II Петер 1:7 - Сыйлы Инжил бла Забур

⁷ Тюзлюкде къарындаш сюйюуню, къарындаш сюйюуде сюймекликни кёргюзтюгюз.

II Петер 1:7 Iomraidhean Croise

Римлилеге 12:10

Ариу хал бла бир-биригизге къарындаш сюйюучюле болугъуз. Бир-биригизге хурмет этиуде эришигиз.

Галатиялылагъа 6:10

Алай бла, онгубуз болгъанда, барына да, артыгъыракъ да ийманда кесибизникилеге ахшылыкъ этейик.

Колослулагъа 3:14

Барындан да бег’а сюймекликни кийигиз; нек десегиз сюймеклик толу бирликни тапдыргъан байламлылыкъды.

I Фесалоникачылагъа 3:12

Сизни уа Раббий бир-биригизни да, битеу адамланы да сюймеклигигизни, биз сизни сюйген марда бла кёбейтип артыкъ этсин.

I Фесалоникачылагъа 5:15

Сакъ болугъуз, бир киши да аманлыкъгъа аманлыкъ бла жууап этмесин; алай а хар заманда бир-биригизге да эм барына да ахшылыкъны излегиз.

Чюйютлелеге 13:1

Сизни арагъызда къарындаш сюйюу дайым болсун.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 2:17

Барына да хурмет этигиз, къарындашлыкъны сюйюгюз, Аллахдан къоркъугъуз, патчахха хурмет этигиз.

I Петер 3:8

Ахырында, барыгъыз да бир акъыллы, жазыкъсыныучу, къарындаш сюйюучю, жумушакъ жюрекли, шуёхлукъну сюйюучю, сабыр акъыллы болугъуз.

I Ахия 3:14

Биз, къарындашларыбызны сюйгенибиз ючюн, ёлюмден жашаугъа кёчгенибизни билебиз. Къарындашын сюймеген ёлюмде къалады.

I Ахия 3:16

Биз сюймекликни не болгъанын Масих бизни ючюн Кесини жанын бергенинден ангылайбыз. Биз да къарындашларыбыз ючюн жаныбызны аямазгъа керекбиз.

I Ахия 4:21

«Аллахны сюйген кесини къарындашын да сюйсюн» деген фарызны биз Масихден алгъанбыз.