II Петер 2:14 - Сыйлы Инжил бла Забур

¹⁴ Аланы кёз алларында жаланда саякъ тиширыула эмда тохтаусуз гюнях этиу турадыла; ала бегимсиз адамланы терилтедиле; аланы жюреклери жыртхычлыкъны сюйюуге юйреннгенди. Ала налат адамладыла.

II Петер 2:14 Iomraidhean Croise

Маттай 12:34

Жилянны балалары! Огъурсуз болгъаныгъызлай, сиз огъурлуну айтыргъа къалай болалырсыз? Нек десегиз аууз жюрекдегин айтады.

Маттай 23:14

Сизге палах, дин алимле бла фарисейле, эки бетлиле! Башсыз къатынланы юйлерин ашайсыз эм кёзбаугъа узун тилек этесиз. Аны ючюн бегирек да уллу терслик аллыкъсыз.

Маттай 25:41

Ол заманда сол жанындагъылагъа да: „Кетигиз Мени къатымдан налатла, ибилисге бла аны мёлеклерине хазырланнган ёмюрлюк отха!

Маттай 5:28

Мен а сизге: тиширыугъа сукъланып къарагъан хар адам, кесини жюрегинде аны бла зийна этгенди деп айтама.

Марк 13:22

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн илишанла эм сейирликле кёргюзтюрюкдюле.

Ахия 5:44

Сиз бир-биригизден махтау аласыз, бир Аллахдан болгъан махтауну уа излемейсиз, сора сиз Манга къалай ийнаналлыкъсыз?

Римлилеге 16:18

Нек десегиз аллай адамла бизни Раббийибиз Масих Иссагъа къуллукъ этмейдиле, алай а кеслерини къарынларына къуллукъ этедиле; ала кёзбаулукъ бла эм сёзге усталыкъ бла хыйласыз адамланы жюреклерин терилтедиле.

I Коринфлилеге 11:19

Нек десегиз сизни арагъызда сыналгъан адамла белгили болур ючюн, сизни арагъызда айрылыкъла да болургъа керекдиле.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Колослулагъа 2:18

Бир киши да кеси аллына сабыр акъыллылыкъ этиую бла эм мёлеклеге табыныуу бла, зауукъланып, кесини кёрген кёрюнюулерине ышанып эмда кесини табийгъат акъылы бла керексиз ёхтемленип, сизни терилтип, аллыкъ саугъагъыздан къуру къалдырмасын.

Якъуп 1:8

Экили болуучу адам кесини битеу жолларында да къаты тюйюлдю.

II Петер 2:18

Нек десегиз ала махтанчакълыкъ бла бош сёзле айтып, ажашыуда тургъанладан кючден къутулгъанланы гюняхлы табийгъатларыны кюсеулери бла саякълыкъгъа тутадыла;

II Петер 2:3

Малкёзлюклеринден кёзбау сёзле айтып, сизден хайырланырыкъдыла. Алагъа сюд эрттеден хазырды, аланы Жоярыкъ да жукълап турмайды.

II Петер 3:16

Бу затланы юсюнден Пауул битеу жазып ийгенлеринде да айтады. Аны жазгъанларында къыйын ангылашыннган жерле бардыла; жахил эм бегимсиз адамла, Сыйлы Китаплада башха жазылгъанланы этгенлери кибик, быланы да терсине буруп кеслери-кеслерине жоюлуу хазырлайдыла.

I Ахия 2:16

Нек десегиз битеу бу дунияда болгъан: гюняхлы табийгъатны талпыгъаны, кёзлени талпыгъаны эмда жашау ёхтемлик Атадан тюйюлдюле, алай а бу дуниядандыла.

Яхуда 1:11

Алагъа палах! Нек десегиз ала Къабилни жолу бла баргъандыла, Биламча ултхагъа терилиуге кеслерин бергендиле эм Корахча терс акъыллылыкъ бла къажымай жоюлгъандыла.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.