгенледиле, ол жолну уа азла табадыла».

Марк 12:14

Ала уа келип, Анга: «Устаз! Сен тюз сёзлю болгъанынгы эм биреуню кёлюне жетерге кюрешмегенинги биз билебиз; нек десенг бир кишиге да бет этип къарамайса, алай а Аллахны жолуна тюз юйретесе. Кесарьгъа жасакъ берирге тийишлимиди, огъесе тюйюлмюдю? Биз берейикми, огъесе бермейикми?» – дедиле.

Марк 13:22

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн илишанла эм сейирликле кёргюзтюрюкдюле.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ишлери 13:10

«Эй, хар тюрлю хыйладан бла хар тюрлю аманлыкъдан толгъан, ибилисни баласы, хар тюзлюкню душманы! Раббийни тюз жолларын терсине бурургъа кюрешгенинги къоярыкъ тюйюлмюсе?

Ишлери 14:2

Ийнанмагъан иудейлиле уа, башха миллетлилени жюреклерин къозгъап, аланы къарындашлагъа къажау къозутдула.

Ишлери 16:17

Ол къыз, Пауулну бла бизни ызыбыздан келип: «Бу адамла Аллаху-Тааланы къулларыдыла, была бизге къутхарылыу жолну билдиредиле!» – деп къычыра эди.

Ишлери 18:26

Ол синагогада таукел ууаз берип башлады. Аны эшитип, Прискила бла Акила, Аполлосну бир жанына элтип, анга Раббийни жолуну тюзюн ангылатдыла.

Ишлери 19:9

Аладан бир къауумлары терсакъыл болуп, ийнанмай, Раббийни жолуна, халкъны аллында аман айтханлары себепден, Пауул, аланы къоюп, сохталаны аладан айырып, Тиран атлы биреуню мактабында хар кюнден ушакъ этип турду.

Ишлери 22:4

Бу жолну, Иссаны жолун тутханлагъа мен ёлтюрюрге дери окъуна зулму этгенме, эр кишилени да, тиширыуланы да, тутуп, тюрмелеге салып тургъанма.

Ишлери 24:14

Алай а мен, ала секта деген Жол бла аталарымы Аллахына къуллукъ этип тургъаныма санга шагъатлыкъ этеме. Тауратда бла файгъамбарланы китапларында жазылгъанланы барына да ийнанама.

Римлилеге 2:24

Нек десегиз Китапда жазылгъаны кибик: «Сизни амалтын миллетлени арасында Аллахны атына аман айтылады».

I Тимотейге 5:14

Ол себепден мен жаш, тул къатынланы некяхлы болурларын, сабийле табарларын, юйлерин тутарларын эм душманнга аман айтыргъа бир тюрлю сылтау бермезлерин сюеме.

Титге 2:5

Оюмлула, тазала, юйюрлерине къараучула, халалла, кеслерини эрлерине бойсунуучула болургъа юйретсинле; Аллахны сёзюне айып тюшмесин.

Титге 2:8

Бизге къажау тургъанла бизни терслерге зат тапмай уялырча айыпсыз, тюз акъыллы сёлеше бил.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

II Петер 2:12

Алай а бу адамла табийгъат жюрютген, тутулургъа бла союлургъа туугъан, оюмсуз хайыуанла кибик, ангыламагъан затларына аман айта, кеслерини бет жоюулары бла къырылырла.

II Петер 2:15

Ала, харам ултханы сюйген Беор улу Биламны жолун тутуп, тюз жолну къоюп ажашхандыла.

II Петер 2:18

Нек десегиз ала махтанчакълыкъ бла бош сёзле айтып, ажашыуда тургъанладан кючден къутулгъанланы гюняхлы табийгъатларыны кюсеулери бла саякълыкъгъа тутадыла;

II Петер 2:21

Тюзлюкню жолун билип, алагъа берилген сыйлы фарыздан артха къайтхандан эсе, ол жолну билмеген болсала, алагъа иги болур эди.

II Петер 2:7

Адепсизлик этген адамланы саякълыкъларындан азиятлыкъ чекген тюзлюклю Лутну уа къутхаргъан эсе –

Яхуда 1:10

Была уа билмегенлерине аман айтадыла; оюмсуз хайыуанла кибик табийгъатдан билген затлары бла кеси бетлерин жоядыла.

Яхуда 1:15

Барына да сюд этерикди эм Аллахны жолуна къажау болуп аллахсызлыкъ бла этилген битеу аман ишле ючюн эм аллахсыз гюняхлыла Анга къажау айтхан битеу къаты сёзле ючюн араларында болгъан аллахсызланы барына да терсликлерин кёргюзтюрюкдю», – дегенди.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.

Яхуда 1:7

Муну кибик Содом бла Гомора эм аланы тийрелеринде алача саякълыкъгъа эмда табийгъатха къажау хаулеликге кеслерин берген шахарлагъа ёмюрлюк от бла азап берилип, юлгюге салыннгандыла.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.